32 ຄົວເຮືອນຖືກແລວສາຍສົ່ງໄຟແຮງສູງເຂື່ອນເຊກອງຕອນລຸ່ມ

  ວັນທີ 31 ພຶດສະພາ 2019 ແຂວງອັດຕະປື ໄດ້ຈັດກອງປະຊຸມປຶກສາຫາລືການສຶກສາເບື້ອງຕົ້ນກ່ຽວກັບຜົນກະທົບຕໍ່ສິ່ງແວດລ້ອມຈາກໂຄງການກໍ່ສ້າງສາຍສົ່ງໄຟຟ້າ 115 ກິໂລໂວນຈາກເຮືອນຈັກເຂື່ອນໄຟຟ້າເຊກອງຕອນລຸ່ມເອເຊື່ອມຕໍ່ກັບສາຍສົ່ງ 115 ກິໂລໂວນ ບ້ານນາຫາສະເພົາທອງຈຸດເຊື່ອມຕໍ່ຢູ່ບ້ານໃໝ່ ເມືອງສະໜາມໄຊ ຂຶ້ນທີ່ຫ້ອງປະຊຸມຫ້ອງວ່າການປົກຄອງແຂວງໂດຍການເຂົ້າຮ່ວມຂອງທ່ານ ສຸກສະໃໝ ຈັນທະມາດ ຮອງເຈົ້າແຂວງ ແຂວງອັດຕະປື ມີການນໍາເມືອງສະໜາມໄຊ, ມີອຳນາດການປົກຄອງບ້ານ 4 ບ້ານເຂົ້າຮ່ວມ.

  ກອງປະຊຸມບັນດາຜູ້ເຂົ້າຮ່ວມໄດ້ຮັບຟັງການສະເໜີກ່ຽວກັບການສຶກສາເບື້ອງຕົ້ນກ່ຽວກັບຜົນກະທົບດ້ານສິ່ງແວດລ້ອມສັງຄົມ ແລະທຳມະຊາດຢູ່ໃນເຂດ ຄຸ້ມຄອງຂອງ 4 ບ້ານ ຂອງເມືອງສະໜາມໄຊຄື: ບ້ານຄັນໝາກນາວ, ບ້ານຫາດຍາວ, ບ້ານໃຫ່ແທຄຸ້ມໂຄກກ່ອງ ແລະບ້ານໃໝ່ສໍາລັບການກໍ່ສ້າງສາຍສົ່ງໄຟຟ້າ 115 ກິໂລໂວນ ແມ່ນຈະເລີ່ມຈາກເຮືອນຈັກເຂື່ອນໄຟຟ້າ ເຊກອງຕອນລຸ່ມເອຫາສາຍສົ່ງ 115 ກິໂລໂວນ ບ້ານນາ ຫາສະຖານີໄຟຟ້າ ສະເພົາທອງມີ

ຈຸດເຊື່ອມຕໍ່ຢູ່ເຂດບ້ານໃໝ່ ຊຶ່ງການກໍ່ສ້າງແມ່ນຈະເປັນແບບແລວສາຍດ່ຽວມີໄລຍະຄວາມຍາວທັງໝົດ 13 ກິໂລແມັດ ແລະຈຳນວນຕຳແໜ່ງຂອງເສົາທັງ ໝົດ 37 ຈຸດກວ້າງ 25  ແມັດ ແລະເນື້ອທີ່ດິນທັງໝົດ 33 ກວ່າເຮັກຕາ ໃນນີ້ເນື້ອທີ່ດິນຖືກຜົນກະທົບຖາວອນມີ 2,6 ພັນຕາແມັດ,ມີ 32 ຄົວເຮືອນທີ່ໄດ້ຮັບຜົນກະທົບຕໍ່ເນື້ອທີ່ການນຳໃຊ້ດິນຕາມເຂດແລວສາຍສົ່ງ .

ນອກນັ້ນໃນກອງປະຊຸມບັນດາຜູ້ເຂົ້າຮ່ວມໄດ້ແລກປ່ຽນປະກອບຄຳເຫັນ ແລະ ເຫັນດີເປັນເອກະພາບຕໍ່ບົດລາຍງານການສຶກສາເບື້ອງຕົ້ນກ່ຽວກັບຜົນກະທົບ ຕໍ່ສິ່ງແວດສັງຄົມຂອງໂຄງການ, ພ້ອມນີ້ທາງບໍລິສັດຜູ້ພັດທະນາໂຄງການກໍ່ເຫັນດີ ແລະພ້ອມຊົດເຊີຍຕໍ່ຜົນກະທົບໃນດ້ານຕ່າງໆຕາມລະບຽບການ.

  ສໍາລັບໂຄງການສາຍສົ່ງ 115 ກິໂລໂວນ ແມ່ນສາຍສົ່ງທີ່ເສື່ອມຕໍ່ຈາກເຂື່ອນໄຟຟ້າເຊກອງຕອນລຸ່ມເອຊຶ່ງຈະໄດ້ສ້າງຂຶ້ນຢູ່ຕອນລຸ່ມຂອງແມ່ນໍ້າເຊກອງຫ່າງ ຈາກເທສະບານເມືອງສະໜາມໄຊ 12 ກິໂລແມັດຂຶ້ນກັບບ້ານຄັນໝາກນາວຕົວເຂື່ອນມີຄວາມສູງ 8,5 ແມັດ, ກວ້າງ 8 ແມັດ, ອ່າງເກັບນໍ້າປະມານ 25, 4 ກິ ໂລແມັດກາເລ, ລະດັບນໍ້າຖ້ວມສູງສຸດ ຂອງອ່າງ 83 ແມັດ ທຽບໃສ່ລະດັບ ນໍ້າທະເລເນື້້ອທີ່ອ່າງໂຕ່ງນໍ້າ 18 ພັນ 800 ກິໂລຕາແມັດ, ອ່າງເກັບນ້ຳສາ ມາດກັກເກັບນ້ຳໄດ້ 97,76 ລ້ານແມັດກ້ອນ ກໍາລັງຕິດຕັ້ງຂອງເຄື່ອງຈັກ 76 ເມກາວັດສາມາດຜະລິດກະແສໄຟຟ້າໄດ້ 334,7 ລ້ານກິໂລວັດໂມງຕໍ່ປີ.

ພາບ ແລະຂ່າວໂດຍ: ໜັງສືພິມເສດຖະກິດ-ສັງຄົມ

แชร์