ວິທະຍາໄລເຕັກນິກຫຼວງພະບາງ ເປີດບັ້ນແຂ່ງຂັນ 5 ເປັນເຈົ້າ

ພິທີເປີດບັ້ນແຂ່ງຂັນ 5 ເປັນເຈົ້າຂອງກຳມະບານຮາກຖານວິທະຍາໄລເຕັກນິກວິຊາຊີບແຂວງ ຫຼວງພະບາງໄດ້ເປີດຂຶ້ນຢ່າງເປັນທາງການໃນວັນທີ 21ພຶດສະພາ ຜ່ານມາຢູ່ຫ້ອງປະຊຸມຂອງຮາກຖານດັ່ງກ່າວ,ພາຍໃຕ້ການເປັນປະທານຂອງທ່ານ ສຸລີນ ແກ້ວປັນຍາປະທານກຳມະບານຮາກ ຖານວິທະຍາໄລເຕັກນິກວິຊາຊີບ, ເປັນກຽດເຂົ້າຮ່ວມຂອງທ່ານ ສຸລິສານ ທໍລາວົງ ຮອງປະທານສະຫະພັນກຳມະບານແຂວງ. ມີ ບັນດາແຂກຖືີກເຊີນພ້ອມດ້ວຍພະ ນັກງານ,ສະມາຊິກກຳມະບານພາຍ ໃນເຂົ້າຮ່ວມ.

ທ່ານ ສຸລີນ ແກ້ວປັນຍາ ໄດ້ລາຍງານບົດສະຫຼຸບ ແລະທິດທາງແຜນການທີ່ຈະຕ້ອງໄດ້ປະຕິບັດໃນຕໍ່ໜ້າໃຫ້ສອດຄ່ອງກັບຂໍ້ແຂ່ງຂັນ 5 ເປັນເຈົ້າ.ບົດສະຫຼຸບໄດ້ເວົ້າເຖິງຜົນງານທີ່ຮາກຖານກຳມະບານຈັດຕັ້ງປະຕິບັດໄດ້ແລະຂໍ້ຄົງຄ້າງທີ່ຈະຕ້ອງສຶບຕໍ່ແກ້ໄຂ,ຈາກນັ້ນຕາງໜ້າສະມາຊິກກຳມະບານກໍ່ໄດ້ຂຶ້ນຈັບມືີແຂ່ງຂັນກັນເພື່ອເປີດບັ້ນແຂ່ງຂັນດັ່ງກ່າວ.ໃນພິທີຍັງໄດ້ມີການຮັບເອົາມະຫາຊົນຜູ້ກ້າວໜ້າເຂົ້າເປັນສະມາຊິກກຳມະບານຊຸດໃໝ່ຈຳນວນ 442 ຄົນ, ຍິງ 162 ຄົນ.

ຕອນທ້າຍພິທີທ່ານ ສຸລິສານ ທໍລາວົງໃຫ້ກຽດໂອ້ລົມ ແລະໃຫ້ ທິດຊີ້ນຳຕໍ່ສະມາຊິກກຳມະບານໃນການຈັດຕັ້ງປະຕິບັດຂໍ້ແຂ່ງຂັ້ນດັ່ງກ່າວ ແລະທ່ານໄດ້ເນັ້ນໜັກການເຄື່ອນໄຫວຂອງສະມາຊິກກຳມະບານຕາມພາລະບົດບາດ, ກົດລະບຽບ ແລະກົດໝາຍຂອງກຳມະ ບານວາງອອກໃຫ້ໄດ້ຮັບຜົນດີ, ສາມາດປະກາດເປັນໜ່ວຍກຳມະບານ 5 ເປັນເຈົ້າໃນອານາຄົດ.

ພາບແລະຂາ່ວ ໂດຍ:ໜັງສືພິມເສດຖະກິດ-ສັງຄົມ

• 30/05/2019