ຫົວເຫວີຍກຽມຂຶ້ນເປັນເບີ 1 ຕະຫຼາດບໍ່ເກີນປີໜ້າ

 ຈາກການລາຍງານຂອງບໍລິສັດວິໄຈທັງ Strategy Analitics ແລະIDC ລາຍງານວ່າຕົວເລກຜົນປະກອບການລວມໃນໄຕມາດທຳອິດຂອງປີນີ້ເມື່ອທຽບກັບປີທີ່ແລ້ວຍັງຄົງເປັນໄລຍະຖົດຖອຍຂອງຕະຫຼາດສະມາດໂຟນໂດຍລວມສະເລ່ຍຍອດຂາຍຫຼຸດລົງ 4%-6% ຊຶ່ງຖືວ່າເປັນຕົວເລກຕົກລົງຕໍ່ເນື່ອງຕະຫຼອດ 6 ໄຕມາດທີ່ຜ່ານມາແຕ່ສິ່ງທີ່ເໜືອເທຣນຂອງຕະຫຼາດຊົບເຊົາໃນເວລານີ້ກັບເປັນສັນຍານເຕີບໂຕລະດັບ ”ປາກົດການຂອງ”ຂອງ Huawei.

  ຈິງຢູ່ທີ່ໃນເວລານີ້Samsungຈະເປັນຜູ້ນຳຕະຫຼາດທີ່ມີຮາກຖານເຂັ້ມແຂງແຕ່ໄລຍະຫ່າງຂອງຕົວເລກຍອດຂາຍ ແລະ ສ່ວນແບ່ງຕະຫຼາດກັບຜູ້ຕາມດັ່ງ Huaweiນັ້ ນກໍຖືກບີບແຄບລົງຢ່າງວ່ອງໄວຊຶ່ງຈາກກຣາຟຈະເຫັນວ່າຕົວເລກຍອດຂາຍຂອງທຸກແບຣນຍົກເວັ້ນ Huawei ແລະ Oppoນັ້ນຕົກລົງທັງ

ໝົດແຕ່ Huawei ນັ້ນສວນຕະຫຼາດສ້າງຕົວເລກຍອດຂາຍທີ່ໜ້າພໍໃຈຈາກ 39,3  ລ້ານເຄື່ອງໃນໄຕມາດ 1 ປີທີ່ແລ້ວເພີ່ມເປັນ 59,1 ລ້ານເຄື່ອງລວມທັງເພີ່ມສ່ວນແບ່ງຕະຫຼາດຈາກ 11,4% ມາເປັນ 17,9% ພາຍໃນປີດຽວອີກໜຶ່ງປັດໄຈສຳຄັນຄືດ້ວຍຄວາມທີ່ສະມາດໂຟນແບຣນຈີນໄດ້ປຽບຫຼາຍຢ່າງໃນຕະຫຼາດບ້ານເກີດຊຶ່ງຖືເປັນຕະຫຼາດໃຫຍ່ຂອງໂລກ Samsung ພົບບັນຫາໃນການແຂ່ງຂັນກັບ ແບຣນເຈົ້າຖິ່ນ ໂດຍສະເພາະກັບສະມາດໂຟນລຸ້ນກາງ.

 ຂະນະທີ່ Huaweiມີອັດຕາເຕີບໂຕແທບທຸກຕະຫຼາດຍົກເວັ້ນອາເມລິກາພວກເຂົາຫັນມາໃຊ້ໂມເດລສະມາດໂຟນລຸ້ນກາງແລະຕໍ່າທີ່ໃສ່ຟີເຈີໃຊ້ວັດສະດຸບາງສ່ວນແບບດຽວກັບລຸ້ນໄຮເອນຊຶ່ງເປັນກົນລະຍຸດທີ່ສ້າງອິມແພັກຍອດຂາຍທັງຕະຫຼາດເຮັດໃຫ້ເສັ້ນທາງຂອງ Huawei ໃນການຈະຫຼຸດຊ່ອງວ່າງສ່ວນແບ່ງຕະຫຼາດ ແລະ ແຊງໜ້າ Samsung ນັ້ນແທບຈະບອກໄດ້ວ່າເປັນບາດກ້າວທີ່ສຳຄັນແລະກຽມສະເຫຼີມສະຫຼອງໄດ້ເລີຍ.

ພາບ ແລະຂາ່ວໂດຍ:ໜັງສືພິມເສດຖະກິດ-ສັງຄົມ

แชร์