ແສງອາລຸນສະຫຼອງວັນເດັກ ແລະວັນປູກຕົ້ນໄມ້

  ໃນວັນທີ 1 ມິຖຸນາ 2019 ຜ່ານມາໂຮງຮຽນອະນຸບານ-ປະຖົມແສງອາລຸນບ້ານໂນນດຸ ນະຄອນປາກເຊ ແຂວງຈໍາປາສັກ ໄດ້ຈັດກິດຈະກໍາສະເຫຼີີມສະຫຼອງວັນເດັກນ້ອນສາກົນ ແລະວັນປູກຕົ້ນໄມ້ຂຶ້ນທີ່ສູນການຄ້າເຟຣນຊິບມໍໃຫ້ກຽດເຂົ້າຮ່ວມຂອງ ທ່ານ ເກດສະໜາ ຄໍາມິງສະຫວັນ ຫົວໜ້າຫ້ອງການສຶກສາທິ ການ ແລະກີລາ ນະຄອນປາກເຊ, ທ່ານນາງ ປັນຈະລາ ທອງມະນີລາ ຜູ້ອໍານວຍການໂຮງຮຽນອະນຸບານ ແລະປະຖົມແສງອາລຸນ, ມີທ່ານປະທານສະພາ ການຄ້າ ແລະ ອຸດສາຫະກໍາແຂວງ, ທ່ານ ປະທານສະມາຄົມນັກທຸລະກິດແມ່ຍິງ ແຂວງຈໍາປາສັກ ພ້ອມດ້ວຍພໍ່ແມ່ປະຊາຊົນ ແລະ ນ້ອງນ້ອຍນັກຮຽນເຂົ້າຮ່ວມ ເປັນຈໍານວນຫຼາຍ.

  ຈຸດປະສົງຂອງການຈັດງານເພື່ອສະເຫຼີມສະຫຼອງວັນເດັກນ້ອຍສາກົນ ແລະວັນປູກຕົ້ນໄມ້ແຫ່ງຊາດວັນທີ 1 ມິຖຸນາ 2019 ຊຶ່ງທາງໂຮງຮຽນອະນຸບານ-ປະ ຖົມແສງອາລຸນໄດ້ຮ່ວມກັບບໍລິສັດວຽງທອງການຢາຮ່ວມກັນຈັດຂຶ້ນເພື່ອກໍ່ໃຫ້ເຫັນຄວາມໝາຍຄວາມສໍາຄັນຂອງເດັກຊຶ່ງເດັກນ້ອຍໃນວັນນີ້ກໍ່ຄືຜູ້ໃຫຍ່ໃນວັນໜ້າດັ່ງນັ້ນຈິ່ງໄດ້ພ້ອມກັນຈັດງານນີ້ຂຶ້ນມາ ອີກຢ່າງໜຶ່ງເພື່ອເປັນການສ້າງຈິດສໍານຶກໃຫ້ແກ່ເດັກນ້ອຍໄດ້ຮຽນຮູ້ ແລະເຂົ້າໃຈກ່ຽວກັບຄວາມໝາຍ ແລະຄວາມສໍາຄັນຂອງວັນດັ່ງກ່າວ.

ໃນກິດຈະກໍາທາງໂຮງຮຽນຍັງໄດ້ມີພິທີມອບໃບຍ້ອງຍໍໃຫ້ແກ່ນ້ອງນ້ອຍນັກຮຽນທີ່ສາມາດຮຽນດີຮຽນເກັ່ງ ແລະມີຄຸນສົມບັດດີໃຫ້ນ້ອງນ້ອຍຈໍານວນຫຼາຍຕາມລະດັບຊັ້ນຮຽນ.

ພາບ ແລະຂ່າວ: ໜັງສືພິມເສດຖະກິດ-ສັງຄົມ

แชร์