ເມືອງສິງຈັບຜູ້ຕ້ອງຫາ ພ້ອມຢາບ້າເກືອບ 2 ພັນເມັດ

ວັນທີ 7 ພຶດສະພາ 2019 ເຈົ້າໜ້າທີ່ໜ່ວຍງານສະກັດກັ້ນ-ຕ້ານຢາເສບຕິດ ປກສ ເມືອງສິງ ໄດ້ຮັບແຈ້ງຈາກພົນລະເມືອງດີວ່າ: ມີກຸ່ມຄົນບໍ່ດີເຄື່ອນໄຫວ ຄ້າ-ຂາຍຢາເສບຕິດຢູ່ບ້ານພະບາດນ້ອຍເຂດບ້ານມອມດັ່ງນັ້ນທາງໜ່ວຍງານສະກັດກັ້ນ-ຕ້ານຢາເສບຕິດ, ຈິ່ງໄດ້ລົງໄປກວດກາເຫັນວ່າມີມູນຄວາມຈິງແທ້, ຈິ່ງສາມາດກັກຕົວຜູ້ຖືກຫາໄດ້ 1 ຄົນ ຊື່ທ້າວ ຮູຊາ, ອາຍຸ 25 ປີ, ສັນຊາດລາວ, ຊົນເຜົ່າອາຄາ, ອາຊີບຊາວສວນ, ປະຈຸບັນຢູ່ບ້ານພະບາດນ້ອຍ (ເຂດບ້ານມອມ), ເມືອງສິງ, ແຂວງຫຼວງນໍ້າທາ ພ້ອມຂອງກາງຢາບ້າຈໍານວນ 1.804 ເມັດ, ລົດຈັກວູຢາງສີແດງ 1 ຄັນ ແລະໂທລະສັບຍີ່ຫໍ້ອັອບໂປ 1 ໜ່ວຍ.

  ຜ່ານການສືບສວນ-ສອບສວນຂອງເຈົ້າໜ້າທີ່ຜູ້ຖືກຫາສາລະພາບວ່າຢາບ້າຈໍານວນ 1.804 ເມັດ ທີ່ທາງເຈົ້າໜ້າທີ່ກວດພົບເຫັນທ້າວ ຮູຊາ ໄດ້ຊຸກເຊື່ອງຢູ່ ໃນຖົງໂສ້ງ ນັ້ນແມ່ນຢາເສບຕິດຂອງທ້າວ ຮູຊາແທ້ ຜູ້ກ່ຽວໄດ້ຊື້ນໍາພວກຮ່ວມຂະ ບວນການດຽວກັນ,ຈຸດທີຄ້າ-ຂາຍຢາເສບຕິດໃຫ້ກັນແມ່ນຢູ່ເຂດເທິງບ້ານຫ້ວຍ ລອງເກົ່າ, ເມືອງສິງ ພາຍຫຼັງໄດ້ຢາບ້າມາ ແລ້ວແມ່ນໄດ້ເອົາຂາຍຍ່ອຍຕໍ່ໃຫ້ກຸ່ມໄວ ໜຸ່ມຢູ່ຕາມບ້ານ, ຕົກມາຮອດເວລາປະມານ 13 ໂມງ ຂອງວັນທີ 5 ພຶດສະພາ 2019 ຈຶ່ງຖືກເຈົ້າໜ້າທ່ີກັກຕົວ, ປະຈຸບັນຜູ້ຖືກຫາພ້ອມຂອງກາງແມ່ນສົ່ງໃຫ້ພະແນກຕຳຫຼວດສະກັດກັ້ນ ແລະ ຕ້ານຢາເສບຕິດ ປກສ ແຂວງ ເພື່ອດຳເນີນການສືບສວນຂະຫຍາຍຜົນຫາກຸ້ມແກ້ງມາດໍາເນີນຄະດີຕາມລະບຽບກົດໝາຍ.

ພາບ ແລະຂ່າວໂດຍ: ໜັງສືພິມເສດຖະກິດ-ສັງຄົມ

แชร์