ປິດຊຸດຮຽນທິດສະດີການເມືອງ-ການປົກຄອງ

ວັນທີ 21  ພືດສະພາ 2019 ທີ່ຫ້ອງປະຊຸມໂຮງຮຽນທິດສະດີການເມືອງການປົກຄອງຈັດພິທີປິດຊຸດຮຽນທິດສະດີການເມືອງ-ການປົກຄອງຊັ້ນກາງ ຮຸ່ນທີ 12 ສົກຮຽນ 2017-2019 ຊຶ່ງເປັນກຽດເຂົ້າຮ່ວມຂອງທ່ານບຸນທຽມແກ້ວໄຊຍະວົງ ຮອງເລຂາພັກ ແຂວງຫົວໜ້າຄະນະຈັດຕັ້ງແຂວງ, ທ່ານ ນາງ ມະນີຊົງລືສີສະໝຸດຫົວໜ້າໂຮງຮຽນການເມືອງການປົກຄອງແຂວງສາລະວັນ, ມີຄະນະປະຈໍາພັກແຂວງ, ຄະນະປະຈໍາ ພັກເມືອງຈາກ 8 ຕົວເມືອງ, ມີບັນດາຫົວໜ້າໂຮງຮຽນການເມືອງການປົກຄອງຈາກແຂວງຈໍາປາສັກ, ເຊກອງ ແລະແຂວງອັດຕະ ປື, ພ້ອມດ້ວຍນັກສຶກສາເຂົ້າຮ່ວມ.

ທ່ານ ນາງ ໄກສອນ ຝ້າຍຜົມ ມະວົງໄຊ ຮອງຫົວໜ້າໂຮງຮຽນ ການເມືອງ-ການປົກຄອງແຂວງ ໄດ້ຕີລາຄາການຈັດຕັ້ງປະຕິບັດຫຼັກສູດການຮຽນ-ການສອນທິດສະດີການເມືອງ-ການປົກຄອງຊັ້ນກາງ ຮຸ່ນທີ 12  (ສົກປີ 2017-2019) ທີ່ໄດ້ເລີ່ມການຮຽນ-ການສອນມາ ແຕ່ວັນທີ 14 ເມສາ 2017 - 25 ເມສາ 2019 ເປັນເວລາ 18 ເດືອນ, ຊຶ່ງຊຸດຮຽນນີ້ແມ່ນໄດ້ຄັດເລືອກເອົາພະນັກງານ-ສະມາຊິກພັກທີ່ມາຈາກພະແນກການອ້ອມ ຂ້າງແຂວງ, ຈາກ 8 ຕົວເມືອງ ແລະຈາກ 2 ກໍາລັງປ້ອງກັນຊາດ-ປ້ອງກັນຄວາມສະຫງົບທີ່ໄດ້ຮັບ ການຄົ້ນຄວ້າ ແລະອະນຸມັດຈາກຄະນະປະຈໍາພັກແຂວງມີທັງໝົດ 48 ສະຫາຍ, ຍິງ 6 ສະຫາຍ, ໃນນັ້ນມາຈາກພະແນກການອ້ອມຂ້າງແຂວງ 19 ສະຫາຍ, ຍິງ 1 ສະຫາຍ, ມາຈາກ 8 ຕົວເມືອງອ້ອມຂ້າງແຂວງມີ 29 ສະຫາຍ, ຍິງ5 ສະຫາຍ, ຈາກກໍາລັງປ້ອງກັນຊາດ-ປ້ອງກັນຄວາມສະຫງົບມີ 12 ສະຫາຍ, ຍິງ 1 ສະຫາຍ.ມີ ຫຼັກສູດການຮຽນ-ການສອນທັງ ໝົດ 29 ວິຊາ, ມີ 80 ໜ່ວຍກິດ ແລະໃຊ້ເວລາຮຽນທັງໝົດມີ  1.280 ຊົ່ວໂມງ, ປະກອບມີ 3 ໝວດຄື: ໝວດຄວາມຮູ້ທົ່ວໄປມີ 14 ວິຊາ, ໝວດວິທະຍາສາດພື້ນຖານມີ 7 ວິຊາ ແລະໝວດວິຊາສະເພາະມີ 7 ວິຊາຄື: ວິຊາປັດສະຍາມາກ-ເລນິນ, ເສດຖະສາດການເມືອງ-ມາກເລນິນ, ລັດທິສັງຄົມນິຍົມວິທະຍາສາດ, ການປົກຄອງ,  ການສ້າງພັກ, ວຽກງານຂົນຂວາຍມະ ຫາຊົນແລະບົດທົບທວນຈົບຊັ້ນ.

