ຫາດດອນກາງນໍ້າຊອງ ເມືອງວັງວຽງ ຈັດງານບຸນບັ້ງໄຟ

ຫວ່າງບໍ່ດົນມານີ້ຢູ່ຫາດດອນກາງນໍ້າຊອງເມືອງວັງວຽງ ແຂວງວຽງຈັນໄດ້ຈັດງານບຸນບັ້ງໄຟຂຶ້ນຢ່າງຄຶກຄື້ນມ່ວນຊື່ນໂດຍມີອໍານາດການປົກຄອງເມືອງ,ພໍ່ແມ່ປະຊາຊົນພາຍໃນເທສະບານ ເມືອງວັງວຽງຕະຫຼອດຮອດແຂກພາຍໃນແລະຕ່າງປະເທດທີ່ມາທ່ຽວຫາດດັ່ງກ່າວເຂົ້າຮ່ວມ. ບຸນບັ້ງໄຟ ເປັນບຸນປະເພນີປະຈໍາເດືອນ 6 ທີ່ສືບທອດກັນມາແຕ່ດຶກດໍາບັນ ຊຶ່ງຈັດຂຶ້ນຕາມຄວາມເຊື່ອທີ່ວ່າເທິງຟ້າມີສິ່ງສັກສິດ ຫຼື ທີ່ຊາວພຸດເອີ້ນກັນວ່າ “ພະຍາແຖນ” ໂດຍມູນເຫດຂອງການເຮັດບຸນບັ້ງໄຟມີເລື່ອງເລົ່າວ່າ: ໃນເມື່ອກ່ອນບ້ານເມືອງເກີດເດືອດຮ້ອນເພາະຝົນຟ້າບໍ່ຕົກຕາມລະດູການບັນດາຄົນ, ສັດ,ພືດຕ່າງໆໄດ້ຮັບຄວາມເດືອດຮ້ອນໄປຕາມໆກັນຍັງມີ “ພະຍາຄັນຄາກ” ທີ່ມີລິດເດດເປັນສັດວິເສດປົກຄອງຢູ່ພື້ນແຜ່ນດິນຈຶ່ງອອກໄປກວດກາຫາສາເຫດວ່າເປັນຫຍັງຝົນຟ້າຈຶ່ງບໍ່ຕົກລົງມາຈຶ່ງຮູ້ ຄວາມຈິງວ່າເປັນ “ພະຍາແຖນ” ເອງທີ່ບໍ່ຍອມສົ່ງຝົນລົງມາເມື່ອພະຍາຄັນຄາກຮູ້ຢ່າງນັ້ນຈຶ່ງຂໍອາສາສູ້ກັບພະຍາແຖນໂດຍການເອົາຝົນ ຟ້າເປັນເດີມພັນຫາກພະຍາຄັນຄາກຊະນະພະຍາແຖນຕ້ອງເຮັດໃຫ້ຝົນຕົກລົງມາໃຫ້ມວນມະນຸດ,ຈາກນັ້ນ“ພະຍາແຖນ” ແລະ“ພະຍາຄັນຄາກ” ຕໍ່ສູ້ກັນຜົນປະກົດວ່າພະຍາຄັນຄາກຊະນະພະຍາແຖນຕ້ອງສົ່ງຝົນໃຫ້ຕົກລົງມາໃນໂລກມະນຸດແຕ່ມີຂໍ້ຕົກລົງວ່າຊາວໂລກ ຫຼື ມະນຸດນັ້ນຕ້ອງໄດ້ເຮັດບຸນບັ້ງໄຟແລ້ວຈູດຂຶ້ນໄປບອກພະຍາແຖນດ້ວຍວ່າຕ້ອງການຝົນເມື່ອໃດ, ເວລາໃດ, ໄລຍະໃດດັ່ງນັ້ນເມື່ອເຖິງລະດູການເຮັດນາຊາວນາຕ້ອງການຝົນກໍຕ້ອງເຮັດບຸນບັ້ງໄຟຈູດບັ້ງໄຟຂຶ້ນໄປບອກ“ພະຍາແຖນ” ເພື່ອເປັນສັນຍານ ເພື່ອໃຫ້ພະຍາແຖນເຮັດຝົນຕົກລົງມາດ້ວຍເຫດຄວາມເຊື່ອທີ່ກ່າວມານີ້ຊາວພຸດທັງຫຼາຍຈຶ່ງໄດ້ມີການເຮັດບຸນບັ້ງໄຟຈົນມາຮອດທຸກມື້ນີ້.

ສໍາລັບການຈັດງານຄັ້ງນີ້ແມ່ນເພື່ອເປັນການປົກປັກຮັກສາຮິດຄອງປະເພນີອັນດີງາມຂອງຊາວລາວທີ່ສືບທອດກັນມາແຕ່ສະໄບູຮານນະການໃຫ້ຢູ່ຄູ່ກັບຄົນລາວເຮົາຕະຫຼອດໄປ.ຊຶ່ງມີບັ້ງໄຟທັງໝົດ83 ບັ້ງ ໃນນັ້ນບັ້ງໄຟລ້ານ 3 ບັ້ງ,ບັ້ງໄຟທີ່ສົ່ງເຂົ້າປະກວດມີ 21 ບັ້ງຜ່ານການແຂ່ງຂັນຈູດເຫັນວ່າບັ້ງ ໄຟງາມຂຶ້ນແລວທີ 1 ແມ່ນບັ້ງໄຟບັງກະໂລງມາຈິມັງກາເດັນໄດ້ຮັບ ລາງວັນ 1,5 ລ້ານກີບ, ສ່ວນທີ 2ແມ່ນບັ້ງໄຟອູ່ 7 K ສ້ອມແປງລົດນະ ຄອນຫຼວງວຽງຈັນໄດ້ຮັບລາງວັນ 1 ລ້ານກີບ ແລະທີ 3 ແມ່ນບັ້ງໄຟ ບໍລິສັດແສງເພັດເກັບກູ້ລະເບີດພັດທະນາກໍ່ສ້າງຂົວທາງໄດ້ຮັບລາງ ວັນ 5 ແສນກີບ.

ພາບ ແລະຂາ່ວໂດຍ:ໜັງສືພິມເສດຖະກິດ-ສັງຄົມ

 

แชร์