ໂຣເບີດ ແພນທິນສັນ ພະເອກແບັກແມນຄົນໃໝ່

ວາລະສານວາໄຣຕີ້ລາຍງານວ່າບໍລິສັດວໍເນີບຣາເທີໄດ້ເຊັນສັນຍາກັບໂຣເບີດແພນທິນສັນພະເອກດັງຈາກບົດແວມພາຍໃນຮູບເງົາດັງເລື່ອງທະໄວໄລທີ່ຈະມາຮັບບົດເປັນແບັກແມນ (The Batman) ຮຽບຮ້ອຍແລ້ວ.

ຫຼ້າສຸດມີການລາຍງານວ່າບໍລິສັດວໍເນີບຣາເທີຢືນຢັນວ່າຮູບເງົາເລື່ອງແບັກແມນເລື່ອງນີ້ມີກຳນົດ ສາຍໃນວັນທີ 25 ມິຖຸນາປີ 2021 ແລະຄາດຄະເນວ່າຈະເລີ່ມເປີດກ້ອງຖ່າຍທຳໃນໄລຍະພັກແລ້ງນີ້ໂດຍແມດຣີບຜູ້ກຳກັບຄົນອັງກິດທີ່ເຄີຍມີຜົນງານແບັກແມນທີເບນແອຟເຟຣັກຮັບບົດນໍາ ແລະ Planetof the Apesຈະຮັບໜ້າທີ່ເປັນຜູ້ກຳກັບ,ທັງນີ້ຍັງມີການຢືນຢັນວ່າ ໂຣເບີດ ແພນທິນສັນພະເອກຄົນອັງກິດອາຍຸ 33 ປີ ສາມາດເອົາຊະນະນິໂຄລັສຮອນນັກສະແດງ ຄົນອັງກິດລຸ້ນນ້ອງຄວ້າບົດນໍາ ແບັກແມນໄປໄດ້.

ໜຸ່ມໂຣເບິດແພນທິນສັນໂດ່ງດັງຈາກບົດ ເອັດເວິດຄັລເລນ ແວມພາຍສຸດງາມຂັວນໃຈສາວໆໃນຮູບເງົາຫຼາຍພາກ Twilight ທີ່ອອກສາຍໃນປີ 2008-2012.ສໍາລັບງານເລື່ອງຫຼ້າສຸດຂອງລາວ ຄື The Lighthouse ທີ່ປະຊັນບົດ ບາດກັບນັກສະແດງທີ່ມີສີມືດີຄືວິນ ເລັມດາໂຟ ທີ່ອອກສາຍໃນເທດສະການເມືອງຄານຄັ້ງທີ 72 .

ພາບ ແລະຂາ່ວໂດຍ: ໜັງສືພິມເສດຖະກິດ-ສັງຄົມ

 

แชร์