ຕາດຊອນກຽມທຸ້ມທຶນ 10 ຕື້ກວ່າກີບ ເພີ່ມຫຼາຍກິດຈະກຳແປກໃໝ່ ຕອບໂຈດນັກທ່ອງທ່ຽວ

   

ແຫຼ່ງທ່ອງທ່ຽວທຳມະຊາດນ້ຳຕົກຕາດຊອນ ແດນຫົງພູສູງ ສວນພຶກສາສາດອຸທິຍານຊຸມຊົນສະມາຄົມອາຊຽນເປັນອີກສະຖານທີ່ທ່ອງທ່ຽວໜຶ່ງຢູ່ນະຄອນ ຫຼວງວຽງຈັນທີ່ໜ້າທ່ຽວຊົມຍ້ອນຍັງຄົງຮັກສາໄດ້ຄາມອຸດົມສົມບູນຂອງທຳມະຊາດໂດຍສະເພາະແມ່ນຜືນປ່າໄມ້ທີ່ມີຄວາມຊຸ່ມເຢັນຕະຫຼອດປີຊຶ່ງຂະນະນີ້ຜູ້ເປັນເຈົ້າຂອງແນມເຫັນອະນາຄົດການໄກກຽມໃຊ້ທຶນ 10 ຕື້ກວ່າກີບ ເພີ່ມຫຼາກຫຼາຍກິດຈະກຳໃຫ້ມີ ສີສັນໂດດເດັ່ນ ແລະແປກໃໝ່ເພື່ອເອົາໃຈນັກທ່ອງ ທ່ຽວທັງພາຍໃນ ແລະຕ່າງປະເທດ.

  ທ່ານ ຄຳໄພ ສົມຊະນະ ເຈົ້າຂອງສະຖານທີ່ທ່ອງທ່ຽວແຫ່ງນີ້ເປີດເຜີຍຕໍ່ທີມຂ່າວໜັງສືພິມເສດຖະກິດ-ສັງຄົມວ່າ: ສະຖານທີ່ແຫຼ່ງທ່ອງທ່ຽວທຳມະຊາດນ້ຳຕົກຕາດຊອນແດນຫົງພູສູງສວນພຶກສາຊາດອຸທິຍານຊຸມຊົນສະມາຄົມອາຊຽນ ໄດ້ເປີດໃຫ້ບໍລິການສັງຄົມຄຽງຄູ່ກັບການປູກປ່າປົກປັກຮັກສາປ່າໄມ້ມາໄດ້

7-8 ປີແລ້ວແຕ່ການລົງທຶນໃສ່ພື້ນຖານໂຄງລ່າງ ແລະປູກຕົ້ນໄມ້ເສດຖະກິດ, ໄມ້ປະດັບ ແລະໄມ້ກິນໝາກຈຳນວນຫຼາຍສິບລ້ານຕົ້ນໃສ່ເນື້ອທີ່ຫຼາຍພັນເຮັກ ຕາ ໂດຍບໍ່ຖ້າແຕ່ວັນປູກຕົ້ນໄມ້ແຫ່ງຊາດ 1 ມິຖຸນາ ຊຶ່ງການເຮັດແນວນີ້ແມ່ນເລີ່ມມາແຕ່ 1990 ເປັນຕົ້ນມາອັນໄດ້ປະກອບສ່ວນສຳຄັນໃນການສ້າງຄວ າມອຸດົມສົມບູນຄືນສູ່ທຳມະຊາດຕາມແນວທາງນະໂຍບາຍຂອງພັກ-ລັດເພື່ອເພີ່ມເນື້ອທີ່ການປົກຫຸ້ມພື້ນທີ່ສີຂຽວຂອງປ່າໄມ້ໃນຂອບເຂດທົ່ວປະເທດໃຫ້ໄດ້ 70% ພາຍໃນປີ 2020.

  ທ່ານ ຄຳໄພ ສົມຊະນະ ກ່າວຕື່ມວ່າ: ແຫຼ່ງທ່ອງທ່ຽວທຳມະຊາດນ້ຳຕົກຕາດຊອນເປັນອີກສະຖານທີ່ທ່ອງທ່ຽວທີ່ມີຮ່ອງຮອຍປະຫວັດສາດ ແລະ ທຳມະຊາດອຸດົມສົມບູນທີ່ສຸດອີກແຫ່ງໃນນະຄອນຫຼວງວຽງຈັນນັບແຕ່ມື້ເປີດໃຫ້ບໍລິການຢ່າງເປັນທາງການຮອດປະຈຸບັນຖືວ່າສ້າງຄວາມປະທັບໃຈໃຫ້ກັບນັກທ່ອງທ່ຽວໄດ້ເປັນຢ່າງດີໂດຍສະເພາະມື້ວັນພັກເສົາ-ອາທິດ, ມື້ພັກລັດຖະການ ແລະມື້ງານບຸນເທດສະການຕ່າງໆເຫັນວານັກທ່ອງທ່ຽວທັງພາຍໃນ ແລະຕ່າງປະເທດເຂົ້າມາທ່ຽວຊົມເປັນຈຳນວນຫຼວງຫຼາຍ.

