ສະຫວັນນະເຂດ ປະກາດເລື່ອນຊັ້ນໃຫ້ນາຍຕຳຫຼວດ

  ເພື່ອປະຕິບັດນະໂຍບາຍຂອງພັກ-ລັດ ທີ່ມີຕໍ່ນາຍຕຳຫຼວດຜູ້ທີ່ມີຜົນສຳເລັດໃນການປະຕິບັດໜ້າທີ່ວຽກງານ ແລະຄົບມາດຖານເງື່ອນໄຂຂອງການເລື່ອນຊັ້ນທີ່ກຳນົດໄວ້ໃນກົດໝາຍຂອງກຳລັງ ປກສ ແລະຄວາມເປັນເອກະພາບ, ມີຄວາມຫ້າວຫັນປະຕິບັດໜ້າທີ່ວຽກງານຕົວຈິງ.

  ມາໃນວັນທີ 28 ພຶດສະພາ 2019 ນີ້, ກອງບັນຊາການ ປກສ ແຂວງສະຫວັນນະເຂດ ໄດ້ຈັດພິ ທີປະກາດເລື່ອນຊັ້ນໃຫ້ນາຍຕຳ ຫຼວດຢ່າງເປັນທາງການ ໂດຍ ການເປັນປະທານຂອງ ທ່ານ ພັອ ຄຳພົນ ສີຫາປັນຍາ ຫົວໜ້າກອງ ບັນຊາການ ປກສ ແຂວງ, ມີບັນດາ ຄະນະບັນຊາ, ຄະນະຫ້ອງ, ໂຮງ ຮຽນ ປກສ ຊັ້ນກາງເລກ 2, ກອງ ພັນເຄື່ອນທີ່, ກອງບັນຊາການ ປກສ ເມືອງ, ພະນັກງານ-ນັກຮົບ ຜູ້ທີ່ໄດ້ຮັບການເລື່ອນຊັ້ນເຂົ້າຮ່ວມ.

  ທ່ານ ພັທ ຄຳຜາຍ ຄູນລາດສຸ ວັນນະວົງ ຮອງຫ້ອງການເມືອງ ປກສ ແຂວງ ໄດ້ຜ່ານຂໍ້ຕົກລົງຂອງ ລັດຖະມົນຕີກະຊວງປ້ອງກັນ ຄວາມສະຫງົບ ເລກທີ 927/ປກ, ລົງວັນທີ 22 ພຶດສະພາ 2019 ວ່າດ້ວຍການເລື່ອນຊັ້ນໃຫ້ນາຍຕໍາຫຼວດກອງບັນຊາການ ປກສ ແຂວງສະຫວັນນະເຂດຈໍານວນ 158 ສະຫາ ຍ, ຍິງ 18 ສະຫາຍ ໃນນີ້ເລື່ອນຊັ້ນພັນຕີຂຶ້ນພັນໂທມີຈຳນວນ 20 ສະຫາຍ, ຍິງ 1 ສະຫາຍ, ຮ້ອຍເອກຂຶ້ນພັນຕີ  91 ສະຫາຍ, ຍິງ 8 ສະຫາຍ ແລະຮ້ອຍ ໂທຂຶ້ນຮ້ອຍເອກ 47 ສະຫາຍ, ຍິງ 9 ສະຫາຍໃຫ້ກຽດປະດັບຊັ້ນໂດຍທ່ານ ພັອ ຄຳພົນ ສີຫາປັນຍາ ແລະຜ່ານມະຕິຕົກລົງຂອງຄະນະປະຈຳພັກແຂວງເລກ ທີ 0802/ຄປພຂ, ລົງວັນທີ 28.08.2018 ວ່າດ້ວຍການຮັບຮອງອອກບັດສະມາຊິກພັກສົມບູນທີ່ໄດ້ມາດຖານຊຸດທີ 16 ໃນນີ້ມີສະມາຊິກພັກສົມບູນກອງບັນຊາການ ປກສ ແຂວງສະຫວັນນະເຂດ ທີ່ໄດ້ຮັບ ບັດແດງຈຳນວນ 243 ສະຫາຍ, ຍິງ 18 ສະຫາຍ.

ພາບ ແລະຂ່າວໂດຍ: ໜັງສືພິມເສດຖະກິດ-ສັງຄົມ

แชร์