ສໍາລັບການຮຽນ-ການສອນ ແມ່ນເນັ້ນໃສ່ການບັນຍາຍ,ຈົດ ກ່າຍ, ສົນທະນາແລກປ່ຽນຄໍາຄິດ ຄໍາເຫັນ ໂດຍຖືເອົາການສິດສອນຕາມຫຼັກສູດແບບໃໝ່, ໂດຍໃຊ້ຮູບ ການຄົ້ນຄວ້າຢູ່ຫ້ອງອ່ານ, ການຄົ້ນຄວ້າດ້ວຍຕົນເອງ, ການແລກ ປ່ຽນຄວາມຮູ້ເຊິ່ງກັນ ແລະກັນ, ຖື  ເອົາການໄປທັດສະນະສຶກສາ ແລະການຖອດຖອນບົດຮຽນເປັນການລົງເບິ່ງໂຕຈິງເພື່ອສົມທົບລະຫວ່າງທິດສະດີກັບພຶດຕິກໍາ,ຖືເອົາການ ສອບເສັງແຕ່ລະວິຊາເປັນການປະ ເມີນຜົນແລະປ້ອງກັນບົດທົບທວນຈົບຊັ້ນເປັນໄມ້ຫຼາວັດແທກພື້ນຖານ ຄວາມຮັບຮູ້ເຂົ້າໃຈ.ໂດຍມີຄູ-ອາ ຈານສິດສອນທັງໝົດ 23 ສະ ຫາຍ, ຍິງ 6 ສະຫາຍ, ສໍາລັບຄູອາຈານທີ່ຢູ່ໃນໂຮງຮຽນແມ່ນມີ 15 ສະຫາຍ,ຍິງ 5 ສະຫາຍ ແລະຄູອາຈານຮັບເຊີນທີ່ໄດ້ຮັບການ ແຕ່ງຕັ້ງຈາກຄະນະປະຈໍາພັກແຂວງມີ 8 ສະຫາຍ, ຍິງ1ສະຫາຍ. ຜ່ານການປະເມີນໃນແຕ່ລະພາກ ແລະການສອບເສັງແມ່ນບັນລຸໄດ້ 100%,ຄະແນນສະເລ່ຍຂອງ 29 ວິຊາ, ໄດ້ຄະແນນເກດ A ມີ 23 ສະຫາຍ, ຍິງ 5 ສະຫາຍ, ຄະແນນ ເກດ B+ ມີ 25 ສະຫາຍ, ຍິງ 1 ສະຫາຍ.

ໃນຕອນທ້າຍກໍ່ໄດ້ມອບໃບຍ້ອງຍໍໃຫ້ແກ່ຄູ-ອາຈານຜູ້ທີ່ສອນດີເດັ່ນມີ 23 ສະຫາຍ, ຍິງ 6 ສະຫາຍແລະມອບໃບຍ້ອງຍໍໃຫ້ແກ່ນັກຮຽນ48 ສະຫາຍ, ຍິງ 6 ສະຫາຍ, ໃນນັ້ນມອບໃບຍ້ອງຍໍນັກຮຽນດີເດັ່ນຮອບດ້ານມີ 20 ສະຫາຍ, ຍິງ 5 ສະຫາຍ, ນັກຮຽນດີເດັ່ນມີ 6 ສະຫາຍ, ນັກຮຽນດີ ເດັ່ນຄຸນສົມບັດດີມີ 18 ສະຫາຍ ແລະນັກຮຽນຄຸນສົມບັດດີມີ 4 ສະ ຫາຍ, ຍິງ 1 ສະຫາຍ.

ໂດຍ: ພອນສະໄໝ

 

แชร์