ແນວໃດກໍດີເພື່ອເປັນການເພີ່ມສີສັນສ້າງຄວາມແປກໃໝ່ດຶງດູດໃຈນັກທ່ອງທ່ຽວມທັງພາຍໃນ ແລະຕ່າງປະເທດໃຫ້ໄດ້ຫຼາຍຂຶ້ນອີກໃນອະນາຄົດຕໍ່ໜ້າທ່ານ ຄຳໄພ ສົມຊະນະ ບອກວ່າ: ເວລານີ້ກຳລັງກຽມທຶນ 10 ຕື້ກວ່າກີບ ເພື່ອສຸມການປັບປຸງຍົກລະດັບລາຍການໃນສະຖານທ່ອງທ່ຽວໃຫ້ມີຄວາມຫຼາກຫຼາຍເປັນຕົ້ນແມ່ນການໃຫ້ບໍລິການຂີ່ຊ້າງ,ຂີ່ສະລິງ,ເດີນປ່າຊົມດົງຕົ້ນໄມ້ຄຳຂຽວທີ່ເກີດຕາມມະຊາດ ແລະປູກເສີມແຄມສາຍຫ້ວຍ (ຕົ້ນກ້ານເຫຼືອງ), ກາງເຕັນນອນ

ປ່າ, ຂີ່ລົດຖີບ, ຂີ່ເຮືອ, ຕຶກເບັດ, ຊົມຄວາມ ອັດສະຈັນຂອງພະລານຫີນ ແລະນ້ຳເຕົ້າແກ້ວສັກສິດຂອງພະຍານາກເທິງພູສູງທີ່ໝົດປີນ້ຳບໍ່ບົກແຫ່ງເປັນຈັກເທື່ອໂດຍເມື່ອອາທິດຜ່ານມາທາງທີມງານວິຊາການກໍ່ໄດ້ລົງສຳຫຼວດຈຸດຕ່າງໆທີ່ມີທ່າແຮງພັດທະນາເພື່ອກະກຽມໃຫ້ແກ່ການປັບປຸງດັ່ງກ່າວ.

ທັງນີ້ການປັບປຸງຄາດໝາຍແມ່ນຈະໃຫ້ສຳເລັດພາຍໃນປີ 2020 ຫຼື ຊ້າສຸດບໍ່ໃຫ້ກາຍກາງປີ 2021 ເພື່ອຮອງຮັບນັກທ່ອງທ່ຽວໂດຍສະເພາະແມ່ນຈາກ ສປ ຈີນ ຊຶ່ງພາຍຫຼັງໂຄງການທາງລົດໄຟລາວ-ຈີນ ສ້າງສຳເລັດ ແລະເປີດໃຊ້ບໍລິການກໍນັບວ່າແຫຼ່ງທ່ອງທ່ຽວຕາດຊອນຈະເປັນທ່າແຮງສຳຄັນຍ້ອນມີຈຸດທີ່ຕັ້ງບໍ່

ໄກຈາກສະຖານີນາຊາຍທອງປະມານ 6 ກິໂລແມັດ ແລະຫ່າງຈາກຕົວ ເມືອງນະຄອນຫຼວງວຽງຈັນ ຕາມທາງ 13 ເໜືອ ໃຊ້ເວລາຂີ່ລົດປະມານ 30 ນາທີ ທີ່ບ້ານນາງຍາງ ເມືອງນາຊາຍທອງ.

  ສຳລັບໃນວັນທີ 1 ມິຖຸນາ 2019 ຊຶ່ງເປັນວັນປູກຕົ້ນໄມ້ແຫ່ງຊາດ ແລະ ວັນເດັກນ້ອຍສາກົນ ທ່ານ ຄຳໄພ ສົມຊະນະ ກ່ໍໄດ້ກ່າວເຊີນຊວນບັນດາພໍ່ແມ່ປະ

ຊາຊົນໄປທ່ຽວຊົມ ແລະພັກຜ່ອນໄດ້ໂດຍທາງແຫຼ່ງທ່ອງທ່ຽວຕາດຊອນມີຮ້ານອາຫານ ແລະ 111 ຕູບ ທີ່ໄດ້ມາດຕະຖານໄວ້ຄອຍຖ້າບໍລິການນອກຈາກນີ້ກໍ່ຍັງມີຫ້ອງພັກອີກ 40 ຫຼັງລວມມີ 80 ຫ້ອງ ແລະທັງນີ້ເຊື່ອແນ່ວ່າເມື່ອທ່ານໄປແລ້ວຈະບໍ່ຜິດຫວັງ ແລະຢາກໄປອີກຄັ້ງຢ່າງແນ່ນອນ.

 ຄວາມຈິງແລ້ວສະຖານທີ່ທ່ອງທ່ຽວທຳມະຊາດຕາດຊອນແມ່ນໜື່ງໃນເກືອບ 20 ກິດຈະການຂອງກຸ່ມບໍລິສັດຄຳໄພຊະນະດ້ວຍຫຼາກຫຼາຍຜົນຄວາມສຳເລັດໃນຜ່ານມາຈື່ງເຮັດໃຫ້ກຸ່ມບໍລິສັດດັ່ງກ່າວໃນເວລານີ້ໄດ້ຮັບຄວາມວາງໃຈຈາກອຳນາດການປົກຄອງແຂວງໄຊສົມບູນ ໃຫ້ເຂົ້າດຳເນີນການສຶກສາສຳຫຼວດພູ້ບ້ຍ ທີ່ເມືອງອະນຸວົງ ຊື່ງເປັນພູທີ່ສູງທີ່ສຸດໃນລາວ 2.820 ແມັດ ເພື່ອພັດທະນາໃຫ້ກາຍເປັນພູເງິນພູພູຄຳ ພູແຫຼ່ງທ່ອງທ່ຽວລະດັບຊາດແບບອະນຸຮັກໂດຍປະ ຊາຊົນມີສ່ວນຮ່ວມ ໃນອານາຄົດຕື່ມອີກ.

ພາບ ແລະຂ່າວໂດຍ: ໜັງສືພິມເສດຖະກິດ-ສັງຄົມ

แชร์