ຮອງລັດຖະມົນຕີກະຊວງກະສິກຳເຄື່ອນໄຫວວຽກຢູ່ທ້ອງຖິ່ນ

  ໃນລະຫວ່າງວັນທີ 27-28 ພຶດສະພາຜ່ານມາ, ທ່ານ ຄຳບຸນ ນັດ ໄຊຍະນົນ ຮອງລັດຖະມົນຕີກະຊວງກະສິກຳ ແລະປ່າໄມ້ພ້ອມດ້ວຍຄະນະໄດ້ເຄື່ອນໄຫວວຽກງານທີ່ແຂວງໄຊສົມບູນ ໂດຍການຕ້ອນຮັບຂອງ ທ່ານ ພອຍຄຳ ຮຸ່ງບຸນຍວງ ຮອງເຈົ້າແຂວງໆໄຊສົມບູນ.

ທ່ານ ໂອໃດ ດວງວິໄຊ ຮອງ ຫົວໜ້າພະແນກກະສິກຳ ແລະປ່າ ໄມ້ແຂວງໄຊສົມບູນ ໄດ້ລາຍງານ ຫຍໍ້ກ່ຽວກັບສະພາບການຈັດຕັ້ງ ປະຕິບັດວຽກງານຂອງຂະແໜງ ກະສິກຳ ແລະປ່າໄມ້ໃນໄລຍະຜ່ານ ມາເປັນຕົ້ນແມ່ນ ແຜນການຜະລິດ ສະບຽງອາຫານໃນທົ່ວແຂວງມີ ເນື້ອທີ່ປູກເຂົ້າທັງໝົດ 10 ພັນ ກວ່າເຮັກຕາ, ສະມັດຕະພາບ 3,2 ໂຕນຕໍ່ເຮັກຕາ, ຜົນຜະລິດ 33 ພັນ ກວ່າໂຕນ; ປະຊາຊົນຍັງໄດ້ປູກພືດ ຜັກເປັນຕົ້ນປູກສາລີແຂງ, ສາລີ ຫວານ, ສາລີ

ເຂົ້າໜຽວ, ຢາງພາ ລາ ແລະຍັງໄດ້ປູກຜັກຊະນິດອື່ນໆ ຕື່ມອີກເພື່ອເປັນສິນຄ້າ. ນອກຈາກ ນີ້, ທົ່ວແຂວງຍັງມີສັດລ້ຽງປະເພດ ງົວ, ຄວາຍ, ແບ້, ແກະ, ໝູ  ແລະສັດ ປີກ, ຄຽງຄູ່ກັນນີ້ ຍັງໄດ້ຈັດສັນ ພູມລຳເນົາ ແລະບ່ອນທຳມາຫາ ກິນທີ່ຖາວອນໃຫ້ປະຊາຊົນ ແລະ ສ້າງບ້ານໃຫຍ່ໃຫ້ກາຍເປັນຕົວ ເມືອງນ້ອຍໃນຊົນນະບົດໄດ້ທັງໝົດ 11 ຈຸດສຸມ, ວຽກງານພັດທະນາຊົນ ນະບົດ ແລະແກ້ໄຂຄວາມທຸກຍາກ ທົ່ວແຂວງຍັງມີເມືອງທຸກຍາກ 2 ເມືອງ, ບ້ານທຸກຍາກ 12 ບ້ານ, ຄອບຄົວທຸກຍາກ 1.000 ກວ່າ ຄອບຄົວ, ມີບ້ານພັດທະນາ 15 ບ້ານ ແລະບ້ານພົ້ນທຸກມີ 17 ບ້ານ.

