ລັດຖະບານມອບເງິນໃຫ້ນັກກີລາບານເຕະຍິງ ຢູ-15 ຫຼັງ ສ້າງຊື່ສຽງໃຫ້ກັບປະເທດ

ວັນທີ 24 ພຶດສະພາຜ່ານມາທີ່ສຳນັກງານປະທານປະເທດ ແຫ່ງ ສປປ ລາວ ໄດ້ມີພິທີມອບ-ຮັບເງິນໂບນັດຈຳນວນ 83 ລ້ານກີບຈາກລັດຖະບານລາວ ໃຫ້ແກ່ນັກກີລາສາວທີມຊາດລາວຮຸ່ນອາຍຸບໍ່ເກີນ 15 ປີ ໂດຍຕາງໜ້າກ່າວມອບຂອງທ່ານ ບົວລານສິລິປັນຍາ ຮອງລັດຖະມົນຕີກະຊວງສຶກສາທິການແລະກີລາ (ສສກ) ແລະ ຕາງໜ້າຮັບແມ່ນທ່ານ ນາງ ພອນທິບແສງມະນີຫົວໜ້າຄູຝຶກ ຢູ-15ສາວລາວ, ໃຫ້ກຽດເຂົ້າຮ່ວມເປັນ ສັກຂີພິຍານຂອງທ່ານ ພັນຄຳວິພາວັນ ຮອງປະທານປະເທດ ແລະ ທ່ານ ສົມພູ ພົງສາ ຜູ້ຊ່ວຍລັດຖະ ມົນຕີກະຊວງ ສສກ, ທັງເປັນຮອງ ປະທານແລະເລຂາທິການຄະນະ ກຳມະການໂອແລມປິກແຫ່ງຊາດລາວ,ມີຜູ້ຕາງໜ້າຈາກກົມທີ່ກ່ຽວ ຂ້ອງ, ປະທານສະຫະພັນບານເຕະແຫ່ງຊາດລາວ, ພະນັກງານທີ່ກ່ຽວ ຂ້ອງ, ບັນດາຄະນະຄູຝຶກ, ນັກກີລາ ແລະສື່ມວນຊົນເຂົ້າຮ່ວມ.

ທ່ານ ວີເພັດ ສີຫາຈັກ ປະທານສະຫະພັນບານເຕະແຫ່ງຊາດລາວ ລາຍງານໃຫ້ຮູ້ວ່າ: ສຳລັບການເຂົ້າ ຮ່ວມການແຂ່ງຂັນເຕະບານຍິງຮຸ່ນ  ອາຍຸບໍ່ເກີນ 15  ປີ  ຊິງແຊ້ມອາຊຽນຄັ້ງນີ້ຖືເປັນຄັ້ງທີ 3 ທີ່ສະຫະພັນ ບານເຕະແຫ່ງຊາດລາວສົ່ງທີມລາວເຂົ້າຮ່ວມແຂ່ງຂັນ ໂດຍຜົນງານທີ່ ຜ່ານມາ  ເມື່ອປີ 2017 ຊຶ່ງເປັນຄັ້ງ ທຳອິດທີ່ເຂົ້າຮ່ວມລາຍການນີ້ລາວ ເຮົາໄດ້ຮັບກຽດເປັນເຈົ້າພາບບໍ່ ສາມາດຜ່ານຮອບແບ່ງກຸ່ມໄດ້, ປີ 2018 ທີ່ປະເທດອິນໂດເນເຊຍ ເປັນເຈົ້າພາບທີມຊາດຍິງລາວ ຮຸ່ນ ອາຍຸບໍ່ເກີນ 15 ປີ ເຂົ້າຮ່ວມການ ແຂ່ງຂັນສ້າງຜົນງານໄດ້ໂດດເດັ່ນ ຜ່ານເຂົ້າສູ່ຮອບຮອງຊະນະເລີດ ສາມາດຍາດໄດ້ອັນດັບ 4 ແລະ ປີ 2019 ທີມຊາດລາວສາມາດສ້າງປະຫວັດສາດໄດ້ສຳເລັດຜ່ານ ເຂົ້າຮອບຊິງຊະນະເລີດແຕ່ພາດ ທ່າເສຍໃຫ້ທີມຊາດໄທດ້ວຍການຍິງຈຸດໂທດ 3-5 ໂດຍເວລາປົກກະ ຕິສະເໝີ 0-0.

