ສະຫະພັນເພາະກາຍ ກຽມຈັດແຂ່ງຂັນຊີງແຊ້ມ ປະເທດລາວ

ສະຫະພັນເພາະກາຍແຫ່ງ ຊາດລາວກຽມຈັດແຂ່ງຂັນເພາະກາຍຊີງແຊ້ມປະເທດລາວຊີງຂັນ ລັດຖະມົນຕີກະຊວງສຶກສາທິການ ແລະກີລາປະຈໍາປີ 2019 ແລະເພື່ອເປັນການຍົກລະດັບການແຂ່ງ ຂັນຍິ່ງໃຫຍ່ຂຶ້ນກວ່າທຸກໆປີເພື່ອ ກ້າວສູ່ລະດັບສາກົນເທື່ອລະກ້າວ.

ອີງຕາມແຈ້ງການຂອງສະຫະພັນເພາະກາຍແຫ່ງຊາດລາວຮູ້ວ່າ:ສະຫະພັນເພາະກາຍແມ່ນຮັບອະນຸຍາດຈາກກະຊວງສຶກສາທິການແລະກີລາຈັດການແຂ່ງຂັນກີລາເພາະກາຍຊາຍ ແລະແມ່ຍິງຮຸ່ນງາມຊີງແຊ້ມປະເທດລາວຊີງຂັນລັດຖະມົນຕີກະຊວງສຶກສາທິການແລະກີລາປະຈຳປີ 2019ໃນວັນທີ 2 ພະຈິກ 2019 ທີ່ນະ ຄອນຫຼວງວຽງຈັນ. ໂດຍຈຸດປະ ສົ່ງເປົ້າໝາຍການແຂ່ງຂັນຄັ້ງນີ້ ເພື່ອເປັນການຍົກລະດັບຄຸນນະ ພາບເພື່ອສົ່ງເສີ່ມສຸຂະພາບແລະສ້າງນັກທີມຊາດລາວໃຫ້ມີຄວາມ ສາມາດກ້າວເຂົ້າຮ່ວມແຂ່ງຂັນ ກັບນານາຊາດໃນຕໍ່ໜ້າ.

ສຳລັບການແຂ່ງຂັນມີ 5 ປະ ເພດຄື 1, ເພາະກາຍຊາຍນໍ້າໜັກບໍ່ເກີນ 65 ກິໂລກຣາມ, 2, ເພາະກາຍຊາຍນໍ້າໜັກບໍ່ເກີນ 75 ກິໂລ ກຣາມ, 3, ໂມເດວຊາຍຄວາມສູງບໍ່ເກີນ 170 ແມັດ, 4, ໂມເດວຊາຍຄວາມສູງເກີນ 170 ແມັດຂຶ້ນໄປ5, ຍິງຫຸ່ນງາມ women’smodel sports ຊຶ່ງການເຂົ້າຮ່ວມແຂ່ງຂັນນັກກີລາຕ້ອງມີເຊື້ອຊາດລາວຫຼືສັນຊາດລາວເທົ່ານັ້ນສົນໃຈສະໜັບສະໜູນ ຫຼື ລາຍລະ ອຽດກະລຸນາຕິດຕໍ່ສອບຖາມທີ່ເບີ 02055655239/02023 256566/02058466995

 

ໂດຍ: ເຂີຍບ້ານຫ້ອມ

แชร์