ອາເມລິກາເຝົ້າຕິດຕາມຄ່າເງິນ 3 ປະເທດອາຊຽນ

ເວັບໄຊບລູມເບີກເປີດເຜີຍສາເຫດທີ່ສິງກະໂປ,ມາເລເຊຍ ແລະ ສສ ຫວຽດນາມຖືກກະຊວງການເງິນຂອງອາເມລິກາເພີ່ມໄວ້ໃນລາຍຊື່ທີ່ຕ້ອງເຝົ້າຕິດຕາມເລື່ອງມາດຕະການຄ່າເງິນຢ່າງໃກ້ຊິດ.ຕາມຂ່າວຕ່າງປະເທດລາຍງານໃນວັນທີ 29 ພຶດສະພາວ່າ ອາເມລິກາຈະຂຶ້ນລາຍຊື່ປະເທດຄູ່ ຄ້າໄວ້ໃນລາຍງານປະເທດທີ່ຕ້ອງເຝົ້າຕິດຕາມເລື່ອງມາດຕະການຄ່າເງິນຢ່າງໃກ້ຊິດຖ້າຫາກເຂົ້າເກນ ສອງໃນສາມຢ່າງປະກອບມີການເກີນດຸນບັນຊີເດີນສຳພັດກັບອາເມລິກາ 2% ຂອງຈີດີພີຈາກເດີມທີ່ກຳນົດໄວ້ທີ່ 3% ການແຊກແຊງຕະຫຼາດເພື່ອໜູນຄ່າເງິນຂອງຕົນເອງຢູ່ສະເໝີແລະການເກີນດຸນການຄ້າຢ່າງໜ້ອຍ 20 ຕື້ໂດລາສະຫະລັດ, ໂດຍບລູມເບີກລະບຸວ່າກະຊວງການເງິນອາເມລິກາເພີ່ມຊື່ສິງກະໂປໄວ້ໃນລາຍງານຫຼ້າສຸດ ເນື່ອງຈາກປີທີ່ຜ່ານມາເກີນດຸນບັນຊີເດີນສະພັດກັບອາເມລິກາຈຳນວນຫຼາຍ ແລະຊື້ສະກຸນເງິນຕ່າງປະເທດສຸດທິ 17 ຕື້ໂດລາຄິດ ເປັນ 4,6% ຂອງຈີດີພີ, ສ່ວນມາເລເຊຍ ເກີນດຸນການຄ້າກັບອາເມລິກາ 27 ຕື້ໂດລາ, ເກີດດຸນບັນຊີເດີນສະພັດ 2,1% ຂອງຈີດີພີ ແລຂາຍສະກຸນເງິນຕ່າງປະເທດສຸດທິ 3,1% ຂອງຈີດີພີເພື່ອໜູນເງິນຮິງກິດບໍ່ໃຫ້ອ່ອນຄ່າຂະນະທີ່ຫວຽດນາມເກືອບກ້າວເຂົ້າເກນທັງສາມຂໍ້.ດ້ານນັກເສດຖະກິດຂອງບໍລິສັດລົງທຶນ ແລະຫຼັກຊັບເອັນເອຊ ຂອງ ສ ເກົາຫຼີລະບຸວ່າ ການທີ່ອາ ເມລິກາເພີ່ມລາຍຊື່ສາມປະເທດອາຊຽນໄວ້ໃນລາຍຊື່ຫຼ້າສຸດອາດເປັນການເດີນໜ້າກົດດັນ ສປ ຈີນ ເພາະທັງສາມປະເທດມີຄວາມສຳພັນທາງເສດຖະກິດຢ່າງໃກ້ຊິດກັບຈີນ.

ພາບ ແລະຂາ່ວໂດຍ:ໜັງສືພິມເສດຖະກິດ-ສັງ

แชร์