ຍີ່ປຸ່ນຈຳກັດການລົງທຶນຕ່າງປະເທດໃນລະບົບໄອທີ

ລັດຖະບານຍີ່ປຸ່ນກຽມຂະຫຍາຍຂໍ້ຈຳກັດສຳລັບນັກລົງທຶນຕ່າງປະເທດໃນການຊື້ຮຸ້ນຂອງບໍລິສັດຍີ່ປຸ່ນກ່ຽວກັບລະບົບໄອທີເນື່ອງຈາກເຫດຜົນດ້ານຄວາມໝັ້ນຄົງຂອງຊາດ.

ຕາມຂ່າວຕ່າງປະເທດລາຍງານວ່າລັດຖະບານຍີ່ປຸ່ນຈະຂະຫຍາຍຂໍ້ຈຳກັດສຳລັບນັກລົງທຶນຕ່າງປະເທດໃນການຊື້ຮຸ້ນຂອງບໍລິສັດຍີ່ປຸ່ນກ່ຽວກັບລະບົບໄອທີເນື່ອງຈາກເຫດຜົນດ້ານຄວາມໝັ້ນຄົງຂອງຊາດ ໂດຍຈະເພີ່ມບໍລິສັດເຕັກໂນໂລຊີຂໍ້ມູນຂ່າວສານເຂົ້າໃນລາຍງານດັ່ງກ່າວໃນເດືອນສິງຫາປີນີ້.ມາດຕະການດັ່ງກ່າວເປັນການປ້ອງກັນບໍ່ໃຫ້ຂໍ້ມູນອ່ອນ ໄຫວແລະເຕັກໂນໂລຊີຮົ່ວໄຫຼໄປຍັງປະເທດອື່ນໆລວມທັງ ສປ ຈີນ ຂະນະທີ່ຍີ່ປຸ່ນຈະເພີ່ມອຸດສາຫະກຳໃໝ່ 15 ກຸ່ມ ລວມທັງອຸດສາຫະກໍາຜະລິດໂທລະພາບ, ມືຖື ແລະຄອມພິວເຕີເຂົ້າໃນລາຍການຂໍ້ຈຳກັດໂດຍສະເພາະທຸລະກິດໂທລະຄົມມະນາຄົມລະດັບພາກພື້ນ ແລະທາງໄກ, ກຸ່ມອຸດສາຫະກຳ ອາວຸດ, ສາຍການບິນ ແລະນິວເຄລຍອີກດ້ວຍ.

ນັກລົງທຶນຕ່າງປະເທດຈຳເປັນຕ້ອງແຈ້ງໃຫ້ລັດຖະບານຍີ່ປຸ່ນຮັບ ຮູ້ຖ້າຫາກຕ້ອງການຖືຮຸ້ນຫຼາຍກວ່າ10% ໃນບໍລິສັດຈົດທະບຽນຫຼື ຊື້ຮຸ້ນໃນບໍລິສັດນອກຕະຫຼາດຈາກນັ້ນລັດຖະບານຈະຄັດເລືອກ ຄຳຊີ້ແຈງເຫຼົ່ານີ້ ເພື່ອກວດກາວ່າການຊື້ຮຸ້ນດັ່ງກ່າວສົ່ງຜົນຕໍ່ຄວາມໝັ້ນຄົງຂອງຊາດ ຫຼືບໍ່.

ພາບຂ່າວ ໂດຍ ໜັງສືພິມເສດຖະກິດ-ສັງຄົມ

• 29/05/2019