ຫຸ່ນຍົນ Delivery ໄດ້ຮັບອະນຸຍາດໃຫ້ໃຊ້ງານ ໃນລັດວໍຊິງຕັນແລ້ວ

ລັດວໍຊິງຕັນໄດ້ກາຍເປັນລັດທີແປດໃນອາເມລິກາທີ່ອະນຸ ຍາດໃຫ້ໃຊ້ງານຫຸ່ນຍົນ Delivery ຕາມທາງຍ່າງ ແລະທາງມ້າລາຍ ໂດຍ Jay Inslee ຜູ້ວ່າການລັດ ວໍຊິງຕັນໄດ້ລົງນາມໃນເລື່ອງນີ້ຫຼັງຈາກໄດ້ຮັບການສະໜັບສະໜູນ ໂດຍບໍລິສັດ Starship Technologies ຊຶ່ງມີຄວາມຊ່ຽວຊານດ້ານລະບົບຂັບເຄື່ອນອັດຕະໂນມັດແລະການຂົນສົ່ງພາຍໃນທ້ອງຖິ່ນ.

ຫຸ່ນຍົນ Delivery ຖືກນຳມາໃຊ້ເພື່ອຫວັງຫຼຸດຄວາມແອອັດແລະມົນລະພິດພາຍໃນເມືອງເນື່ອງ ຈາກຫຸ່ນຍົນໃຊ້ພະລັງງານໄຟຟ້າ ເປັນຫຼັກ ຊຶ່ງການອະນຸຍາດໃຫ້ມີ ການໃຊ້ງານຫຸ່ນຍົນ Delivery ໃນເມືອງຍັງຊ່ວຍໃຫ້ບໍລິສັດຂົນ ສົ່ງໃນທ້ອງຖິ່ນມີຄວາມສາມາດໃນການແຂ່ງຂັນເພີ່ມຂຶ້ນເນື່ອງ ຈາກເຮັດໃຫ້ບໍລິສັດຂະໜາດນ້ອຍ ທີ່ຂາດແຄນໂຄງສ້າງພື້ນຖານດ້ານການຈັດສົ່ງສາມາດໃຊ້ຫຸ້ນຍົນເຂົ້າມາຊ່ວຍທົດແທນໄດ້ເຖິງຈະມີຄວາມກັງວົນວ່າຫຸ່ນຍົນອາດຈະເຮັດໃຫ້ເກີດອັນຕະລາຍຕໍ່ຜູ້ໃຊ້ທາງຍ່າງ ແຕ່ຫຸ່ນຍົນກໍໄດ້ຮັບການອອກແບມາເພື່ອປ້ອງກັນເລື່ອງເຫຼົ່ານີ້ ໂດຍ ສະເພາະທັງການໃຊ້ເຕັກໂນໂລຊີດ້ານ computer vision, GPSລວມທັງ machine learning ໂດຍຫຸ່ນຍົນສາມາດສ້າງແຜນທີ່ຈາກສະພາບແວດລ້ອມຮອບໆຕົວ ເພື່ອນຳທາງໃນພື້ນທີ່ແອອັດ ແລະ ຫຼີກລ່ຽງສິ່ງກີດຂວາງຕ່າງໆ.

ລັດເວີຈິເນຍເປັນລັດທຳອິດໃນ ອາເມລິກາທີ່ເລີ່ມອະນຸຍາດໃຫ້ນຳ ຫຸ່ນຍົນ Delivery ມາໃຊ້ງານຕັ້ງ ແຕ່ປີ 2017 ຕາມມາດ້ວຍລັດໄອດາໂຮວິສຄອນຊິນຟລໍຣິດາໂອໄຮ ໂອຍູທາ ແລະແອຣິໂຊນາແຕ່ສຳ ລັບບາງລັດເຊັ່ນລັດຊານຟຣານຊິສ ໂກຍັງກຳລັງຢູ່ໃນການພິຈາລະນາຂໍ້ກົດໝາຍທີ່ກ່ຽວຂ້ອງ.

ພາບ ແລະຂາ່ວໂດຍ: ໜັງສືພິມເສດຖະກິດ-ສັງຄົມ

แชร์