ກວຕ ປະດັບຫຼຽນໄຊແຮງງານໃຫ້ປະທານກຸ່ມບໍລິສັດ AMZ

  ໂດຍອີງຕາມລັດຖະດຳລັດຂອງປະທານປະເທດວ່າດ້ວຍການປະດັບຫຼຽນໄຊແຮງງານຊັ້ນ III, ສະບັບເລກທີ 155/ປປທ, ລົງວັນທີ 11 ກຸມພາ 2019 ແລະອີງຕາມໃບມອບສິດສະບັບເລກທີ 225/ນຍ ລົງວັນທີ 4 ທັນວາ 2018 ມອບສິດໃຫ້ທ່ານລັດຖະມົນຕີກະຊວງວິທະຍາສາດ ແລະ ເຕັກໂນໂລຊີຕາງ ໜ້າໃຫ້ລັດ ຖະບານແຫ່ງ ສປປ ລາວ ປະດັບຫຼຽນໄຊແຮງງານຊັ້ນ III.

 ໃນວັນທີ 31ພຶດສະພາ 2019 ຜ່ານມາ, ຢູ່ທີ່ກະຊວງວິທະຍາສາດ ແລະເຕັກໂນໂລຊີ (ກວຕ) ທ່ານ ບໍ່ວຽງຄຳ ວົງດາລາ ລັດຖະມົນຕີ ກະຊວງວິທະຍາສາດ ແລະເຕັກໂນໂລຊີຕາງໜ້າໃຫ້ລັດຖະບານແຫ່ງ ສປປ ລາວ ປະດັບຫຼຽນໄຊແຮງງານ III ໃຫ້ແກ່ ທ່ານ ອາລິວັນ ສີທາລາ ປະທານກຸ່ມບໍລິສັດ AMZ ຈຳກັດ ທີ່ໄດ້ປະກອບ ສ່ວນເຂົ້າໃນການຈັດຕັ້ງປະຕິບັດໂຄງການສ້າງສູນຂໍ້ມູນທີ່ນຳໃຊ້ພະລັງງານຢ່າງມີປະສິດ ທິພາບຂອງ ສປປ ລາວ (LEED), ຊຶ່ງໂຄງການດັ່ງກ່າວໄດ້ເລີ່ມຈັດຕັ້ງປະຕິບັດນັບແຕ່ປີ 2016 ມາເຖິງປະຈຸບັນໄດ້ສຳເລັດເປັນຢ່າງດີຜົນງານດັ່ງກ່າວເປັນການປະກອບສ່ວນອັນສຳຄັນໃນການພັດທະນາປະ ເທດຊາດ.

  ໃນໂອກາດດຽວກັນ, ທ່ານລັດຖະມົນຕີກະຊວງວິທະຍາສາດ ແລະເຕັກໂນໂລຊີໄດ້ມອບໃບຍ້ອງຍໍໃຫ້ແກ່ທ່ານ Nobuyuki AOKI ປະທານບໍລິສັດ Maru nouchi Co.,ltd ທີ່ໄດ້ປະກອບສ່ວນເຂົ້າໃນການຈັດຕັ້ງປະຕິບັດໂຄງການສ້າງສູນຂໍ້ມູນທີ່ນຳໃຊ້ພະລັງງານຢ່າງມີປະສິດທິພາບຂອງ ສປປ ລາວ (LEED).

ພາບ ແລະຂ່າວໂດຍ: ໜັງສືພິມເສດຖະກິດ-ສັງຄົມ

แชร์