ນະຄອນຫຼວງ ແຕ່ງຕັ້ງປະທານ 5 ສະຫະພັນກີລາ ກຽມຊຽງຂວາງເກມ

ວັນທີ 24 ພຶດສະພາຜ່ານມາທີ່ພະແນກສຶກສາທິການ ແລະ ກີລານະຄອນຫຼວງວຽງຈັນປະກາດແຕ່ງຕັ້ງ 5 ສະຫະພັນກີລານະຄອນຫຼວງວຽງຈັນຊຸດໃໝ່ປະກອບມີສະຫະພັນປິ່ງປ່ອງ, ສະຫະພັນມວຍປໍ້າ,ສະຫະພັນເທັນນິດ,ສະຫະພັນຣັກບີ້ ແລະສະຫະພັນມວຍລາວ-ມວຍສາກົນ ແລະປັນຈັກ ສີລັດຢ່າງເປັນທາງການເພື່ອເປັນການຫ້າງຫາກະກຽມຄວາມພ້ອມຄັດເລືອກນັກກີລາທີ່ມີພອນສະຫວັນດີເດັ່ນລູກຫຼານຂອງພໍ່ແມ່ປະ ຊາຊົນຊາວນະຄອນຫຼວງວຽງຈັນ ກຽມທວງຕຳແໜ່ງແຊ້ມເຈົ້າຫຼຽນຄຳກັບຄືນມາຍິ່ງໃຫຍ່ອີກຄັ້ງໃນງານມະຫາກຳກີລາແຫ່ງຊາດຄັ້ງ ທີ  Xl ຫຼື ຊຽງຂວາງເກມ ທີ່ແຂວງ ຊຽງຂວາງ ຮັບກຽດເປັນເຈົ້າພາບຈະຈັດຂຶ້ນໃນລະຫວ່າງວັນທີ 22-31 ມີນາ ປີ 2020.

ພິທີປະກາດການຈັດຕັ້ງສະຫະ ພັນກີລາຊຸດໃໝ່ 5 ປະເພດ ໂດຍໃຫ້ກຽດເຂົ້າຮ່ວມ ແລະເປັນສັກຂີພິຍານຂອງທ່ານສົມພອນສອນ         ດາລາຮອງຫົວໜ້າພະແນກສຶກສາທິການ ແລະກີລານະຄອນຫຼວງ ວຽງຈັນ,ທ່ານກອງແກ້ວແຫ່ງດາວົງໄຊຫົວໜ້າຂະແໜງກີລາລະດັບ ສູງ ແລະທ່ານ ຄຳປານ ບຸນພາ ໄຊຮອງຫົວໜ້າຂະແໜງຈັດຕັ້ງ ແລະພະນັກງານ,ມີບັນດາຄະນະບໍລິຫານງານສະຫະພັນ 5 ປະເພດກີ ລານະຄອນຫຼວງວຽງຈັນ ຊຸດໃໝ່ ຕະຫຼອດຮອດພະນັກງານວິຊາ ການທີ່ກ່ຽວຂ້ອງເຂົ້າຮ່ວມ.

ທ່ານ ຄຳປານ ບຸນພາໄຊກໍໄດ້ຂຶ້ນຜ່ານຂໍ້ຕົກລົງຂອງທ່ານເຈົ້າຄອງນະຄອນຫຼວງວຽງຈັນວ່າດ້ວຍການປະກາດແຕ່ງຕັ້ງ 5 ປະເພດກີລາດັ່ງກ່າວຊຸດໃໝ່ຢ່າງເປັນທາງການ ໂດຍຂໍ້ຕົກລົງໄດ້ແຕ່ງ ຕັ້ງທ່ານ ພູວົງ ອິນທະວົງສາປະທານກຸ່ມຮ້ານອາຫານເປັນປະທານ ສະຫະພັນກີລາຣັກບີ້ນະຄອນຫຼວງ ວຽງຈັນ, ທ່ານ ສອນເພັດ ພິລາ ວົງ ແລະທ່ານຄອນສະຫວັນສິດທິໄຊເປັນຮອງປະທານພ້ອມດ້ວຍຄະນະອີກ 2 ທ່ານ, ແຕ່ງຕັ້ງທ່ານຕຸ້ຍບຸນທະລາຜູ້ອຳນວຍການບໍລິ ສັດຕຸ້ຍມໍເຕີເປັນປະທານສະຫະພັນກີລາເທັນນິດນະຄອນຫຼວງວຽງຈັນ, ທ່ານ ພຸດທະສັກ ພົມມະຈັກ, ທ່ານ ໄຊເງິນນະທະວົງແລະທ່ານສົມພອນ ສາຍມະນິວົງ ເປັນຮອງປະ ທານ.ນອກຈາກນັ້ນ, ກໍຍັງມີເລຂາທິການ 1 ທ່ານ, ຮອງເລຂາທິການ1 ທ່ານ ແລະຄະນະກຳມະການ ອີກ 7 ທ່ານ, ແຕ່ງຕັ້ງທ່ານ ຄຳ ເສີມມະນິວົງຜູ້ອຳນວຍການໂຮງຮຽນມັດທະຍົມສົມບູນສົມປັນຍາ ເປັນປະທານສະຫະພັນກີລາປິ່ງ ປ່ອງນະຄອນຫຼວງວຽງຈັນ, ທ່ານບຸນແຍງ ດວງປັນຍາ, ທ່ານ ບຸດສາຄອນໃສຈັນດີ ແລະທ່ານ  ຂວັນ ໃຈ ໄຊເກົາທໍ່ ເປັນຮອງປະທານພ້ອມຄະນະກຳມະການອີກ 1ທ່ານ,ແຕ່ງຕັ້ງທ່ານ ເນົາວະລັກພະວໍລະ ຈິດ ຫົວໜ້າສູນເຍົາວະຊົນ-ຊາວ ໜຸ່ມນະຄອນຫຼວງວຽງຈັນເປັນປະທານສະຫະພັນກີລາມວຍປໍ້ານະຄອນຫຼວງວຽງຈັນ,ທ່ານຈັນທະຄານລັດຕະນະວົງ ເປັນຮອງປະ ທານພ້ອມຄະນະກຳມະການອີກ1ທ່ານແລະແຕ່ງຕັ້ງທ່ານຄຳເສັງສູນດາລາ ປະທານບໍລິສັດຄຳເສັງຈຳກັດເປັນປະທານສະຫະພັນມວຍລາວ-ມວຍສາກົນ ແລະປັນຈັກສີລັດ, ທ່ານ ເສີດ ສູນດາລາ ເປັນຮອງປະທານ ແລະຄະນະກຳມະ ການອີກ 7 ທ່ານ.