ໃນເວລາຕໍ່ມາທ່ານຮອງລັດ ຖະມົນຕີ ພ້ອມດ້ວຍຄະນະໄດ້ເດີນ ທາງໄປເຄື່ອນໄຫວວຽກງານທີ່ ບ້ານຈອມທອງ, ເມືອງວຽງທອງ, ແຂວງບໍລິຄຳໄຊ ໂດຍການຕ້ອນຮັບຂອງທ່ານເຈົ້າເມືອງໆວຽງ ທອງ. ໃນທີ່ປະຊຸມ ທ່ານ ພັຕ ແກ້ວ ດວງໄຊ ນາຍບ້ານໆຈອມທອງໄດ້ ລາຍງານຫຍໍ້ຜົນການຈັດຕັ້ງວຽກ ງານ 3 ສ້າງຂອງບ້ານ ຊຶ່ງທ່ານ ໃຫ້ຮູ້ວ່າ: ບ້ານຈອມທອງມີເນື້ອ ທີ່ກະສິກຳ 200 ກວ່າເຮັກຕາ ມີ ຄອບຄົວພົ້ນທຸກ 350 ຄອບຄົວ, ປະເມີນຕາມດຳລັດເລກທີ 348/ລບ ມີຄອບຄົວພົ້ນທຸກ 255 ຄອບ ຄົວ, ມີຄອບຄົວພັດທະນາ 157 ຄອບຄົວ; ຖ້າທຽບໃສ່ດຳລັດເລກ ທີ 309/ນຍ ຄອບຄົວພົ້ນທຸກຫຼຸດ ລົງ 195 ຄອບຄົວ, ສ້າງຄອບຄົວ ພັດທະນາໄດ້ 307 ຄອບຄົວ, ສ້າງຄອບຄົວຕົວແບບດ້ານກະສິ ກຳໄດ້ 6 ຄອບຄົວ ແລະຮັບຮອງ ເອົາບ້ານຈອມທອງເປັນບ້ານຕົວ ແບບດ້ານກະສິກຳຂອງເມືອງ, ມີກອງທຶນບ້ານ (ຄູ້ມໂພຄຳ) ຈຳ ນວນ 84 ລ້ານກີບ ແລະກອງທຶນ ພັດທະນາບ້ານຂອງໂຄງການຄຸ້ມ ຄອງປ່າປ້ອງກັນແຫ່ງຊາດນໍ້າ ມ່ວນ-ນໍ້າຍວງ ຈຳນວນ 100 ລ້ານ. ສຳລັບການສ້າງບ້ານ ຈອມທອງ ເປັນສີສັນຕົວເມືອງໃນຊົນນະບົດ ອີງຕາມດຳລັດ 309/ນຍ ໃນຈຳ ນວນ 12 ມາດຕະຖານ ສາມາດ ປະຕິບັດໄດ້ 11 ມາດຕະຖານ, ດຳ ລັດເລກທີ 348/ລບ ໃນຈຳນວນ 16 ເງື່ອນໄຂ ສາມາດບັນລຸໄດ້ 10 ເງື່ອນໄຂ.

ໃນໂອກາດທີ່ລົງເຄື່ອນໄຫວ ວຽກງານໃນຄັ້ງນີ້ ທ່ານຮອງລັດ ຖະມົນຕີກະຊວງກະສິກຳ ແລະ ປ່າໄມ້ ໄດ້ເນັ້ນໜັກໃຫ້ພະແນກກະ ສິກຳ ແລະປ່າໄມ້ແຂວງ, ຫ້ອງການ ກະສິກຳ ແລະປ່າໄມ້ເມືອງຈັດຜັງ ບ້ານ (ຈັດສັນເຂົ້າແຜນພື້ນຖານ ໂຄງລ່າງ), ຈັດບູລິມະສິດແຜນຜັງ ເມືອງພັດທະນາໃນອະນາຄົດ (ດິນ ປຸກສ້າງ, ດິນພັດທະນາ), ເອົາກະ ສິກຳເປັນໃຈກາງໃນການຂຽນ ແຜນພັດທະນາກະສິກຳ ແລະແຜນ ພັດທະນາຊົນນະບົດ, ແຍກການ ລົງທຶນຂອງລັດ ແລະຜູ້ປະກອບ ການເປັນອັນລະອຽດ, ລົງເລິກ ການປູກຝັງ ແລະລ້ຽງສັດ, ລົງຊຸກ ຍູ້ສົ່ງເສີມໃຫ້ປະຊາຊົນ ໂດຍສະ ເພາະການລົງສັກຢາສັດລ້ຽງຂອງ ປະຊາຊົນໃຫ້ທົ່ວເຖິງ ແລະປູກພືດຜັກຊະນິດຕ່າງໆໃຫ້ທ່ວງທັນກັບ ລະດູການ ເພື່ອຕອບສະໜອງທາງ ດ້ານສະບຽງອາຫານໃຫ້ພຽງພໍ ພາຍໃນແຂວງ ແລະສາມາດສົ່ງ ອອກເປັນສິນຄ້າໄປຍັງບັນດາ ແຂວງອ້ອມຂ້າງຕື່ມອີກ.

ພາບ ແລະຂ່າວໂດຍ: ໜັງສືພິມເສດຖະກິດ-ສັງຄົມ

แชร์