ໂຮງຮຽນອະນຸບານ ທຫລ ເນັ້ນສ້າງທັກສະ ແລະສຸຂະພາບນັກຮຽນ

(ເນື່ອງໃນໂອກາດວັນເດັກນ້ອຍສາກົນແລະວັນປູກຕົ້ນໄມ້ແຫ່ງຊາດ 1 ມິຖຸນາ 2019).

ໂຮງຮຽນອະນຸບານທະນາຄານ ແຫ່ງ ສປປ ລາວ ທຫລ (ທຫລ) ຢູ່ໃນການຄຸ້ມຄອງຂອງຫ້ອງການທຫລທາງດ້ານການເມືອງແນວຄິດ,ດ້ານການຈັດຕັ້ງແລະດ້ານການບໍລິຫານຕ່າງໆ, ສ່ວນດ້ານວິຊາການຢູ່ ພາຍໃຕ້ການຄຸ້ມຄອງຂອງຫ້ອງ ການສຶກສາທິການແລະກີລາເມືອງ ຈັນທະບູລີໂດຍເຄື່ອນໄຫວຕາມຫຼັກ ສູດຂອງກະຊວງສຶກສາວາງອອກໃນແຕ່ລະໄລຍະແລະຍັງມີການປະ ກອບສ່ວນດ້ານສາທາລະນະສຸກຈາກໂຮງໝໍເມືອງຈັນທະບູລີ  ທີ່ໄດ້ ລົງຕິດຕາມສຸຂະພາບເດັກໃນແຕ່ ລະໄລຍະ.

ໂດຍອີງຕາມບົດສະຫຼຸບສົກຮຽນ2018-2019 ຂອງໂຮງຮຽນດັ່ງກ່າວໄດ້ຊີ້ບອກວ່າ: ປະຈຸບັນມີພະ ນັກງານທັງໝົດ 34 ຄົນ, ຍິງ 32 ຄົນ ແລະມີນັກຮຽນທັງໝົດ 295 ຄົນ, ຍິງ 145 ຄົນ, ມີຫ້ອງຮຽນ 12 ຫ້ອງ, ມີຊັ້ນລ້ຽງເດັກ 4 ຫ້ອງແລະຊັ້ນອະນຸບານ 8 ຫ້ອງ, ຄູຮັບ  ຜິດຊອບແຕ່ລະຫ້ອງ 1-2 ຄົນຕາມ ເງື່ອນໄຂຕົວຈິງທີ່ມີແລະດ້ານວິຊາ ສະເພາະກໍ່ມີສິ່ງທີ່ພົ້ນເດັ່ນເປັນຕົ້ນຄູແຕ່ລະຊັ້ນຮຽນໄດ້ພາເດັກປະຕິບັດ ກິດຈະກໍາຕ່າງໆຕາມໜ່ວຍການຮຽນການສອນຕາມຫຼັກສູດຂອງກະຊວງສຶກທິການວາງອອກແລະທຸກໆຕອນແລງວັນສຸກຈະພາເດັກ ຈັດກິດຈະກໍານອກຫຼັກສູດເຊັ່ນ:ຖາມຕອບວິທະຍາສາດ, ໃຫ້ເດັກແຕ່ລະຫ້ອງສະແດງຄວາມສາມາດ ໂດຍການຮ້ອງເພງ,ເລົ່າຄໍາຄ່ອງ, ນັບເລກ, ເຕັ້ນປະກອບທ່າທາງ, ເລົ່າເລື່ອງ, ຟ້ອນແລະແຂ່ງຂັນກີລາປະ ເພດຕ່າງໆຫ້ອງຕໍ່ຫ້ອງ ຊຶ່ງເຮັດໃຫ້ ເດັກມີການພັດທະນາແນວຄວາມ ຄິດສ້າງສັນ ແລະມີຄວາມສາມາດ ກ້າສະແດງອອກໃນຫຼາຍໆດ້ານ.

