ມສ ບຸ່ງເບົາ ຮັບສະມາຊິກຊາວໜຸ່ມໃໝ່

 

ໃນວັນທີ 23 ພຶດສະພາ 2019 ທີ່ໂຮງຮຽນ ມສ ບຸ່ງເບົາໄດ້ ຈັດພິທີເລື່ອນສະມາຊິກເຍົາວະຊົນຂຶ້ນເປັນຊາວໜຸ່ມແລະຮັບມະຫາຊົນ ກ້າວໜ້າເປັນສະມາຊິກຊາວໜຸ່ມໃໝ່ໃຫ້ກຽດເປັນປະທານໂດຍທ່ານໄທວົງດວງສຸພັນທອງຜູ້ອຳນວຍການໂຮງຮຽນສມບຸ່ງເບົາ,ມີທ່ານ ຄອນສະຫວັນຫຼວງພະຈັນເລຂາຄະນະບໍລິຫານງານຊາວໜຸ່ມເມືອງຍົມມະລາດມີບັນດາຄະນະພັກບ້ານ, ສະມາຄົມພໍ່ແມ່ນັກຮຽນ, ຄູ - ອາຈານ ແລະນ້ອງນັກຮຽນເຂົ້າຮ່ວມ.

ສະມາຊິກເຍົາວະຊົນຂຶ້ນເປັນ ຊາວໜຸ່ມ ແລະຮັບມະຫາຊົນກ້າວ ໜ້າເປັນສະມາຊິກຊາວໜຸ່ມໃໝ່ຈຳ ນວນທັງໝົດ 104 ຄົນ, ຍິງ 57 ຄົນ ໃນນີ້ມີສະມາຊິກເຍົາວະຊົນທີ່ເລື່ອນຂຶ້ນເປັນສະມາຊິກຊາວໜຸ່ມຈຳນວນ 76 ຄົນ, ຍິງ42 ຄົນ ແລະມະຫາຊົນຜູ້ກ້າວໜ້າ ເຂົ້າເປັນສະມາຊິກຊາວໜຸ່ມຈຳນວນ 28 ຄົນ, ຍິງ 15 ຄົນ. ກອງປະຊຸມຍັງໄດ້ຮັບຟັງການໂອ້ລົມຂອງທ່ານຄອນສະຫວັນ ຫຼວງພະຈັນ ເລຂາຄະນະບໍລິຫານງານຊາວໜຸ່ມເມືອງຍົມມະລາດທ່ານໄດ້ເນັ້ນໜັກໃຫ້ສະມາຊິກຊາວໜຸ່ມເຮົາເປັນເຈົ້າການສຶກສາຄົ້ນຄວ້າແນວທາງນະໂຍບາຍຂອງພັກ, ລະບຽບກົດໝາຍຂອງລັດ,ກົດໝາຍວ່າດ້ວຍຊາວໜຸ່ມປະຊາຊົນປະຕິວັດລາວລະບຽບການຕ່າງໆ,ສ້າງຈິດສຳນຶກກິດຈະກຳການຮຽນ ຮູ້ຊ່ວຍເຫຼືອເຊິ່ງກັນແລະກັນເປັນເຈົ້າການເພີ່ມທະວີຄວາມສາມັກຄີໃຫ້ແກ່ສະມາຊິກຊາວໜຸ່ມ, ເຍົາວະຊົນອານຸຊົນໃຫ້ມີຄວາມເຕີບໃຫຍ່ ເຂັ້ມແຂງຂຶ້ນໄປເລື້ອຍໆ.

 

ໂດຍ: ມະນີວັນ

แชร์