ເຊັນສັນຍາຂຸດຄົ້ນດິນໜຽວ ແລະປຸງແຕ່ງຫີນປູນ ຢູ່ຫົວພັນ

  ວັນທີ 23 ພຶດສະພາ 2019 ນີ້, ຢູ່ທີ່ຫ້ອງປະຊຸມພະແນກແຜນການ ແລະ ການລົງທຶນໄດ້ມີພິທີເຊັນສັນຍາ ລະ ຫວ່າງແຂວງຫົວພັນ ແລະບໍລິສັດສຳປະ ທານ ໃນການຂຸດຄົ້ນ-ປຸງແຕ່ງຫີນປູນຢູ່ບ້ານກ້າງທາດ, ບ້ານຫາງລ້ອງ ແລະຂຸດຄົ້ນດິນໜຽວແດງ ຢູ່ບ້ານນາສ້ານ ເມືອງວຽງໄຊແຂວງຫົວພັນ. ໃນຂຸດຄົ້ນ-ປຸງ ແຕ່ງຫີນປູນຢູ່ບ້ານກ້າງທາດມີເນື້ອທີ່ 1 ເຮັກຕາ, ຈະໄດ້ນຳໃຊ້ທຶນຈຳນວນ 2 ລ້ານໂດລາສະຫະລັດ, ການຂຸດຄົ້ນ- ປຸງແຕ່ງຫີນປູນຢູ່ບ້ານຫາງລ້ອງໃນເນື້ອ ທີ່ 5 ເຮັກຕາ, ນຳໃຊ້ 3 ແສນ 74 ພັນ 950 ໂດລາ ແລະຂຸດຄົ້ນດິນໜຽວແດງຢູ່ບ້ານນາສ້ານ ເມືອງວຽງໄຊ ມີເນື້ອທີ່ສຳປະທານ 4 ເຮັກຕາ ຈຳນວ ນທຶນ 2 ລ້ານ ໂດລາ, ທັງໝົດ 3 ໂຄງການນີ້ ແມ່ນບໍລິ ສັດຊີມັງສາກົນຫົວພັນລາວ-ຈີນອາງຊື ຈຳກັດ ເປັນຜູ້ສຳປະທານ ແລະລົງທຶນ 100% ມີໄລຍະສຳປະທານ 5 ປີ. ພາຍຫຼັງເຊັນສັນຍາແລ້ວບໍລິສັດຈະໄດ້ລົງມືຈັດຕັ້ງປະຕິບັດບັນດາໜ້າວຽກເປັນຕົ້ນແມ່ນການປະກອບເອກະສານການນຳເຂົ້າອຸປະກອນ, ເຄື່ ອງຈັກເພື່ອນຳໃຊ້ເຂົ້າໃນການຂຸດຄົ້ນ-ປຸງແຕ່ງດິນໜຽວແດງທີ່ເປັນວັດຖຸດິບປະສົມຜະລິດຊີມັງ, ກະກຽມບຸກເບີກສະຖານທີ່ຂຸດຄົ້ນ ແລະ ເຂດສ້າງຕັ້ງໂຮງ ງານປຸງແຕ່ງ, ຕິດຕັ້ງລະບົບໄຟຟ້າໃສ່ພາກສະໜາມຂຸດຄົ້ນ, ກໍ່ສ້າງອ່າງບຳບັດນ້ຳ ແລະສິ່ງເສດເຫຼືອ, ຕິດຕັ້ງອຸປະກອນກົນຈັກໃຫ້ຄົບຊຸດ.

  ການຂຸດຄົ້ນດິນໜຽວແດງ ແລະປຸງແຕ່ງຫີນປູນຢູ່ 3 ບ້ານຂອງເມືອງວຽງໄຊແຂວງຫົວພັນແມ່ນເພື່ອເຮັດໃຫ້ການນຳໃຊ້ຊັບພະຍາກອນທຳມະຊາດໃນພື້ນ ດິນຖືກຂຸດຄົ້ນອອກມາໄດ້ນຳໃຊ້ຢ່າງເປັນປະໂຫຍດສູງສຸດເປັນຕົ້ນແມ່ນການນຳເອົາແຮ່ດິນໜຽວແດງມາປະສົມເພື່ອຜະລິດຊີມັງທີ່ສາມາດຮັບຮອງທາງດ້ານ ຄຸນນະພາບ ແລະປະລິມານທີ່ສາມາດສະໜອງໃຫ້ຕະຫຼາດທັງພາຍໃນ ແລະ ຕ່າງປະເທດໃນລະດັບໜຶ່ງ.

  ລົງນາມເຊັນສັນຍາຕາງໜ້າຝ່າຍ ແຂວງຫົວພັນ ໂດຍແມ່ນທ່ານ ຄອນທອງ ມະນີວອນ ຮັກສາການຫົວໜ້າພະແນກແຜນການ ແລະການລົງທຶນ, ທ່ານ ເຊຍຈິ້ນສ້າງອຳນວຍການບໍລິສັດຊີມັງສາກົນຫົວພັນລາວ-ຈີນອາງຊື ຈຳກັດ, ເຊັນເປັນພິຍານໂດຍແມ່ນທ່ານຫົວໜ້າພະແນກພະລັງງານ-ບ່ໍແຮ່ ແລະທ່ານ ເຈົ້າເມືອງວຽງໄຊ ໂດຍຊ່ອງໜ້າທ່ານ ວັນໄຊ ແພງຊຸມມາ ເຈົ້າແຂວງໆຫົວພັນມີບັນດາທ່ານຫົວໜ້າ-ຮອງພະແນກການ ແລະວິຊາການທີ່ກ່ຽວຂ້ອງເຂົ້າຮ່ວມ ເປັນພິຍານນຳ.

 ພາບ ແລະຂ່າວໂດຍ: ໜັງສືພິມເສດຖະກິດ-ສັງຄົມ

แชร์