ສະເພາະສົກຮຽນ 2018-2019 ໃນດ້ານການສິດສອນຂອງເດັກ ແມ່ນອີງຕາມ 5 ຫຼັກມູນການສຶກສາທີ່ກະຊວງສຶກສາທິການວາງ     ອອກ; ນໍາພາເດັກເຂົ້າຮ່ວມແຂ່ງຂັນກີລາ ແລະສີລະປະທົ່ວເມືອງຈັນ ທະບູລີສາມາດຍາດໄດ້ລາງວັນທີ 3; ນໍາພາເດັກຊັ້ນອະນຸບານ 3 ຈໍາ ນວນ 67 ຄົນໄປທັດສະນະສຶກສາ; ເອົາໃຈໃສ່ກຽມຄວາມພ້ອມນັກ ຮຽນຊັ້ນອະນຸບານ ໂດຍໄດ້ແອບ ຂຽນແລະອ່ານຕາມຮູບພາບຕ່າງໆ, ອ່ານເປັນຄໍາສັບແລະຈະມີວຽກບ້ານໃຫ້ເດັກທຸກມື້ເພື່ອໄປຂຽນຢູ່ ບ້ານ ແລະໃຫ້ຜູ້ປົກຄອງໄດ້ມີສ່ວນຮ່ວມໃນການສິດສອນຂອງລູກຫຼານ ນອກນັ້ນ, ຄູຍັງພົວພັນກັບຜູ້ປົກຄອງເພື່ອລາຍງານສະພາບການຮຽນການສອນ ໂດຍສະເພາະຊັ້ນອະນຸ ບານ 3 ຄູ ຊຶ່ງເນັ້ນການຂຽນ ແລະ ອ່ານຫຼາຍຂຶ້ນເປັນພື້ນຖານໃຫ້ເດັກເພື່ອຈະໄປຮຽນຕໍ່ຊັ້ນປະຖົມ. ນອກຈາກນີ້ຍັງພາເດັກຮຽນເວົ້າ ແລະ ອ່ານພາສາອັງກິດ-ພາສາຈີນນໍາຄູຕື່ມພໍເປັນພື້ນຖານສໍາລັບເດັກ.ບັນດາຄູໄດ້ປະເມີນການພັດທະນາການເດັກທັງ 5 ດ້ານໃສ່ປື້ມຕິດຕາມ ແລະສົ່ງໃຫ້ຜູ້ປົກຄອງເຊັນຮັບຮູ້ເຖິງພັດ ທະນາການຂອງເດັກ.ນອກນີ້, ພະນັກງານຄູຍັງເຂົ້າຮ່ວມຝຶກອົບຮົມພາສາຈີນໄລຍະ 5 ເດືອນ 1 ຄົນ; ເຂົ້າຮ່ວມຝຶກອົບຮົມພາສາອັງກິດ 5 ເດືອນ 2 ຄົນ, ເຂົ້າຮ່ວມຝຶກອົບ ຮົມກ່ຽວກັບການຮຽນການສອນ 2 ຄົນ, ແລກປ່ຽນບົດຮຽນກ່ຽວກັບ ການຮຽນ-ການສອນກັບໂຮງຮຽນພາຍນອກເຂົ້າຮ່ວມຮັບຟັງການສິດສອນພາສາອັງກິດໃຫ້ເດັກກັບໂຮງ ຮຽນອື່ນ; ເຂົ້າຮ່ວມໂມງສອນແລກ ປ່ຽນບົດຮຽນກັນກ່ຽວກັບການ ຮຽນ-ການສອນເພື່ອປັບປຸງການສິດສອນໃຫ້ມີອັນແບບໃໝ່ໃຫ້ຫຼາຍ ຂຶ້ນ ແລະເພື່ອຮັບປະກັນການຮຽນຂອງເດັກໃຫ້ສາມາດຮັບເອົາຄວາມຮູ້ຈາກຄູໄດ້ດີຂຶ້ນກວ່າເກົ່າ.

