ຄຳມ່ວນ ຄາດຄະເນປູກໄມ້ລື່ນແຜນ

  ໂດຍສະໜອງແນວທາງນະໂຍບາຍຂອງພັກ ແລະລັດຖະບານເພື່ອເຮັດໃຫ້ວຽກງານປູກໄມ້ ແລະຟື້ນຟູປ່າໃຫ້ໄດ້ຕາມລະດັບ ຄາດໝາຍ, ມີຄວາມຊັດເຈນ, ເຂົ້າ ສູ່ລະບົບ, ມີປະສິດທິຜົນ ແລະໄດ້ ຮັບຜົນສໍາເລັດຕາມແຜນການທີ່ ໄດ້ກໍານົດໄວ້ໃນຍຸດທະສາດປ່າໄມ້ຮອດປີ 2020 ຄື: ປູກໄມ້ໃຫ້ໄດ້ 5 ແສນເຮັກຕາ, ຟື້ນຟູປ່າໃຫ້ໄດ້ 6 ລ້ານເຮັກຕາ ເພື່ອຍົກລະດັບຄວາມປົກຫຸ້ມປ່າໄມ້ທົ່ວປະເທດໃຫ້ໄດ້ 70% ໃນປີ 2020 .

  ໃນວັນທີ 31 ພຶດສະພາ 2019 ແຂວງຄຳມ່ວນໄດ້ຈັດພິທີປູກຕົ້ນ ໄມ້ເນື່ອງໃນໂອກາດວັນປູກຕົ້ນ ໄມ້ແຫ່ງຊາດຢູ່ທີ່ສວນປູກໄມ້ຂອງ ບໍລິສັດແມ່ຂອງປູກໄມ້ອຸດສາຫະ ກໍາ ຈໍາກັດ (ບ້ານດານຮີ), ເມືອງ ຫີນບູນ, ໂດຍການເຂົ້າຮ່ວມຂອງ ທ່ານ ບຸນມີ ພິມມະສອນ ຮອງເຈົ້າ ແຂວງໆຄໍາມ່ວນ, ທ່ານ ຄໍາຜຸຍ ທອນພັກດີ ເຈົ້າເມືອງໆຫີນບູນ, ທ່ານ ເດດສັກດາ ມະນີຄໍາ ຮອງ ຫົວໜ້າພະແນກກະສິກໍາ-ປ່າໄມ້ ແຂວງ, ທ່ານ ແຮ໋ງ ຟຣີຕໍຣັດ ຕາງ ໜ້າບໍລິສັດແມ່ຂອງປູກໄມ້ອຸດສາ ຫະກໍາ ຈໍາກັດ, ມີບັນດາການນໍາ 10 ຕົວເມືອງ, ຕາງໜ້າພະແນກ ການອ້ອມຂ້າງແຂວງ, ນ້ອງນ້ອຍ ນັກຮຽນຕະຫຼອດພະນັກງານວິຊາ ການຂົງເຂດກະສິກໍາ-ປ່າໄມ້ເຂົ້າ ຮ່ວມ.

  ທ່ານ ເດດສັກດາ ມະນີຄໍາ ຮອງຫົວໜ້າພະແນກກະສິກໍາ-ປ່າໄມ້ແຂວງໆຄໍາມ່ວນໃຫ້ຮູ້ວ່າ: ຕາມແຜນສູ້ຊົນວຽກເກັບແກ່ນ ໄມ້ຂອງແຂວງຄຳມ່ວນໃນປີ 2019 ໃຫ້ໄດ້ 647 ກິໂລ ປະຕິບັດ ຕົວຈິງໄດ້ 900 ກິໂລ (ລື່ນແຜນ), ວຽກກ້າເບ້ຍໄມ້ຕາມແຜນ 5,51 ແສນເບ້ຍ ປະຕິບັດຕົວຈິງໄດ້ 1,2 ລ້ານເບ້ຍ, ວຽກປູກໄມ້ຕາມ ແຜນທົ່ວແຂວງໃຫ້ໄດ້ 805 ເຮັກຕາ ກໍາລັງປະຕິບັດແຕ່ຄາດ ຄະເນວ່າອາດຈະລື່ນແຜນປີ 2019, ຖ້າ ທຽບໃສ່ປີ 2018 ຕາມ ແຜນ 750 ເຮັກຕາ ປະຕິບັດໄດ້ 1.851 ເຮັກຕາ .

  ສະເພາະປູກຢູ່ສະຖານທີ່ສວນ ປູກໄມ້ຂອງບໍລິສັດແມ່ຂອງປູກ ໄມ້ອຸດສາຫະກໍາ ຈໍາກັດ ມີຈໍານວນ 5 ເຮັກຕາ ເທົ່າກັບ 6.655 ເບ້ຍ ສ່ວນວ່າເບ້ຍໄມ້ທີ່ນໍາມາປູກແມ່ນ ເປັນປະເພດໄມ້ວິກ, ຊຶ່ງໃນປີ 2019 ບໍລິສັດດັ່ງກ່າວມີແຜນຈະປູກໃຫ້ ໄດ້ 520 ເຮັກຕາ ສະເພາະບໍລິສັດ ແມ່ຂອງແຜນປີ 2019 ແມ່ນ 520 ເຮັກຕາ, ສ່ວນພະແນກກະສິກໍາ ແລະປ່າໄມ້ແຂວງແມ່ນມີແຜນຈະ ແຈກຢາຍເບ້ຍໄມ້ໃຫ້ສໍານັກງານ ອົງການ, ພໍ່ແມ່ປະຊາຊົນປູກປະ ມານ 5.000 ເບ້ຍ ໃນນັ້ນປະ ກອບມີໄມ້ອຸດສາຫະກໍາ, ໄມ້ປະ ດັບ, ໄມ້ພື້ນເມືອງ (ໄມ້ໃຫ້ໝາກ), ໄມ້ດູ່, ໄມ້ແຕ້ ...

  ດ້ານການບົວລະບັດຮັກສາຮອງຫົວໜ້າພະແນກກະສິກຳໃຫ້ ຮູ້ວ່າ: ພາຍຫຼັງທີ່ໄດ້ປູກໄປແລ້ວ ແມ່ນຈະໄດ້ມອບໃຫ້ຂະແໜງການຮັບຜິດຊອບໂດຍສະເພາະຂະແໜງ ປ່າໄມ້ລົງຊຸກຍູ້ຕິດຕາມເພື່ອເຮັດ ໃຫ້ການປູກມີປະສິດທິຜົນດີຂຶ້ນ ກວ່າເກົ່າ ຊຶ່ງປະຈຸບັນສ່ວນຫຼາຍ ແມ່ນຜູ້ປະກອບການ (ນັກລົງທຶນ) ໄດ້ຫັນມາປູກໄມ້ຫຼາຍຂຶ້ນເຊິ່ງເຫັນ ວ່າການປູກໄມ້ຂອງເຂົາເຈົ້າແມ່ນ ບໍ່ມີບັນຫາຫຍັງເນື່ອງຈາກວ່າ ພາກລັດໄດ້ເຂົ້າມາມີສ່ວນຮ່ວມ ໃນຂະບວນການດັ່ງກ່າວເຮັດໃຫ້ຂອດການບົວລະບັດຮັກສາມີປະ ສິດທິຜົນຫຼາຍຂຶ້ນ.

ພາບ ແລະຂ່າວໂດຍ: ໜັງສືພິມເສດຖະກິດ-ສັງຄົມ

แชร์