ປະດັບຫຼຽນໄຊໃຫ້ຄະນະຜູ້ແທນສະມາຄົມມິດຕະພາບ ຫວຽດນາມ-ລາວ

  ໃນວັນທີ 31 ພຶດສະພາ 2019 ສະຫາຍ ນາງ ສູນທອນ ໄຊຍະຈັກ, ຫົວໜ້າຄະນະພົວພັນຕ່າງປະເທດສູນກາງພັກ ໄດ້ຕາງໜ້າໃຫ້ລັດຖະບານ ແຫ່ງ ສປປ ລາວ ປະດັບຫຼຽນໄຊມິດຕະພາບ ຊຶ່ງເປັນຫຼຽນສູງສົ່ງຂອງລັດ ຖະບານແຫ່ງ ສປປ ລາວ ໃຫ້ແກ່ສະມາຄົມມິດຕະພາບຫວຽດນາມ-ລາວ ຂັ້ນສູນກາງທີ່ໄດ້ມີຜົນງານ, ຄຸນງາມຄວາມດີອັນໃຫຍ່ຫຼວງໃນການປະ ກອບສ່ວນສຳຄັນໃນການເພີ່ມພູນຄູນສ້າງສາຍພົວພັນມິດຕະພາບອັນຍິ່ງ ໃຫຍ່, ຄວາມສາມັກຄີພິເສດ ແລະການຮ່ວມມືຮອບດ້ານ ລາວ-ຫວຽດ ນາມຕະຫຼອດມາ, ໃນໂອກາດເດີນທາງມາຢ້ຽມຢາມ ແລະຮັດວຽກຢູ່ ສປປ ລາວ.

  ທ່ານ ເຈິນ ວັນຕຸ້ຍ ຫົວໜ້າຄະນະຮັບຜິດຊອບວຽກງານຜູ້ແທນສະ ພາ, ຮອງຫົວໜ້າຄະນະຈັດຕັ້ງສູນກາງພັກກອມມູນິດຫວຽດນາມ, ປະ ທານສະມາຄົມມິດຕະພາບ ຫວຽດນາມ-ລາວ ຂັ້ນສູນກາງ ໄດ້ສະແດງ ຄວາມຂອບໃຈ ແລະຮູ້ບຸນຄຸນເປັນຢ່າງສູງທີ່ລັດຖະບານແຫ່ງ ສປປ ລາວ ແລະໄດ້ຕີລາຄາສູງຕໍ່ການປະກອບສ່ວນຂອງສະມາຄົມມິດຕະພາບ  ຫວຽດນາມ-ລາວ ຕົກລົງມອບຫຼຽນໄຊມິດຕະພາບໃຫ້ແກ່ສະມາຄົມມິດ ຕະພາບ ຫວຽດນາມ-ລາວ ຊຶ່ງເປັນກຳລັງອັນແຮງກ້າ ໃຫ້ແກ່ສະມາຄົມມິດ ຕະພາບ ຫວຽດນາມ-ລາວ ແລະສະແດງຄວາມຍິນດີຈະສືບຕໍ່ຮ່ວມມືກັບສະມາຄົມມິດຕະພາບລາວ-ຫວຽດນາມ ໃນການສືບຕໍ່ປະກອບສ່ວນ ເສີມຂະຫຍາຍ  ແລະເພີ່ມພູນຄູນສ້າງສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະການຮ່ວມມືຮອບດ້ານ ລາວ-ຫວຽດ ນາມ ທີ່ໄດ້ຮັບການສ້າງຕັ້ງຂຶ້ນໂດຍ ປະທານໂຮ່ຈິມິນຜູ້ຍິ່ງໃຫຍ່, ປະທານ ໄກສອນ ພົມວິຫານ ແລະປະທານ ສຸພານຸວົງ ທີ່ເຄົາລົບຮັກ.

  ນອກຈາກນັ້ນ ຍັງໄດ້ໄປເຂົ້າຮ່ວມພິທີມອບ-ຮັບເຮືອນມິດຕະພາບ ລາວ-ຫວຽດນາມໃຫ້ແກ່ແມ່ເຖົ້າກັນເຈຍ, ຢູ່ບ້ານໂພນ, ເມືອງລະມາມ, ແຂວງເຊກອງ ຊຶ່ງເປັນໜຶ່ງໃນບຸກຄົນທີ່ໄດ້ເບິ່ງແຍງຊ່ວຍເຫຼືອທະຫານ ອາສາສະໝັກ ຫວຽດນາມ ທີ່ມາເຄື່ອນໄຫວສູ້ຮົບຢູ່ລາວ ໃນສະໄໝສົງຄາມ ເພືຶ່ອປົດປ່ອຍຊາດຂອງປະຊາຊົນລາວ. ພ້ອມນັ້ນຄະນະຜູ້ແທນສະມາຄົມ ຍັງໄດ້ຢ້ຽມຊົມສະຖານທີ່ ທ່ອງທ່ຽວທາງທຳມະຊາດ, ວັດທະນາທຳ ແລະ ປະຫວັດສາດຢູ່ນະຄອນຫຼວງວຽງຈັນ ແລະບາງແຂວງຂອງ ສປປ ລາວ.

ພາບ ແລໍະຂ່າວໂດຍ: ໜັງສືພິມເສດຖະກິດ-ສັງຄົມ

• 05/06/2019