ສັນຍານວາຍຟາຍຫຼຸດໂອກາດທ່ານຊາຍຢາກມີລູກ

ຜົນການສຶກສາຊີ້ວ່າສັນຍານວາຍຟາຍຫຼຸດໂອກາດທ່ານຊາຍທີ່ຢາກມີລູກເມື່ອຄື້ນແມ່ເຫຼັກໄຟຟ້າຈາກອຸປະກອນວາຍຟາຍເປັນອັນຕະລາຍຕໍ່ນໍ້າອະສຸຈິ ໂດຍຜົນການສຶກສາໃໝ່ໂດຍທີມວິໄຈຍີ່ປຸ່ນເປັນຫຼັກຖານອັນໜຶ່ງທີ່ພົບວ່າຄື້ນແມ່ ເຫຼັກໄຟຟ້າ (ອີເອັມ)ຈາກອຸປະກອນວາຍຟາຍມີສ່ວນເຮັດໃຫ້ອັດຕາການມີລູກໃນປະເທດພັດທະນາ ແລ້ວຫຼຸດລົງ.

ຄຸມິໂກະນາຄາຕະນັກວິໄຈຈາກສູນວິໄຈເວຊສາດການຈະເລີນພັນໂຮງໝໍຍາມາຊິຕະໂຊນັນຍຸເມະກ່າວວ່າຄື້ນແມ່ເຫຼັກໄຟຟ້າປອດໄພສຳລັບມະນຸດໃນແງ່ສຸຂະພາບແຕ່ຜົນການສຶກສາຂອງນາງພົບວ່າການໄດ້ຮັບຄື້ນເຫຼົ່ານັ້ນຈາກອຸປະກອນວາຍຟາຍເປັນເວລາດົນຈະເຮັດໃຫ້ຄວາມສາມາດໃນການມີລູກຫຼຸດລົງເພາະນໍ້າອະສຸຈິຕາຍທີມວິໄຈຍີ່ປຸ່ນເຮັດການທົດລອງເພື່ອຫາຂໍ້ສະຫຼຸບຜົນກະທົບຈາກຄື້ນແມ່ເຫຼັກໄຟຟ້າຈາກອຸປະກອນວາຍຟາຍເຊັ່ນໂທລະສັບມືຖືແລະເຣົາເຕີໃນເຮືອນຕໍ່ການເຄື່ອນ ທີ່ ແລະການຕາຍຂອງນໍ້າອະສຸຈິ ໂດຍສຶກສາຈາກຜູ້ຊາຍ 51 ຄົນ ອາຍຸສະເລ່ຍ38,4 ປີທີ່ຢູ່ໃນຂະບວນການປະສົມທຽມແລະຕົວຢ່າງນໍ້າເຊື້ອທີ່ເກັບຈາກກຸ່ມສຶກສາຖືກແຍກອອກເປັນ 3 ກຸ່ມໆທຳອິດຖືກ ເກັບບໍ່ໃຫ້ຖືກຄື້ນແມ່ເຫຼັກໄຟຟ້າຈາກເຣົາເຕີວາຍຟາຍກຸ່ມທີສອງ ໄດ້ຮັບການປົກປ້ອງຈາກວາຍຟາຍຊິລດຫຼື ອຸປະກອນປ້ອງກັນອັນຕະ ລາຍຈາກສັນຍານວາຍຟາຍ ແລະກຸ່ມສຸດທ້າຍໄດ້ຮັບຄື້ນແມ່ເຫຼັກໄຟຟ້າເຕັມໆນາຕາກະຊຶ່ງຊ່ຽວຊານດ້ານຕົວອ່ອນວິທະຍາແລະສະເປີມ ກ່າວວ່າອະສຸຈິຖືກວາງໄວ້ໃກ້ກັບເຣົາເຕີວາຍຟາຍຄ້າຍຄືກັບການເກັບໂທລະສັບມືຖືໃນຖົງໂສ້ງຜູ້ຊາຍ ເປັນເວລາ 30 ນາທີ 60 ນາທີ 2 ຊົ່ວໂມງ ແລະ24 ຊົ່ວໂມງ ຈາກນັ້ນກວດສອບການເຄື່ອນທີ່ ຊຶ່ງກໍ ພົບວ່າກຸ່ມຕົວຢ່າງອະສຸຈິທີ່ໄດ້ຮັບຄື້ນອີເອັມຈາກວາຍຟາຍ 30 ນາ ທີກັບ 60 ນາທີມີອັດຕາການເຄື່ອນທີ່ບໍ່ແຕກຕ່າງກັນຫຼາຍກັບອີກສອງກຸ່ມແຕ່ຍິ່ງໄດ້ຮັບດົນອັດຕາການເຄື່ອນທີ່ຂອງອະສຸຈິກໍຕໍ່າລົງແລະອັດຕາການຕາຍກໍສູງຂຶ້ນຫຼັງຈາກຜ່ານ 2 ຊົ່ວໂມງໄປແລ້ວ ກຸ່ມຕົວຢ່າງອະສຸຈິທີ່ຮັບຄື້ນແມ່ ເຫຼັກໄຟຟ້າມີອັດຕາການເຄື່ອນທີ່ 26,4% ກຸ່ມທີ່ມີອຸປະກອນປົກປ້ອງສັນຍານວາຍຟາຍຢູ່ທີ່ 44,9% ສ່ວນກຸ່ມທີ່ປອດຈາກຄື້ນຢູ່ທີ່ 53,3% ຫາກດົນເກີນ 24 ຊົ່ວໂມງອັດຕາການຕາຍຂອງອະສຸຈິກຸ່ມທີ່ບໍ່ຖືກຄື້ນແມ່ເຫຼັກໄຟຟ້າເລີຍຢູ່ທີ່8,4% ກຸ່ມທີ່ມີອຸປະກອນປ້ອງກັນ 18,2% ແລະກຸ່ມທີ່ໄດ້ຮັບຄື້ນແມ່ເຫຼັກເຕັມໆຢູ່ທີ່ 23,3%.

ນາຄາຕະກ່າວວ່າຜົນການສຶກສາຊີ້ແຈ້ງວ່າຄື້ນແມ່ເຫຼັກໄຟຟ້າທຳ ລາຍອະສຸຈິ ແລະອຸປະກອນວາຍ ຟາຍມີສ່ວນຕໍ່ຄວາມສາມາດໃນ ການມີລູກຂະນະດຽວກັນກໍພົບວ່າ ວາຍຟາຍຊິລດ໌ຊ່ວຍປ້ອງກັນອັນ ຕະລາຍຈາກຄື້ນອີເອັມໄດ້ໃນໄລ ຍະໃດໜຶ່ງ ໂດຍອົງການອະນາໄມໂລກຄາດການວ່າພາວະມີລູກຍາກຂອງຊາຍແລະຍິງຈະກາຍເປັນບັນ ຫາສຸຂະພາບຮຸນແຮງສຸດເປັນອັນ ດັບ3 ຮອງຈາກມະເຮັງ ແລະໂລກ  ຫົວໃຈໃນສັດຕະວັດທີ 21.

ພາບຂ່າວ ໂດຍ ໜັງສືພິມເສດຖະກິດ-ສັງຄົມ

 

แชร์