ຄັດເລືອກໂຕແທນຜ່ານເຂົ້າຮອບລາວຊຸບເປີໂມເດວ

ພິທີຄັດເລືອກລາວຊຸບເປີໂມເດວ 2019  ໃນຮູບແບບລາຍການ REALITY ເພື່ອຄັດເລືອກເອົາ Model ໄປປະກວດໃນເວທີສາກົນໄດ້ຈັດຂຶ້ນໃນລະຫວ່າງວັນທີ 25-26 ພຶດສະພາຜ່ານມາພາຍໃຕ້ການເປັນປະທານຮ່ວມຂອງທ່ານ ນາງ ວັນນາລີອ່ອນສະຫວັດປະທານໂຄງການລາວຊຸບເປີໂມເດວ, ທ່ານ ນາງ ລູກເກດ ເມທິນີກິ່ງພະຍົມດາລາຊື່ດັງຈາກປະເທດໄທ ແລະເປັນຄູຝຶກສອນລາວຊຸບເປີໂມເດວ, ບັນດາຄະນະກຳມະການ, ດາລານັກສະແດງພາກສ່ວນກ່ຽວຂ້ອງເຂົ້າ ຮ່ວມຢ່າງຄຶກຄື້ນ.

ທ່ານ ນາງ ວັນນາລີ ອ່ອນສະຫວັດໄດ້ກ່າວວ່າ:ໂຄງການລາວ ຊຸບເປີໂມເດວໄດ້ຈັດຂຶ້ນເປັນຄັ້ງທີ6ແລ້ວ, ເປັນເວທີສ້າງໂອກາດສຳລັໄວໜຸ່ມລາວຊາຍແບບ, ນາງ ແບບທີ່ກ້າສະແດງອອກເທິງເວທີ ທາງດ້ານຄວາມສາມາດເປັນຕົ້ນການນຸ່ງຖືທີ່ເປັນເອກະລັກສະເພາະປະສົມກັບແບບປະຍຸກວັດທະນະທຳລາວທີ່ເປັນເອກະລັກການສະແດງ ສ່ອງແສງເຖິງວັດທະນະທຳ, ການທ່ອງທ່ຽວ ແລະວີຖີການດຳລົງຊີວິດຂອງປະຊາຊົນລາວໂດຍການ ປະສົມປະສານແຟຊັນໃໝ່; ສຳລັບຮອບAuditionຄັ້ງທຳອິດນີ້ມີເດັກນ້ອຍໜ້າຮັກຍິງຊາຍ, ນາຍແບບ, ນາແບບເຂົ້າຮ່ວມໃນທັງໝົດມີ 300ກວ່າຄົນ ແລ້ວຄັດ ເລືອກເອົາໃຫ້ຍັງເຫຼືອ 32 ຄົນເຊັ່ນ:ຊາຍແບບ 10 ຄົນ, ນາງແບບ 10 ຄົເດັກນ້ອຍໜ້າຮັກຍິງ 6 ຄົນ,ຊາຍ 6 ຄົນເພື່ອຈະຮ່ວມເຂົ້າປະກວດໃນຮອບຕໍ່ໄປສຳລັບເງື່ອນໄຂຂອງຜູ້ສະໝັກຊາຍແບບຕ້ອງມີອາຍຸ17-26 ປີ ມີລວງສູງ 170 ຊັງ ຕີແມັດ; ສ່ວນນາງແບບອາຍຸ 17-26 ປີ ລວງສູງ 165 ຊັງຕີແມັດ; ສຳລັບເດັກນ້ອຍໜ້າຮັກແມ່ນອາຍຸ 6-10 ປີຕ້ອງເປັນສະຕີເພດ ຫຼື ບູລຸດເພດທີ່ມີຄວາມຄ້າຍຄືເພດທີ່ຕົນຢາກເປັນຫຼາຍທີ່ສຸດ.

ພິເສດປີນີ້ເປັນການສະແດງທັກສະຄວາມຮູ້ຄວາມສາມາດເປັນຕົ້ນການນຸ່ງຖືທີ່ເປັນເອກະລັກສະເພາະປະສົມກັບແບບປະຍຸກວັດທະນະທຳລາວທີ່ເປັນເອກະລັກການສະແດງສ່ອງແສງເຖິງວັດທະນະທຳລາວເປັນການເປີດເວທີກວ້າງໃຫ້ໂອກາດບັນດານ້ອງໄວໜຸ່ມຜູ້ທີ່ມັກຮັກໃນເວທີໄດ້ສະແດງຄວາມທັກສະກ້າຫານຕາມຫາຄວາມຝັນໄດ້ປະສົບຜົນສຳເລັດເປັນຈິງ.

ພາບແລະຂາ່ວ ໂດຍ:ໜັງສືພິມເສດຖະກິດ-ສັງຄົມ

แชร์