ໂອກາດດຽວກັນ, ທ່ານ ພັນຄຳວິພາວັນກໍໄດ້ສະແດງຄວາມດີໃຈເປັນຢ່າງຍິ່ງ ແລະຍ້ອງຍໍຊົມເຊີຍຢ່າງສຸດອົກສຸດໃຈມາຍັງຄະນະຄູ        ຝຶກ ແລະນັກກີລາ ຢູ-15 ສາວລາວໝົດທຸກຄົນທີ່ສາມາດສ້າງຜົນງານໃນຄັ້ງນີ້ສ້າງກຽດແລະຊື່ສຽງ ໃຫ້ແກ່ປະເທດຊາດເຖິງວ່າພວກ    ເຮົາຫາກໍເລີ່ມສ້າງຕັ້ງທີມຂຶ້ນມາໃໝ່ ກໍຕາມແຕ່ກໍຍັງສາມາດສ້າງຜົນສຳເລັດໄດ້ລະດັບສູງ ຊຶ່ງຜົນສຳເລັດນີ້ ໄດ້ມາຍ້ອນຄວາມພະຍາຍາມ  ແລະ ຕັ້ງໃຈສູງຂອງຄະນະນຳກະຊວງສສກ, ຄອລ, ຄະນະບໍລິຫານງານ ສຕລ ສຳຄັນທີ່ສຸດແມ່ນຄູຝຶກ ແລະ ນັກກີລາທີ່ມີຄວາມພະຍາຍາມເສຍສະຫຼະທັງເຫື່ອແຮງ ແລະສະຕິປັນ ຍາເຮັດໃຫ້ຂະບວນການແຂ່ງຂັນ ດຳເນີນໄປດ້ວຍດີຢ່າງມີຜົນສຳເລັດທີ່ໜ້າພາກພູມໃຈອີກດ້ານໜຶ່ງເຖິງ ວ່າພວກເຮົາຈະມີຄວາມຫຍຸ້ງຍາກ ຫຼາຍດ້ານຂອງທີມ ໂດຍສະເພາະ ນັກກີລາກໍລ້ວນແຕ່ເປັນນັກຮຽນ. ສະນັ້ນ, ການຮຽນກໍຕ້ອງໄດ້ຄັດສົນກັບການຝຶກຊ້ອມກີລາເຕະບານ ສິ່ງສຳຄັນກໍຕົກຢູ່ໃນຄວາມເປັນຫ່ວງຂອງພໍ່ແມ່ຜູ້ປົກຄອງ ແລະຫຍຸ້ງຍາກທາງດ້ານທຶນຮອນແຕ່ ກໍສາມາດຜ່ານຜ່າອຸປະສັກມາໄດ້.ແຕ່ເຖິງຢ່າງໃດກໍດີ, ຮຽກຮ້ອງມາ ຍັງກະຊວງ ສສກ ຈົ່ງພ້ອມກັນຕິດ ຕາມແລະເບິ່ງຄືນກ່ຽວກັບການຈັດ ຕັ້ງການຮຽນການສອນໃຫ້ນັກກີລາ ທຸກຄົນ ໂດຍສະເພາະການຈັດການ ສອບເສັງໃຫ້ເຂົາແບບພິເສດຢ່າໃຫ້ມີຜົນກະທົບຕໍ່ນັກກີລາເພື່ອໃຫ້ເຂົາ ເຈົ້າມີກຳລັງໃຈ ແລະສືບຕໍ່ຝຶກຝົນ ຕົນເອງເພື່ອກ້າວສູ່ຜົນສຳເລັດໃນຂັ້ນຕໍ່ໄປ.

 ໃນພິທີດັ່ງກ່າວ ກໍໄດ້ມີພິທີມອບ-ຮັບເງິນໂບນັດຈາກລັດຖະບານເພື່ອຊຸກຍູ້ນໍ້າໃຈໃຫ້ນັກກີລາ  ຢູ-15 ສາວ ລາວ ຈຳນວນ 83 ລ້ານກີບ, ເງິນ ອັດສີດຈາກ ສຕລ 80 ລ້ານກີບ ແລະເງິນຊຸກຍູ້ນໍ້າໃຈຈາກບໍລິສັດແສງເພັດເກັບກູ້ລະເບີດຈຳກັດ 20 ລ້ານກີບ.

ໂດຍ: ບຸນນິກ

แชร์