ອິດສະຣາແອນສ້າງຫົວໃຈຈາກເຄື່ອງພິມ 3 ມິຕິ

ທີມນັກວິທະຍາສາດອິດສະຣາແອນຜະລິດຫົວໃຈຈາກເຄື່ອງ ພິມ 3 ມິຕິທີ່ໃຊ້ສິ້ນສ່ວນເນື້ອເຍື່ອຂອງມະນຸດໃນການສ້າງຫົວໃຈໃໝ່ຂຶ້ນມາເພື່ອໃຊ້ໃນການປິ່ນປົວຄົນ ເຈັບທີ່ຕ້ອງການປ່ຽນຖ່າຍຫົວໃຈມະນຸດໃນອະນາຄົດ.

ຄວາມກ້າວໜ້າທາງການແພດຄັ້ງໃໝ່ທີ່ຕີພິມໃນວາລະສານAdvanced Scienceເຜີຍພາບຫົວໃຈຂະໜາດ 2,5 ຊັງຕິແມັດຂະ ໜາດນ້ອຍເທົ່າກັບຫົວໃຈຂອງກະ ຕ່າຍແຕ່ມີໂຄງສ້າງຂອງຫົວໃຈທີ່ ໃກ້ຄຽງຂອງຫົວໃຈແທ້ໆທັງໝົດຊຶ່ງພິມຂຶ້ນມາຈາກເຄື່ອງພິມ 3 ມິຕິ   ອາຈານ Tal Dvir ຫົວໜ້າທີມນັກວິທະຍາສາດຈາກມະຫາວິທະຍາ ໄລ Tel Aviv University ຖະ ແຫຼງຂ່າວຄວາມສຳເລັດເມື່ອບໍ່ດົນ ມານີ້ອະທິບາຍວ່ານີ້ຖືເປັນຄວາມກ້າວໜ້າທາງການແພດຄັ້ງສຳຄັນເພາະເປັນຫົວໃຈຈາກເຄື່ອງພິມ 3 ມິຕິທີ່ຜະລິດຈາກຈຸລັງຂອງມະນຸດ ແລະມີໂຄງສ້າງຫ້ອງຫົວໃຈແລະຫຼອດເລືອດທີ່ໃກ້ຄຽງກັບຫົວໃຈຂອງແທ້ທັງໝົດອາຈານ Dvirເຫັນວ່າຈຸດເດັ່ນຂອງຫົວໃຈຈາກເຄື່ອງພິມ 3 ມິຕິດວງນີ້ຄືມຶກຊິວະພາບທີ່ມາຈາກເນື້ອເຍື່ອຂອງຄົນເຈັບໂດຍກົງຊຶ່ງຊ່ວຍຫຼຸດບັນຫາການເຂົ້າກັນບໍ່ໄດ້ຂອງອະໄວຍະວະທີ່ປູກຖ່າຍໃນຄົນເຈັບແລະຫຍໍ້ເວລາທີ່ຄົນເຈັບຕ້ອງລໍຖ້າໃນການປູກຖ່າຍຫົວໃຈໃນອະນາຄົດຂັ້ນຕອນການຜະລິດຫົວໃຈຈາກເຄື່ອງພິມ 3 ມິຕິແບບນີ້ຈະເລີ່ມຈາກການນຳສິ້ນສ່ວນຈຸລັງເນື້ອເຍື່ອໄຂມັນຫຼື fatty tissueຂອງຄົນເຈັບມາແຍກສ່ວນທີ່ເປັນຈຸລັງ ແລະບໍ່ແມ່ນຈຸລັງເຊັ່ນຄອລລາເຈນເພື່ອໃຊ້ ເປັນມຶກຊີວະພາບສຳລັບຂຶ້ນຮູບເປັນຫົວໃຈໃນເຄື່ອງພິມ 3 ມິຕິແລະປັບແຕ່ງຈຸລັງໃຫ້ເປັນສະເຕັມເຊລເພື່ອພັດທະນາເປັນຈຸລັງຫົວໃຈດວງໃໝ່ສຳລັບຫົວໃຈກະຕ່າຍຂະໜາດ 2,5 ຊັງຕິແມັດນັ້ນໃຊ້ເວລາພຽງບໍ່ກີ່ຊົ່ວໂມງໃນການພິມຂຶ້ນມາ ແຕ່ສຳລັບຫົວໃຈມະນຸດຈະຕ້ອງໃຊ້ເວລາຢ່າງໜ້ອຍ1ວັນແລະຕ້ອງ ໃຊ້ຈຸລັງຫຼາຍຕື້ຈຸລັງສຳລັບຫົວໃຈ ພຽງ 1 ດວງຢ່າງໃດກໍຕາມຫົວໜ້າທີມນັກວິທະຍາສາດຈາກມະຫາວິທະຍາໄລ Tel Aviv University ອະທິບາຍເພີ່ມເຕີມວ່າຕ້ອງໃຊ້ເວລາຢ່າງໜ້ອຍ1ເດືອນໃຫ້ຫົວໃຈໄດ້ເຕີບໂຕພໍທີ່ຈະເລີ່ມຕົ້ນເໝືອນຫົວໃຈປົກກະຕິ ໂດຍໃນຂັ້ນ ຕອນນີ້ທີມວິໄຈກຽມທົດສອບປູກ ຖ່າຍຫົວໃຈຈາກເຄື່ອງພິມ3 ມິຕິ ນີ້ໃນສັດ ແລະຄາດວ່າຈະທົດສອບໃນມະນຸດໄດ້ໃນເວລາຕໍ່ໄປໃນຂະນະທີ່ຕອນນີ້ຍັງບໍ່ເປັນທີ່ຊັດເຈນວ່າ ເຄື່ອງພິມ3 ມິຕິ ນີ້ຈະສ້າງຫົວໃຈທຽມທີ່ທຳງານໄດ້ດີກວ່າຫົວໃທຳມະຊາດໄດ້ ຫຼື ບໍ່ແຕ່ປະໂຫຍດທີ່ເຫັນແຈ້ງຄືສິ້ນສ່ວນທີ່ສ້າງຂຶ້ນຈາກເຄື່ອງພິມ 3 ມິຕິ ນີ້ສາມາດທົດແທນ ຫຼື ໃຊ້ສ້ອມແຊມສິ້ນສ່ວນຫົວໃຈທີ່ເປັນພະຍາດ ຫຼື ເສຍຫາຍ ໄດ້.

ທີມນັກວິທະຍາສາດຈາກມະຫາວິທະຍາໄລ Tel Aviv University ຕັ້ງເປົ້າໄວ້ວ່າພາຍໃນ 10 ປີ ໂຮງໝໍຂະໜາດໃຫຍ່ທີ່ທັນສະໄໝທົ່ວໂລກຈະມີເຄື່ອງພິມ 3 ມິຕິທີ່ ສ້າງອະໄວຍະວະທົດແທນໃຫ້ກັບມະນຸດໄດ້.

ພາບແລະຂາ່ວ ໂດຍ:ໜັງສືພິມເສດຖະກິດ-ສັງຄົມ

แชร์