ດ້ານໂພຊະນາການຂອງເດັກກໍ່ໄດ້ເອົາໃຈໃສ່ເຖິງຄຸນນະພາບຂອງອາຫານທີ່ຈະເອົາມາໃຫ້ເດັກກິນຕ້ອງສະອາດປອດໄພຄົບ 5 ໝູ່ໂດຍແຕ່  ລະວັນຈະກິນອາຫານແບບບໍ່ຊໍ້າກັນ, ເດັກກິນອາຫານ 2 ຄາບຢູ່ ໂຮງຮຽນຊຶ່ງມີຄາບສວຍ ແລະອາຫານຫວ່າງຕອນແລງ ແລະທຸກໆ    ຕອນແລງວັນສຸກກ່ອນເມືອຈະໄດ້ ໃຫ້ນົມເດັກໄປກິນຕື່ມ;ນອກນັ້ນ, ເມື່ອມີວັນພິເສດ ຫຼື ເທສະການຕ່າງໆກໍ່ຈະເຮັດອາຫານພິເສດເພີ່ມຕອນ ແລງຫຼື ກ່ອນເມືອບ້ານ; ໃນສົກຮຽນປີນີ້ມີຄະນະທີມງານທັນຕະແພດ ສາດມະຫາວິທະຍາສາດສຸຂະພາບ ມາກວດສຸຂະພາບແຂ້ວ ແລະຜົ້ງ ປາກໃຫ້ເດັກຈໍານວນ 231 ຄົນ; ແພດຈາກສາທາລະນະສຸກເມືອງ ຈັນທະບູລີມາຢອດຢາວິຕາມີນ A ໃຫ້ເດັກ ແລະຢາຂ້າແມ່ທ້ອງ; ສັກ ຢາກັນໝາກແດງນ້ອຍແດງໃຫ່ຍ ໃຫ້ເດັກ 280 ຄົນ ແລະກວດຕິດ ຕາມເບິ່ງການເກີດຕຸ່ມໝາກໃສຂອງເດັກ;ປັບປຸງເດີ່ນຫຼິ້ນໃໝ່ຂອງເດັກ; ປັບປຸງຫ້ອງຮຽນເດັກ;ສ້າງອ່າງ ລ້າງມືເພື່ອໃຫ້ເດັກລ້າງມືກ່ອນກິນເຂົ້າ ແລະຫຼັງຈາກຈັດກິດຈະກໍາແລ້ວ ແລະຍັງເປັນການສ້າງຄວາມສີ້ນເຄີຍໃນການລ້າງມືໃຫ້ເປັນນິໃສກັບ ເດັກ.

ທ່ານ ສາຍສະໝອນ ກີບເກສອນຮອງຫົວໜ້າຫ້ອງການທຫລທັງຊີ້ນໍາໂຮງຮຽນດັ່ງກ່າວຕີລາຄາສູງຕໍ່ບັນດາຄະນະນໍາທະນາຄານທຸກຂັ້ນທີ່ໄດ້ຊີ້ນໍາ-ນໍາພາຢ່າງໃກ້ສິດແລະອຳນວຍຄວາມສະດວກໃນທຸກດ້ານໂດຍສະເພາະໄດ້ຮັບການຮ່ວມມືຈາກຫ້ອງການສືກສາທິການແລະກີລາເມືອງຈັນທະບູລີໃຫ້ການຮ່ວມມືຊ່ວຍເຫຼືອທາງດ້ານວິຊາການ,ບັນດາຜູ້ປົກຄອງເດັກໃຫ້ຄວາມຮ່ວມມືແລະພະນັກງານມີຄວາມສາມັກຄີຊ່ວຍເຫຼືອເຊິ່ງກັນ ແລະກັນທຸກຄົນມີຄວາມຕື່ນຕົວປະຕິບັດວິຊາສະເພາະຂອງຕົນຕາມການມອບໝາຍໃນນໄດ້ເອົາໃຈໃສ່ນໍາພາ,   ເບິ່ງແຍງ, ດູແລ, ສິດສອນ-ລ້ຽງເດັກຢ່າງໃກ ສິດຂອງຄະນະອໍານວຍການ, ຄູ ແລະແມ່ລ້ຽງໃນໄລຍະຜ່ານມາ.

ໂດຍ: ບຸນນິກ

แชร์