ໂຄງການສ້າງສາລາພຣະທາດໂຜ່ນສໍາເລັດ 70%

ໂຄງການກໍ່ສ້າງສາລາກາງ ບ່ອນເປີດງານບຸນນະມັດສະການ ພຣະທາດໂຜ່ນ,ໂດຍລວມມີຄວາມຄືບໜ້າແລ້ວ 70% ພາຍຫຼັງໄດ້ເລີ່ມລົງມືກໍ່ສ້າງມາແຕ່ເດືອນພຶດສະພາ ປີ2018 ແລະຄາດວ່າ, ປີ2020 ຈະໃຫ້ສໍາເລັດສາມາດຮອງຮັບການເປີດງານບຸນນະມັດສະການພຣະ ທາດໂຜ່ນ ປະຈຳປີ 2020 ໄດ້.

ທ່ານ ແສງສະຫວັນອະນຸສິນຮອງເຈົ້າເມືອງໄຊພູທອງທັງເປັນຄະນະກໍາມະການສົ່ງເສີມ ແລະຄຸ້ມຄອງການລົງທຶນຂັ້ນເມືອງໃຫ້ຮູ້ວ່າ: ໂຄງການດັ່ງກ່າວມີມູນຄ່າການກໍ່ສ້າງທັງໝົດ1,42 ຕື້ກວ່າກີບ, ໄດ້ ເລີ່ມລົງມືການກໍ່ສ້າງມາວັນທີ 18 /1/2019, ມາຮອດປະຈຸບັນວຽກກໍ່ສ້າງສາມາດຈັດຕັ້ງປະຕິບັດໄດ້ ແລ້ວ70%, ຕາມສັນຍາໂຄງການຈະໃຫ້ສໍາເລັດໃນກາງພຶດສະ ພາ2020, ສ່ວນການຊໍາລະເງິນໃນການກໍ່ສ້າງແມ່ນລາຍຮັບຈາກວັດພຣະທາດໂຜ່ນສົກປີ 2019-2020 ກໍານົດໄລຍະເວລາກໍ່ສ້າງໃຊ້ເວລາ1 ປີ, ອາຄານມີຂະໜາດ10mX 24 m, ໂຄງສ້າງມຸງດ້ວຍດິນຄໍ,ອາຄານເປັນໂຄງເຫຼັກໂດຍແມ່ນບໍລິສັດເທບທອງຄໍາກໍ່ສ້າງເຄຫະສະຖານຈໍາກັດຜູ້ດຽວເປັນຜູ້ຮັບເໝົາກໍ່ສ້າງໃນມູນຄ່າ1,42 ຕື້ກວ່າກີບ, ໂຄງການກໍ່ສ້າງສາລາກາງແມ່ນມີຫຼາຍໜ້າວຽກທີ່ໄດ້ຮັບກນຈັດຕັ້ງ ປະຕິບັດຄື: ວຽກຕົບແຕ່ງ, ວຽກກໍ່ ໂບກ, ຕົບແຕ່ງອອ້ມອາຄານ, ຕົບແຕ່ງບົວສີໜ້າອອ້ມຫຼັງແລະແພ ດານເຮັດດ້ວຍໄມ້ປະເກ,ໂຄງຫຼັງຄາມຸງດ້ວຍດິນຂໍແລະບັນດາໜ້າວຽກ ອື່ນໆສ່ວນການກວດກາແມ່ນໄດ້ແບ່ງອອກເປັນ 3 ຄັ້ງ, ຄັ້ງທີໜຶ່ງເມື່ອວຽກສໍາເລັດ30%, ຄັ້ງທີ 2 ເມື່ອວຽກສໍາເລັດ 70% ແລະຄັ້ງທີ 3 ເມື່ອວຽກສໍາເລັດ100% ເປັນໂຄງການໜຶ່ງທີ່ມີຄວາມໝາຍຄວາມສໍາຄັນຂອງເມືອງໄຊພູທອງ,ເພື່ອເປັນການຍົກລະດັບພື້ນຖານໂຄງລ່າງໃຫ້ມີຄວາມສະດວກສະບາຍ, ຢູ່ທີ່ສະຖານທີ່ແຫຼ່ງທ່ອງທ່ຽວເພື່ອສະດວກໃນການຈັດງານບຸນໃນແຕ່ລະປີ.

ພາບແລະຂາ່ວ ໂດຍ:ໜັງສືພິມເສດຖະກິດ-ສັງຄົມ

แชร์