ແກ້ງກະຈ່າງນໍ້າລີກ ສະຖານທີ່ທ່ອງທ່ຽວສວຍງາ

ຫຼາຍຄົນທີ່ເຄີຍໄປທ່ຽວໃນສະຖານທີ່ຕ່າງໆແຂວງວຽງຈັນຕ່າງກໍ່ມີຄວາມແຕກຕ່າງກັນໄປຖ້າເວົ້າເຖິງທໍາມະຊາດທີ່ງົດງາມ,ປະຈຸບັນນີ້ກໍ່ຄົງຈະມີຫຼາຍບ່ອນເພາະວ່າແຂວງວຽງຈັນມີທິວທັດທໍາມະຊາດ,ພູຜາປ່າດົງທີ່ຂຽວງາມຕະຫຼອດປີ.

ເວົ້າເລື່ອງສະຖານທີ່ທ່ອງທ່ຽວຕ້ອງຍອມຮັບວ່າມີຫຼາກຫຼາຍສີສັນ ບໍ່ວ່າຈະເປັນແຫຼ່ງທ່ອງທ່ຽວທາງທໍາມະຊາດເຊັ່ນ: ສັນພູທີ່ຍາວ ແລະ ສວຍງາມຍິ່ງເບິ່ງຍິ່ງປະທັບໃຈ, ແກ້ງກະຈ່າງ ກໍ່ເປັນສະຖານທີ່ໜຶ່ງທີ່ມີ ຄວາມໂດດເດັ່ນທາງທໍາມະຊາດ, ເປັນຈຸດທີ່ເຮັດໃຫ້ຫຼາຍຄົນມາທ່ຽວ ຊົມສະຖານທີ່ແຫ່ງນີ້,ສາຍລົມເຢັນໆ ໄດ້ຫອບອຸ້ມເອົາອາຍນໍ້າມາກະທົບ ຄີງເປັນໄລຍະເຖິງແມ່ນໃນຍາມຮ້ອນກໍ່ຍັງປະກົດວ່າຮູ້ສຶກເຢັນສະ ບາຍ, ບວກກັບອາກາດສົດໆທີ່ທໍາມະຊາດສ້າງຂຶ້ນໃຕ້ຮົ່ມປ່າໄມ້ອັນຂຽວສະອຸ່ມຕະຫຼອດປີ.

ແກ້ງກະຈ່າງນໍ້າລີກຕັ້ງຢູ່ບ້ານຫີນເຫີບໃຕ້ ຫ່າງຈາກຕົວເມືອງ 4 ກິໂລແມັດ, ການເຂົ້າຫາສະຖານທີ່ ທ່ອງທ່ຽວແມ່ນດ້ວຍເຮືອ ຫຼື ລົດ. ເປັນແກ້ງທີ່ເກີດຂຶ້ນຕາມທໍາມະຊາດ ໂດຍບໍ່ມີການປັ້ນແຕ່ງດັດແປງເກີດ ຂຶ້ນຢູ່ລະຫວ່າງສອງສົ້ນພູມືດພູໄກ່ ຄອນ, ແຫຼ່ງທ່ອງທ່ຽວດັ່ງກ່າວໄດ້ເປີດບໍລິການໃຫ້ເປັນບ່ອນລ່ອງເຮືອກາຍັກ, ກາໂນ, ກົງເບັງ ແລະກີລາ ທາງນໍ້າແບບພະຈົນໄພ, ເໝາະແກ່ການເຮັດກິດຈະກຳທາງນໍ້າເຮັດໃຫ້ ຜູ້ຄົນມີຄວາມສົນໃຈໃນການໄປ ທ່ຽວຊົມທີ່ສະດຸດໃຈ.

ໂດຍ: ວົງມະນີ

• 29/05/2019