ທ່ານ ຄຳປານ ບຸນພາໄຊກ່າວຕື່ມອີກວ່າ:ທັງ 5 ສະຫະພັນກີລານະຄອນຫຼວງວຽງຈັນມີສິດໜ້າທີ່ ຄົ້ນຄວ້າໂຄງປະກອບກົງຈັກການ ຈັດຕັ້ງ ແລະຈັດວາງບຸກຄະລາ ກອນໃຫ້ສອດຄ່ອງກັບລະບົບບໍລິ ການ,ການບັນຊາ ແລະການຄຸ້ມຄອງຢູ່ໃນແຕ່ລະຂັ້ນ, ສະຫຼຸບລາຍງານການເຄື່ອນໄຫວຂອງຄະນະໃຫ້ພະແນກສຶກສາທິການ ແລະ ກີລາແລະການນຳນະຄອນຫຼວງວຽງຈັນເປັນປົກກະຕິ, ຄັດເລືອກຝຶກແອບ, ຝຶກຊ້ອມ,ທົດສອບນັກກີລາເພື່ອກະກຽມເຂົ້າຮ່ວມໃນການແຂ່ງຂັນກາຍະກຳຂອງຄະນະຢ່າງ ຕໍ່ເນື່ອງ,ປຸກລະດົມຂົນຂວາຍເພື່ອຊອກຫາແຫຼງທຶນເຂົ້າໃນການຊຸກຍູ້ ແລະເຄື່ອນໄຫວກີລາກາຍະກຳ, ເປັນໃຈກາງສົມທົບກັບພະແນກສຶກສາທິການແລະກີລາໃນການຊຸກຍູ້ ສົ່ງເສີມ-ຈັດຝຶກອົບຮົມການຫຼິ້ນກີລາຂອງຕົນເພື່ອສ້າງບຸກຄະລາກອນແລະພັດທະນາທັກສະໃຫ້ນັກກີລາພ້ອມທັງເປັນເສນາທິການໂດຍກົງທາງດ້ານກີລາໃຫ້ແກ່ພະແນກສຶກສາທິການ ແລະກີລານະຄອນຫຼວງ ວຽງຈັນແລະ5 ສະຫະພັນມີກາປະທັບໃນການເຄື່ອນໄຫວທີ່ຖືກຕ້ອງ ຕາມກົດໝາຍ.

ທ່ານ ສົມພອນສອນດາລາກໍໄດ້ສະແດງຄວາມເຊື່ອໝັ້ນມາຍັງ ບັນດາຄະນະບໍລິຫານງານ 5 ສະຫະພັນກີລານະຄອນຫຼວງວຽງຈັນດັ່ງກ່າວພ້ອມທັງຮຽກຮ້ອງໃຫ້ ພ້ອມກັນສຸມທຸກກຳລັງ ແລະເຫື່ອແຮງຊີ້ນຳໆພາຂະບວນການກີລາຂອງນະຄອນຫຼວງວຽງຈັນໃຫ້ມີ ການເຄື່ອນໄຫວຢ່າງມີສີສັນ ແລະ ຟົດຟື້ນສາມາດຮັບປະກັນສ້າງນັກກີລາທີ່ມີພອນສະຫວັນດີເດັ່ນ ແລະມີຄຸນນະພາບສູງເພື່ອເຂົ້າຮ່ວມແຂ່ງຂັນທວງຕຳແໜ່ງແຊ້ມເຈົ້າຫຼຽນ ຄຳໃນຊຽງຂວາງເກມສ້າງກຽດແລະຊື່ສຽງມາສູ່ນະຄອນຫຼວງວຽງຈັນໄດ້ຍິ່ງໃຫຍ່ອີກຄັ້ງໜຶ່ງ.

ໂດຍ: ບຸນນິກ

แชร์