ຄະນະນຳ ສສກ ຢ້ຽມຢາມໂຮງຮຽນນາໆຊາດ ຮິດຟິວ ວຽງຈັນ

ວັນທີ 23 ພຶດສະພາຜ່ານມາຄະນະນຳກະຊວງສຶກສາທິການແລະກີລາ (ສສກ) ແລະ ທ່ານ ເອກອັກຄະຣາຊະທູດຣາຊະອານາຈັກອັງກິດ ປະຈຳ ສປປ ລາວ ລົງເຄື່ອນໄຫວຢ້ຽມຢາມແລະຕິດຕາມການຮຽນການສອນໂຮງຮຽນນາໆຊາດຮິດຟິວ ວຽງຈັນນຳໂດຍທ່ານ ນາງ ຂັນທະລີສິຣິພົງພັນຮອງລັດຖະມົນຕີກະຊວງສຶກສາທິການແລະກີລາແລະທ່ານຣິວອີເວັນເອກອັກຄະຣາຊະທູດຣາຊະອານາຈັກອັງກິດ ປະຈຳສປປ ລາວ, ມີປະທານໂຮງຮຽນ, ພະນັກງານ, ຄູ-ອາຈານ,ພາກສ່່ວນທີ່ກ່ຽວຂ້ອງຕະຫຼອດ ຮອດນ້ອງນັກຮຽນເຂົ້າຮ່ວມ.

ທ່ານ ສູນທອນພົມມະຈັກປະທານໂຮງຮຽນຮິດຟິວວຽງຈັນວ່າ:ການສ້າງໂຮງຮຽນແມ່ນຍ້ອນແນວຄິດທີ່ຢາກປະກອບສ່ວນພັດທະນາວຽກງານການສຶກສາຂອງ ສປປ ລາວ ໃຫ້ມີຄຸນນະພາບໃໝ່ ແລະມີມາດຕະຖານເທົ່າທຽມກັບສາກົນ,ຊຶ່ງໂຮງຮຽນແຫ່ງດັ່ງກ່າວແມ່ນເນັ້ນດ້ານການຮຽນ-ການ ສອນທີ່ມີຄຸນນະພາບແນໃສ່ພັດທະ ນາຊັບພະຍາກອນມະນຸດທີ່ມີຄຸນ ນະພາບອອກຮັບໃຊ້ສັງຄົມ, ໂດຍໄດ້ເລີ່ມດຳເນີນການຮຽນ-ການສອນແຕ່ເດືອນກັນຍາ2018 ເປັນຕົ້ນມາປະກອບມີຊັ້ນລ້ຽງເດັກຫາ ປ.3, ມີນັກຮຽນ100 ຄົນງໃນຕໍ່ໜ້ານີ້ແມ່ນຈະເປີດສອນຈົນຈົບຫຼັກສູດຊັ້ນປະຖົມແລະຊັ້ນມັດທະຍົມສຶກສາຕອນປາຍ (ມ.7) ໂດຍ ຈະເນັ້ນຄຸນນະພາບການສຶກສາ ຢ່າງຕໍ່ເນື່ອງໂດຍໃຊ້ພາສາອັງກິດ ເປັນສື່ກາງໃນທຸກລະດັບຊັ້ນໃຫ້ເດັກນ້ອຍຕັ້ງແຕ່ເຍົາວະຊົນຈົນເຖິງໄວໜຸ່ມຊຶ່ງນຳໃຊ້ຫຼັກສູດການຮຽນ ການສອນຈາກປະເທດອັງກິດ ໂດຍກົງ ແລະໄດ້ມີການປັບປຸງໃຫ້ແທດເໝາະກັບສະພາບແວດລ້ອມຂອງເດັກນ້ອຍໃນປະເທດລາວ, ພ້ອມ ທັງຈະມອບປະສົບການທີ່ດີ ແລະ ການສຶກສາຮູບແບບໃໝ່ ໂດຍເນັ້ນ ວິຊາການສິດສອນທີ່ມີປະສິດທິຜົນສູງພ້ອມນັ້ນຍັງໄດ້ເອົາໃຈໃສ່ທາງ ດ້ານສິລະປະ, ກີລາແລະວັດທະນະທຳເພື່ອສ້າງໃຫ້ນັກຮຽນມີທັກສະຄວາມຮູ້ຮອບດ້ານແລະກຽມພ້ອມໃຫ້ພວກເຂົາກ້າວສູ່ອະນາຄົດ ໄດ້ຢ່າງສົມບູນແບບ.

ໂອກາດດັ່ງກ່າວ, ທ່ານ ນາງ ຂັນທະລີ ສິຣິພົງພັນ ໄດ້ກ່າວສະ ແດງຄວາມຍ້ອງຍໍຊົມເຊີຍພ້ອມທັງ ຕີລາຄາສູງຕໍ່ຄະນະອຳນວຍການ ໂຮງຮຽນນາໆຊາດຮິດຟິວວຽງ ຈັນ ທີ່ມີຄວາມຕັ້ງໃຈຢາກພັດທະ ນາວຽກງານການສຶກສາຂອງ ລາວໃຫ້ມີການພັດທະນາທີດີຂຶ້ນ,ສິດສອນລູກຫຼານໃຫ້ມີຄວາມຮູ້ ຄວາມສາມາດ, ມີທັກສະຄວາມຮູ້ ຮອບຕົວຢ່າງກວ້າງຂວາງສາມາດຍັບເຂົ້າໃກ້ກັບພາກພື້ນ ແລະສາກົນເທື່ອລະກ້າວ.

ສຳລັບໂຮງຮຽນນາໆຊາດຮິດຟິວ ວຽງຈັນ ເປັນສາຂາຂອງປະເທດອັງກິດໄດ້ດຳເນີນການສິດສອນໂດຍອາຈານຈາກປະເທດອັງກິດຜູ້ທີ່ມີປະສົບການດ້ານຖ່າຍທອດຄວາມຮູ້ທີ່ໜ້າສົນໃຈສາມາດສົ່ງ ເສີມໃຫ້ນັກຮຽນມີຄວາມກະຕືລືລົ້ນໃນການຮຽນແລະເຂົ້າເຖິງທຸກລາຍລະອຽດຂອງວິຊາຮຽນນອກ ນີ້, ຍັງມີຊ່ຽວຊານມາຊ່ວຍພັດທະ ນາທັກສະດ້ານການເວົ້າພາສາອັງກິດ,ໃຫ້ຄວາມສຳຄັນດ້ານສຸຂະອະ ນາໄມສຸຂະພາບຄວາມປອດໄພແລະຄວາມສະຫງົບເພື່ອຮັບປະກັນໃຫ້ນັກຮຽນສາມາດຮຽນຮູ້ເຮັດກິດຈະກຳແລະມ່ວນຊື່ນໃນສະພາບແວດລ້ອມທີ່ດີໄດ້ຕະຫຼອດເວລາ.

ໂດຍ: ບຸນນິກ

แชร์