ຍົກລະດັບການໃຊ້ຄອມພິວເຕີ ໃຫ້ຄູສອນໂຮງຮຽນ ມສ ຊົນເຜົ່າ

ພະນັກງານຄູ-ອາຈານສອນໂຮງຮຽນມັດທະຍົມສົມບູນຊົນເຜົ່າ(ມສ ຊົນເຜົ່າ) ແຂວງຊຽງຂວາງ ໄດ້ຮັບການຍົກລະດັບຝຶກອົບຮົມການນໍາໃຊ້ຄອມພີວເຕີ, ເພື່ອລຶບ ລ້າງການກືກຄອມພິວເຕີຂັ້ນພື້ນຖານແຕ່ວັນທີ 22 ເມສາ ເຖິງ 24ພຶດສະພາ ຜ່ານມາ ໂດຍໃຫ້ກຽດເຂົ້າຮ່ວມຂອງທ່ານ ສີໄວ ອຸດົມສຸກຫົວໜ້າໂຮງຮຽນ ມສ ຊົນເຜົ່າພ້ອມຄະນະ, ທ່ານ ອ່ອນສີ ແກ້ວພັກດີ ຫົວໜ້າສູນໄອຊີທີແຂວງ, ມີພະນັກງານຄູ-ອາຈານສອນທັງໝົດພາຍໃນໂຮງຮຽນ ແລະວິທະຍາ ກອນທີ່ຖືກເຊີນຈາກສູນໄອຊີທິ ແຂວງ.

ໂອກາດນີ້ທ່ານແມັກສັນຕິອຸດນະພາຫົວໜ້າໜ່ວຍງານເຕັກໂນໂລຊີ (ມສ ຊົນເຜົ່າ) ໄດ້ກ່າວໃຫ້ຮູ້ເຖິງຄວາມສຳຄັນຂອງການນໍາໃຊ້ຄອມພີວເຕີ, ເພາະຍຸກນີ້ແມ່ນຍຸກທີ່ທັນສະໄໝຍຸກແຫ່ງການສື່ສານທີ່ໄຮ້ພົມແດນ, ສະນັ້ນຖ້າຫາກພະນັກງານບໍ່ຮູ້ນໍາໃຊ້ຄອມພິວເຕີກໍຈະເຮັດໃຫ້ການສົ່ງຂໍ້ມູນທາງດ້ານຄອມພີວເຕີ ໂດຍຜ່ານອິນເຕີເນັດ ຫຼື ໂຊຊ່ຽວມີເດຍຕ່າງໆບໍ່ໄດ້, ດ້ວຍເຫດ ນີ້ຈິ່ງມີຄວາມຈໍາເປັນ ໂດຍສະເພາະ ຄູ-ອາຈານສອນ, ການແຕ່ງບົດສອນ, ການສະຫຼຸບສະເລ່ຍຄະແນນ, ການສ້າງແຜນການເຄື່ອນໄຫວ ຫຼື ການເຮັດບົດສະຫຼຸບກາເຄື່ອນໄຫວ ຕ່າງໆຍິ່ງມີຄວາມສໍາຄັນຫຼາຍ, ຍ້ອນເຫັນໄດ້ຄວາມສໍາຄັນເຊັ່ນນັ້ນທາງ ໂຮງຮຽນຈິ່ງໄດ້ມີການວາງແຜນຝຶກອົບຮົມໃຫ້ຄູສອນພາຍໃນໂຮງ ຮຽນເພື່ອລຶບລ້າງການກືກຄອມພີວເຕີຂັ້ນພື້ນຖານ ແລະໄດ້ເຊີນວິທະຍາກອນຈາກສູນໄອຊີທີແຂວງມາ ເປັນຄູຝຶກ.ຜ່ານການຝຶກອົບຮົມເຫັນວ່າພະນັກງານຄູ-ອາຈານພາຍໃນໂຮງຮຽນສາມາດນໍາໃຊ້ຄອມພິວເຕີ ໄດ້ ໂດຍພື້ນຖານເຊັ່ນວ່າຮູ້ນຳໃຊ້ສູດ Excel ເຂົ້າໃນການຄິດໄລ່ຄະແນນ, ການນໍາໃຊ້ເວີດ (Word) ເພື່ອພິມເອກະສານຕ່າງໆ, ການຈັດໄຟຍເອ ກະສານ ແລະເຄື່ອງໃຊ້ຕ່າງໆ. ນອກນັ້ນຍັງໄດ້ຮຽນຮູ້ການນຳໃຊ້ອີນເຕີເນັດຂັ້ນພື້ນຖານຕື່ມອີກເຊັ່ນວ່າການສ້າງ E-mail, ການສົ່ງຂໍ້ມູນເອກະສານທາງ E-mail.

ທ່ານ ອ່ອນສີ ແກ້ວພັກດີຫົວໜ້າສູນໄອຊີທີແຂວງໄດ້ສະແດງຄວາມຊົມເຊີຍຕໍ່ໂຮງຮຽນ ມສ ຊົນເຜົ່າທີ່ມີຄວາມຄິດ ແລະມີແຜນຍົກ ລະດັບຄວາມຮູ້ທາງດ້ານຄອມພິວເຕີໃຫ້ພະນັກງານຄູ-ອາຈານສອນພາຍໃນໂຮງຮຽນເພາະໃນປະຈຸບັນການນໍາໃຊ້ຄອມພິວເຕີຍິ່ງມີຄວາມ ສໍາຄັນຕໍ່ໜ້າທີ່ວຽກງານເພາະໃນອີກບໍ່ດົນນີ້ຈະມີການພັດທະນາສື່ການສອນແບບເອເລັກໂທຣນິກເພື່ອໃຫ້ນັກຮຽນໄດ້ເຂົ້າເຖິງການຮຽນ-ການສອນໄດ້ຕະຫຼອດເວລາແລະທັນສະໄໝ.

ພາບແລະຂາ່ວໂດຍ:ໜັງສືພິມເສດຖະກິດ-ສັງຄົມ

 

แชร์