ອິນເດຍອາກາດຮ້ອນອຸນຫະພູມ 50 ອົງສາເຊ

ຄື້ນຄວາມຮ້ອນແຜ່ປົກຄຸມ ໄປທົ່ວພາກເໜືອຂອງອິນເດຍ ອຸນຫະພູມສູງເຖິງ 50 ອົງສາເຊ ໃນລັດຣາຊາສະຖານ ແລະມີລາຍງານວ່າມີປະຊາຊົນທົນຄວາມ ຮ້ອນບໍ່ໄດ້ເສຍຊີວິດຫຼາຍຄົນ.

ຕາມຂ່າວຕ່າງປະເທດລາຍງານໃນວັນທີ 2 ມິຖຸນາທີ່ຜ່ານມາວ່າສຳນັກງານອຸຕຸນິຍົມວິທະຍາແຫ່ງຊາດອິນເດຍ (ໄອເອັມດີ) ຖະແຫຼງວ່າ ອຸນຫະພູມທີ່ເມືອງຊູຣູເຂດທະເລຊາຍໃນລັດຣາຊາສະຖານທາງພາກເໜືອຂອງອິນເດຍອຸນຫະພູມວັດແທກໄດ້ 50,6 ອົງສາເຊ ແລະທົ່ວລັດຣາຊາສະຖານກຳລັງປະເຊີນກັບຄວາມຮ້ອນຫຼາຍເມືອງ ອຸນຫະພູມສູງກວ່າ 47 ອົງສາເຊ, ເຈົ້າໜ້າທີ່ໄອເອັມດີກ່າວວ່າອາກາດຮ້ອນຮຸນແຮງອາດຈະແກ່ຍາວເຖິງ 1 ອາທິດໃນເຂດຣາຊາ ສະຖານ, ມະຫາຣາດມັນທະປະ ເທດ, ປັນຈາບ ແລະອຸດຕະປະເທດ ແລະຫຼ້າສຸດມີຜູ້ເສຍຊີວິດຈາກແດດຮ້ອນຫຼາຍຄົນ.

ທາງການອິນເດຍປະກາດ ເຕືອນໄພພາວະອາກາດຮ້ອນເປັນ ລະດັບສີແດງໃນເຂດນະຄອນຫຼວງນີວເດລີຫຼັງຈາກອຸນຫະພູມສູງຂຶ້ນ 46 ອົງສາເຊເຈົ້າໜ້າທີ່ແນະນໍາປະຊາຊົນຄວນຫຼີກເວັ້ນການອອກນອກເຮືອນໃນຊົ່ວໂມງທີ່ມີອາກາດຮ້ອນທີ່ສຸດຂອງວັນ.ໂດຍຫຼາຍເມືອງໃຫຍ່ຄືເຈນໄນຫຼືມັນຣາສກຳລັງວິຕົກພາວະຂາດແຄນນໍ້າ ເມື່ອລະດັບນໍ້າໃນທະເລສາບ ແລະ ແມ່ນໍ້າສາຍຕ່າງໆກຳລັງຫຼຸດລົງເລື້ອຍໆ.

ພາບ ແລະຂາ່ວໂດຍ: ໜັງສືພິມເສດຖະກິດ-ສັງຄົມ

• 04/06/2019