ຈີນເກັບພາສີສິນຄ້າອາເມລິກາ 60 ຕື້ໂດລາ

ທ່ານ ມະຫາເທ ໂມຮໍາໝັດ ນາຍົກລັດຖະມົນຕີຂອງມາເລເຊຍສະເໝີໃຫ້ພາກພື້ນອາຊີຕາເວັນອອກນໍາໃຊ້ສະກຸນເງິນດຽວກັນສຳລັບຄ້າຂາຍລະຫວ່າງປະເທດ ໂດຍໃຫ້ຜູກຕິດກັບຄຳແທນເງິນໂດລາສະຫະລັດທີ່ບໍ່ມີສະຖຽນລະພາບ.

ຕາມຂ່າວຕ່າງປະເທດລາຍງານວ່າ ນາຍົກລັດຖະມົນຕີຂອງມາເລເຊຍກ່າວສູນທອນພົດຕໍ່ກອງປະຊຸມອະນາຄົດຂອງອາຊີຢູ່ທີ່ນະຄອນຫຼວງໂຕ ກຽວຂອງຍີ່ປຸ່ນໃນທ້າຍອາທິດທີ່ຜ່ານມາວ່າ ເງິນຕາດຽວກັນທີ່ທ່ານມະຫາເທສະເໜີນີ້ສາມາດໃຊ້ສຳລັບການນໍາເຂົ້າ ແລະສົ່ງອອກໃນພາກພື້ນອາຊີຕາເວັນອອກແຕ່ບໍ່ແມ່ນໃຊ້ສຳລັບການເຮັດທຸລະກຳຂອງແຕ່ລະປະເທດ, ໃນພາກພື້ນຕາເວັນອອກໄກຖ້າຫາກທ່ານຕ້ອງການຮ່ວມແຮງຮ່ວມໃຈກັນກໍຄວນເລີ່ມຕົ້ນດ້ວຍການໃຊ້ເງິນຕາຄ້າຂາຍສະກຸນເງິນດຽວກັນບໍ່ແມ່ນໃຊ້ສຳລັບພາຍໃນປະເທດແຕ່ເພື່ອຈຸດປະສົງໃນການຕົກລົງການຄ້າຂາຍພ້ອມກັນນີ້ທ່ານຍັງກ່າວວ່າປະຈຸບັນນີ້ເຮົາຕ້ອງອິງຕາມສະກຸນເງິນໂດລາສະຫະລັດ ແຕ່ເງິນໂດລາກໍ່ບໍ່ສະຖຽນລະພາບສະນັ້ນເງິນຕາທີ່ສະເໜີຄວນຍຶດຕາມຄຳເປັນຫຼັກ ເພາະຄຳມີສະຖຽນລະພາບຫຼາຍກວ່າ.

ຜູ້ນໍາມາເລເຊຍກ່າວຕື່ມວ່າ ລະບົບອັດຕາການແລກປ່ຽນເງິນຕາຕ່າງປະເທດໃນປະຈຸບັນນັ້ນເງິນຕາສະກຸນທ້ອງຖິ່ນໄດ້ຮັບຜົນກະທົບຈາກປັດໄຈພາຍນອກແລະຖືກປັ່ນປ່ວນຄ່າເງິນສ່ວນອັດຕາການແລກປ່ຽນທີ່ທ່ານມະຫາເທສະເໜີເງິນຕາຂອງພາກພື້ນນັ້ນຈະເຊື່ອມໂຍງກັບການຊໍາລະໜີ້ຂອງແຕ່ລະປະເທດ ແລະຈະຊ່ວຍໃຫ້ການຄ້າຂອງພາກພື້ນມີການປະສານກັນ

ພາບ ແລະຂາ່ວໂດຍ: ໜັງສືພິມເສດຖະກິດ-ສັງຄົມ

• 04/06/2019