ນໍ້າຕົກຕາດເທວະດາ ແຂວງສາລະວັນ

ເມື່ອເວົ້າເຖິງແຫຼ່ງທ່ອງທ່ຽວທຳມະຊາດເມືອງສາລະວັນແຂວງສາລະວັນແລ້ວ,ນອກຈາກພວກເຮົາຈະໄດ້ສຳພັດກັບຄວາມງົດງາມຂອງທຳມະຊາດພູຜາປ່າໄມ້, ແມ່ນໍ້າລຳເຊອີກຫຼາຍແຫ່ງແລ້ວ,ພວກເຮົາຍັງຈະໄດ້ສຳພັດກັບຕາດຕ່າງໆດັ່ງນໍ້າຕົກຕາດເທວະດາທີ່ໄດ້ຮັບຄວາມນິຍົມທີ່ສຸດຕາດດັ່ງກ່າວຕັ້ງຢູ່ບ້ານຫາງພູນ້ອຍເມືອງສາລະວັນ,ຫ່າງຈາກທາງເລກທີ 20 ປະມານ19 ກິໂລແມັດແລະຫ່າງຈາກເທສະບານເມືອງ 35 ກິໂລແມັດ.

ນໍ້າຕົກຕາດເທວະດາເປັນອີກສະຖານທີ່ໜຶ່ງທີ່ມີຄວາມໂດດເດັ່ນແລະສວຍສົດງົດງາມທາງດ້ານທິວທັດທໍາມະຊາດປ່າໄມ້ອັນດົກໜາຂຽວ ງາມອຸ່ມທຸ່ມເຮັດໃຫ້ອາກາດເຂດນີ້ມີຄວາມສົດຊື່ນແຈ່ມໃສດີຈຶ່ງກາຍເປັນສະຖານທີ່ທ່ອງທ່ຽວໄດ້ຮັບຄວາມນິຍົມຊົມຊອບຈາກນັກທ່ອງ ທ່ຽວທັງພາຍໃນ ແລະຕ່າງປະເທດເປັນຈໍານວນບໍ່ໜ້ອຍ.ນອກນັ້ນພາຍໃນຕາດຍັງມີຫີນພົມສີ່ໜ້າຈຶ່ງໄດ້ປ່ຽນຊື່ຕາດຕະຫຼຸຍມາເປັນຕາດ ເທວະດາເທົ່າທຸກວັນນີ້.

ຕາມການເລົ່າຂານກັນມາວ່າ: ໃນບໍລິເວນດ້ານລຸ່ມຂອງນໍ້າຕົກຕາດໄດ້ມີພະພຸດທະຮູບສະຖິດຢູ່ໃນຖໍ້າກ້ອງນໍ້າຕົກແຕ່ລະປີພໍຮອດເດືອນ  ຫ້າ ປະຊາຊົນພາຍໃນບ້ານຈັດຕັ້ງ ບຸນແລະພາກັນມາຫົດສົງພະໃນບໍລິເວນຕໍ່ໜ້ານໍ້າຕົກຕາດຍັງມີຫີນຕັ້ງມີຮູບລັກສະນະຄ້າຍກັບພົມສີໜ້າ) ໃນອະດີດມີສອງອັນ ແລະໃນ ປະຈຸບັນເຫຼືອພຽງອັນດຽວຍ້ອນຖືກລະເບີດຍົນສະໄໝສົງຄາມ.

ໂດຍ: ວົງມະນີ

แชร์