ໂຮງຮຽນແກ່ນນະພາຢືນຢັນຄູຕີລູກສິດບໍ່ມີມູນຄວາມຈິງ

  ທ້າຍອາທິດຜ່ານມາມີຜູ້ປົກຄອງທ່ານໜຶ່ງທີ່ຝາກລູກຢູ່ໂຮງຮຽນລ້ຽງເດັກອະນຸບານແກ່ນນະພາໄດ້ສົ່ງຄວາມໃນເຟສບຸກສ່ວນຕົວວ່າຄູຕີລູກຕົນເອງຈົນເຮັດ ໃຫ້ສັງຄົມເຂົ້າມາວິພາກວິຈານໄປຄົນລະທິດທາງແບບເສຍໆຫາຍໆໃຫ້ທາງໂຮງຮຽນຕົກທ່າຮັບຂອງສັງຄົມຊຶ່ງປະຈຸບັນຜູ້ອຳນວຍການອອກມາຢືນຢັ້ງບໍ່ມີຄວາ ມຈິງເພາະເຊື່ອໝັ່ນໃນຕົວຄູທີ່ເຮັດວຽກມາຫຼາຍປີ ແລະ ພ້ອມໃຫ້ພິສູດທຸກຢ່າງ.

  ຕໍ່ບັນຫາດັ່ງກ່າວນັກຂ່າວໜັງສືພິມເສດຖະກິດ-ສັງຄົມ ສຳພາດທ່ານ ນາງ ຕຸ່ມແກ້ວ ບູລົມ ຜູ້ອຳນວຍການໂຮງຮຽນລ້ຽງເດັກອະນຸບານແກ່ນນະພາໃຫ້ຮູ້ວ່າ: ໂຮງຮຽນລ້ຽງເດັກອະນຸບານແກ່ນນະພາໜຶ່ງໂຮງຮຽນເອກກະຊົນຢູ່ໃຈກາງນະຄອນຫຼວງວຽງຈັນທີ່ສ້າງຂຶ້ນມາດ້ວຍຄວາມມີໃຈມັກຮັກຕະຫຼອດຜ່ານມາໄດ້ທຸ່ມເທ່ເອົາໃຈໃສ່ລູກຫຼານຜູ້ປົກຄອງມາຝາກເບິ່ງແຍງປຽບເໝືອນລູກຕົນເອງຊຶ່ງທາງໂຮງຮຽນແມ່ນໄດ້ຮັບອະນຸຍາດສ້າງຕັ້ງອີງຕາມຂໍ້ຕົກລົງລັດຖະມົນຕີວ່າການກະຊວງສຶກສາທິການ ແລະ ກີລາວ່າດ້ວຍລະບຽບຄຸ້ມຄອງຄູ ແລະ ນັກຮຽນອະນຸບານປະຖົມ-ມັດຖະຍົມສະບັບເລກທີ 2059/ສສກ.ນຍ ລົງວັນທີ 11 ມີນາ 2013.

  ຕໍ່ເຫດການເກີດກະແສ່ຂ່າວດັ່ງກ່າວວ່າສາວຄູຕີລູກມີຫູຊໍ້າ, ຕີນຊໍ້າທາງຜູ້ອຳນວຍການໂຮງຮຽນເພິ່ນກໍ່ລົງສອບຖາມຄູຜູ້ທີ່ປະຈຳການເພິ່ນກໍ່ສາລະພາບວ່າບໍ່ໄດ້ລົງມືເຮັດຫຍັງຫຼັງຈາກນັ້ນກໍ່ໄດ້ມາລົມກັບຜູ້ປົກຄອງນັກຮຽນເພິ່ນກໍ່ມີການຕໍ່ວ່າຜິດຖຽງກັນບອກຜູ້ອຳນວຍການໄລຄູຄົນນັ້ນອອກຖ້າບໍ່ນັ້ນເອົາເລື່ອງໃຫ້ເຖິງທີ່ສຸດ.

ແນວໃດກໍ່ຕາມຈາກການສັນນິຖານເບື້ອງຕົ້ນອາດເປັນມາຈາກເດັກນ້ອຍເກີດມີຕຸ້ມຄັນແລ້ວເກົາເອງເຮັດໃຫ້ມີບາດແຜກັບເຫດການນີ້ຜູ້ອຳນວຍການອອກມາຢືນຢັ້ງພ້ອມພິສູດທຸກຢ່າງດ້ວຍຄວາມບໍລິສຸດໃຈ ແລະ ເຊື່ອໝັ່ນຈັນຢາບັນຄູຫາກສັງຄົມສົນໃຈຄາໃຈບັນຫາໃດກໍ່ສາມາດວຽງຈັນ.

ພາບ ແລະຂ່າວໂດຍ: ໜັງສືພິມເສດຖະກິດ-ສັງຄົມ

แชร์