ສະແດງຮູບເງົາ “ພະລັກພະລາມ ຈິນຕະນາການ ຮູບແຕ້ມນໍາໄປສູ່ນໍາໄປສູ່ຊີວິດ”

ກະຊວງແຫຼງຂ່າວວັດທະນະທໍາແລະທ່ອງທ່ຽວແຫ່ງ ສປປ ລາວຮ່ວມກັບກະຊວງວັດທະນະທໍາແຫ່ງຣາຊະອານາຈັກໄທໄດ້ຈັດງານສະແດງຮູບເຮົາເລື່ອງ“ພະລັກພະລາມຈິນຕະນາການຮູບແຕ້ມນໍາ ໄປສູ່ນໍາໄປສູ່ຊີວິດ” ຂຶ້ນໃນຄໍ່າຄືນຂອງວັນທີ 29 ພຶດສະພາ 2019 ທີ່ຫໍວັດທະນະທໍາແຫ່ງຊາດລາວ ໂດຍໃຫ້ກຽດເຂົ້າຮ່ວມຂອງທ່ານ ບໍ່ແສງຄໍາວົງດາລາ ລັດຖະມົນຕີ ກະຊວງແຫຼງຂ່າວວັດທະນະທໍາແລະທ່ອງທ່ຽວ ມີລັດຖະມົນຕີກະຊວງວັດທະນະທໍາແຫ່ງຣາຊະອານາຈັກໄທ, ຄະນະທູຕານຸທູດແລະຜູ້ແທນອົງການລະຫວ່າງປະເທດໃນ ສປປ ລາວ ເຂົ້າຮ່ວມ.

ທ່ານ ກຽດຕິຄຸນຊາດປະເສີດເອກອັກຄະຣາຊະທູດແຫ່ງຣາຊະອານາຈັກໄທ ປະຈໍາ ສປປ ລາວ ກ່າວວ່າ: ລາວ ແລະໄທເປັນປະເທດທີ່ມີສາຍພົວພັນກັນແໜ້ນແຟ້ນແລະໃກ້ຊິດກັນມາຍາວນານ, ວັດທະນະທໍາຂອງສອງປະເທດລ້ວນ ແຕ່ມີລັກຊະນະເຊື່ອມໂຍງ ແລະຄ້າຍຄືກັນບໍ່ວ່າຈະເປັນພາສາປາກເວົ້າ, ການແຕ່ງກາຍ, ປະເພນີພິທີກໍາຕ່າງໆຊຶ່ງປະສານໃຫ້ປະຊາຊົນສອງຊາດມີຄວາມຜູກພັນກັນຢ່າງແໜ້ນແຟ້ນຍາວນານເຊັ່ນດຽວກັບລະຄອນເລື່ອງລາມມະກຽນຂອງປະເທດໄທແລະເລື່ອງພະລັກພະລາມຂອງ ສປປ ລາວທີ່ນໍາໂຄງ ເລື່ອງມາຈາກສາສະໜາອິນດູຂອງປະເທດອິນເດຍ.

ພະລັກພະລາມເປັນວັນນະຄະດີພື້ນເມືອງ, ເປັນຊື່ຂອງຕົວລະຄອນສອງອ້າຍນ້ອງຊຶ່ງພະລາມຈະເປັນຕົວເອກເປັນຜູ້ເສຍສະລະມີຄຸນນະທຳ ແລະປະຕິບັດຕົນຢູ່ໃນສິນໃນທຳ,ແຕ່ເອົາຊື່ພະລັກຂຶ້ນກ່ອນເພື່ອໃຫ້ຄ່ອງກັນແລະພະລັກນັ້ນກໍເປັນນ້ອງຊາຍທີ່ປະເສີດຍາມໃດກໍໃຫ້ການຊ່ວຍເຫຼືອອ້າຍດ້ວຍຄວາມສະໝັກໃຈ.ເນື່ອງຈາກພະລັກພະລາມເປັນຊາດົກຈຳນວນໜຶ່ງຈຶ່ງເອີ້ນວ່າ: ພະລາມຊາດົກ ຫຼື ລາມມະກຽນ.

ສໍາລັບການສະແດງເລື່ອງພະລັກພະລາມ ຫຼື ລາມມະກຽນຂອງກະຊວງວັດທະນະທໍາໄທຄັ້ງນີ້ແມ່ນມີກໍາກັບຮູບເງົາໃນຮູບແບບໃໝ່ປັນຕົ້ນແມ່ນມີສຽງພາກເປັນພາສາລາວ,ພາບຕົວລະຄອນມີການເຄື່ອນໄຫວມີຊີວິດທັງນີ້ເພື່ອໃຫ້ຜູ້ຊົມສາມາດເຂົ້າໃຈເນື້ອໃນໄດ້ງ່າຍຂຶ້ນ, ມີຄວາມມ່ວນຊື່ນເພີດເພີງຢ່າງສອດຄ່ອງກັບຍຸກສະໄໝ, ທັງເປັນການອະນຸລັກຮັກສາແລະພັດທະນາໃຫ້ມີຄຸນຄ່າສູງ ຂຶ້ນ.

ພາບແລະຂາ່ວໂດຍ:ໜັງເສດຖະກິດ-ສັງຄົມ

• 31/05/2019