ໄຊຍະບູລີ ສະຫຼອງວັນທີ 1 ມິຖຸນາ

  ວັນທີ 31 ພຶດສະພາ 2019 ແຂວງໄຊຍະບູລີ ໄດ້ຈັດພິທີສະເຫຼີມສະຫຼອງວັນເດັກນ້ອຍສາກົນ (1 ມິຖຸນາ), ວັນປູກຕົ້ນໄມ້ແຫ່ງຊາດ ແລະວັນສົນທິສັນຍາສິດທິເດັກຄົບຮອບ 30 ປີ ຂຶ້ນທີ່ເດີ່ນກີລາຮົ່ມຂອງແຂວງໄຊຍະບູລີ ໂດຍການໃຫ້ກຽດເຂົ້າຮ່ວມຂອງທ່ານ ພົງສະຫວັນ ສິດທະວົງ ເຈົ້າແຂວງໄຊຍະບູລີ, ມີຄະນະປະຈຳພັກແຂວງ, ກຳມະການພັກແຂວງ, ຫົວໜ້າ, ຮອງຫົວໜ້າພະແນກການ, ສະພາປະຊາຊົນແຂວງໄຊຍະບູລີ, ອົງການປົກຄອງເມືອງ, ນັກຮຽນປັນຍາຊົນ, ຜູ້ປົກຄອງເດັກ, ອຳນາດການປົກຄອງບ້ານເຂົ້າຮ່ວມ.

 ເຈົ້າແຂວງໄຊຍະບູລີ ໄດ້ໃຫ້ກຽດຂຶ້ນປາໄສຕໍ່ພິທີດັ່ງກ່າວວ່າ: ການສະເຫຼີມສະຫຼອງວັນເດັກນ້ອຍສາກົນ (1 ມິຖຸນາ), ວັນປູກຕົ້ນໄມ້ແຫ່ງຊາດ ແລະວັນສົນທິສັນ ຍາສິດທິເດັກຄົບຮອບ 30 ປີ ແມ່ນ ເພື່ອສ້າງຈິດສຳນຶກໃຫ້ທົ່ວສັງຄົມ ເພີ່ມທະວີຄວາມເອົາໃຈໃສ່ເບິ່ງ ແຍງຊ່ວຍເຫຼືອເດັກຢ່າງຮອບດ້ານຕິດຕາມສິດທິຂອງເດັກທີ່ຄວນຈະ ໄດ້ຮັບ 4 ສິດຄື: ສິດທິໃນການ ຢູ່ລອດ,  ສິດທິໃນການໄດ້ຮັບການ ພັດທະນາສິດທິໃນການໄດ້ຮັບ ການປົກປ້ອງ ແລະສິດທິໃນການມີສ່ວນຮ່ວມ ພ້ອມນີ້ຍັງມີການສ້າງຈິດສຳນຶກໃຫ້ອານຸຊົນ, ເຍົາວະ ຊົນລຸ້ນຫຼັງໃຫ້ມີຄວາມຮັກ ແລະ ຄວາມຜູກພັນກັບທຳມະຊາດໂດຍສະເພາະປ່າໄມ້ຊຶ່ງເປັນແຫຼ່ງນໍ້າ, ແຫຼ່ງອາຫານ ແລະແຫຼ່ງອາກາດສົດຊື່ນໃຫ້ແກ່ເຂົ້າເຈົ້າ ແລະສັງຄົມ

ໃນໂອກາດສະເຫຼີມສະຫຼອງ 3 ວັນດັ່ງກ່າວນີ້ແຂວງໄຊຍະບູລີ ໄດ້ມີການຈັດຫຼາຍກິດຈະກຳເຊັ່ນການຍ່າງມາລາທອນ, ການແລ່ນຄວາມໄວຂອງເຍົາວະຊົນ-ອານຸຊົນ, ປູກຕົ້ນໄມ້ປ່ອຍປາລົງສູ່ສາຍນໍ້າຮຸ່ງການສະແດງສີລະປະ, ແຈກຍ້າຍເຂົ້າໜົມໃຫ້ເດັກ ແລະການຢອດຢາວິຕາມິນ, ຢາຂ້າແມ່ທ້ອງຕື່ມອີກ.

ພາບ ແລໍະຂ່າວໂດຍ: ໜັງສືພິມເສດຖະກິດ-ສັງຄົມ

• 05/06/2019