ໂຕເລກວາ່ງວຽກຢູ່ເຢຍລະມັນເພີ່ມຂື້ນ

ອັດຕາການວ່າງວຽກເຢຍ ລະມັນເພີ່ມຂຶ້ນໃນເດືອນພຶດສະພາ ເປັນເທື່ອທຳອິດໃນຮອບຫຼາຍກວ່າ 5 ປີ ທ່າມກາງສັນຍານການລໍຕົວທາງເສດຖະກິດ.

ຕາມຂ່າວຕ່າງປະເທດລາຍງານໃນທ້າຍອາທິດທີ່ຜ່ານມາວ່າ ສຳນັກງານແຮງງານກາງຂອງເຢຍລະມັນ ລະບຸວ່າ: ອັດຕາວ່າງວຽກໃນປະເທດເພີ່ມຂຶ້ນໃນເດືອນພຶດສະພານີ້ເປັນຄັ້ງທຳອິດໃນຮອບ ກວ່າ 5 ປີ, ທ່າມກາງສັນຍານການຢຸດຈຶ້ງຕົວເລກໃນເຢຍລະມັນທີ່ມີເສດຖະກິດຂະໜາດໃຫຍ່ທີ່ສຸດຂອງເອີຣົບ.ຊຶ່ງປະຊາຊົນ 5% ວ່າງວຽກໃນເຢຍລະມັນ, ເພີ່ມຂຶ້ນ 0,1ຈຸດ,ຫຼັງຈາກເດືອນມີນາເດືອນເມສາອັດຕາການວ່າງວຽກຢູ່ທີ4,9%,ນັບເປັນຕົວເລກຕໍ່າສຸດຕັ້ງ ແຕ່ລວມປະເທດເຢຍລະມັນເມື່ອປີ1990.ສ່ວນຕົວເລກເດືອນພຶດສະພານັບເປັນຄັ້ງທຳອິດ ທີ່ເພີ່ມຂຶ້ນຕັ້ງແຕ່ເດືອນພຶດສະພາປີ 2013,ຊຶ່ງເຄີຍສູງເຖິງ 6,9%.ຜູ້ອຳນວຍການສຳນັກງານເຢຍລະມັນກ່າວວ່າ ເປັນຄັ້ງທຳອິດທີ່ຕະຫຼາດແຮງງານສະທ້ອນໃຫ້ເຫັນເຖິງພາວະເສດຖະກິດຢຸດຈຶ້ງໃນໄລຍະນີ້.

ພາບ ແລະຂາ່ວໂດຍ:ໜັງສືພິມເສດຖະກິດ-ສັງຄົມ

 

แชร์