ທະນາຄານສາຂາຜົ້ງສາລີຕັ້ງເປົ້າລະດົມເງິນຝາກ ສ້າງຄວາມເຂັ້ນແຂງ

  ທະນາຄານທຸລະກິດສາຂາ ແຂວງຜົ້ງສາລີ ໄດ້ກໍານົດເປົ້າໝາຍການລະລົມເງິນຝາກໃນປີນີ້ໃຫ້ໄດ້ໃຫ້ໄດ້ 540,70 ຕື້ກີບ ແລະການປ່ອຍສິນເຊື່ອ 399,26 ຕື້ກີບ ເພື່ອສ້າງຄວາມເຂັ້ມແຂງໃຫ້ກັບລະບົບທະນາຄານ ແລະ ຄວາມໄວ້ວາງໃຈໃຫ້ແກ່ລູກຄ້າແນໃສ່ສະໜອງສິນເຊື່ອເພື່ອການພັດທະນາ ແລະ ສາມາດເຂົ້າ ເຖິງປະຊາຊົນ.

  ອີງຕາມຂໍ້ມູນຈາກແຂວງຜົ້ງສາລີ ໃຫ້ຮູ້ວ່າ: ບັນດາທະນາຄານທຸລະກິດສາຂາແຂວງຜົ້ງສາລີປະກອບມີ: ທະນາຄານພັດທະນາລາວ, ທະນາຄານສົ່ງເສີມກະສິກໍາ, ທະນາຄານການຄ້າຕ່າງປະເທດລາວມະຫາຊົນ, ທະນາຄານນະໂຍບາຍ ແລະສະຖາບັນການເງິນຈຸລະພາກ, ຊຶ່ງໃນປີ 2019 ນີ້ບັນດາທະນາຄານດັ່ງກ່າ ວໄດ້ກໍານົດເປົ້າໝາຍການລະດົມເງິນຝາກໃຫ້ໄດ້ທັງໝົດ 540,70 ຕື້ກີບ ເພື່ອສ້າງຄວາມເຂັ້ມແຂງໃຫ້ກັບລະບົບທະນາຄານ ແລະ ຄວາມໄວ້ວາງໃຈໃຫ້ແກ່ລູກຄ້າ. ສ່ວນການປ່ອຍສິນເຊື່ອແມ່ນເລັງໃສ່ຂະແໜງກະສິກໍາ, ອຸດສາຫະກໍາ, ການກໍ່ສ້າງ ແລະການບໍລິການຊຶ່ງຄາດວ່າຈະໃຫ້ໄດ້ຈໍານວນ 399,26 ຕື້ກີບ, ທັງນີ້ກໍ່ເພື່ອເປັນການຊ່ວຍຍົກລະດັບການພັດທະນາເສດຖະກິດ ແລະ ສະໜອງເງິນໃຫ້ກັບຫົວໜ່ວຍທຸລະກິດພາຍໃນແຂວງທຸກປະເພດທັງຂະໜາດນ້ອຍ ແລະກາງລວມເຖິງປະຊາຊົນບັນດາເຜົ່າໃນຂອບເຂດເງື່ອນໄຂດ້ວຍອັດຕາດອກເບ້ຍທີ່ສົມເຫດສົມຜົນເຮັດໃຫ້ທະລະກິດດັ່ງກ່າວສາມາດເຂົ້າເຖິງແຫຼ່ງທຶນໄດ້ຫຼາຍຂຶ້ນ.

   ສໍາລັບປີ 2018 ຜ່ານມາບັນດາທະນາຄານໃນທົ່ວແຂວງດັ່ງກ່າວສາມາດລະດົມຍອດເງິນຝາກບັນລຸໄດ້ 553,36 ຕື້ກີບ, ປະຕິບັດໄດ້ 93,47%, ທຽບໃສ່ປີຜ່ານມາເພີ່ມຂຶ້ນ 6,11%, ຊຶ່ງມີພຽງທະນາຄານການຄ້າມະຫາຊົນສາຂາດຽວທີ່ສາມາດລະດົມເງິນຝາກເກີນ ແຜນແຕ່ຖ້າທຽບໃສ່ປີ 2017 ຜ່ານມາ ມີພຽງສະຖາບັນການຈຸລະພາກເທົ່ານັ້ນທີ່ລະດົມເງິນຝາກຫຼຸດລົງ ແລະປ່ອຍສິນເຊື່ອໄດ້ 294,25 ຕື້ກີບ, ທຽບໃສ່ແຜນການ ບັນລຸໄດ້  68,77%, ທຽບໃສ່ປີຜ່ານ ມາຫຼຸດລົງ 22,41%. ສາເຫດການປ່ອຍສິນເຊື້ອຫຼຸດລົງແມ່ນເນື່ອງມາຈາກການປ່ອຍກູ້ຂອງບັນດາທະນາຄານແມ່ນຄວາມຈໍາກັດຫຼາຍຂຶ້ນ, ການປ່ອຍກູ້ທີ່ຕິດພັນເຖິງໂຄງການລົງທຶນລັດແມ່ນນັບມື້ນັບມີຄວາມເຂັ້ມງວດກວ່າເກົ່າ ແລະປະຊາຊົນກູ້ຢືມໄປແລ້ວບໍ່ມາຊໍາລະຕາມສັນຍາທີ່ລະບຸໄວ້ເຮັດກາຍກໍານົດ ແລະບໍ່ສາມາດຂຶ້ນແຜນທັນກັບກໍານົດເວລາ ແລະອີກຢ່າງໜຶ່ງການອວ່າຍໜີ້ 3 ແຈ ທີ່ລັດຖະບານໄດ້ຄົ້ນຄວ້າແກ້ໄຂກໍ່ເປັນພຽງ (ພັນທະບັດ) ທີ່ຈະປົດໜີ້ໄດ້ໃຫ້ແກ່ນັກທຸລະກິດຊຶ່ງບໍ່ສາມາດຈັບຈ່າຍໃຊ້, ໃນນັ້ນ: ທະນາຄານພັດທະນາລາວສາມາດລະດົມເງິນຝາກໄດ້ 1 79,68 ຕື້ກີບ ປະຕິບັດໄດ້ 86,57% ແລະ ປ່ອຍເງິນກູ້ໄດ້ 160,16 ຕື້ກີບ ເທົ່າກັບ 71,93%.

  ສ່ວນທະນາຄານສົ່ງເສີມກະສິກໍາລະດົມເງິນຝາກໄດ້ 105,51 ຕື້ກີບ ປະຕິບັດໄດ້ 97,35% ແລະ ປ່ອຍສິນເຊື່ອໄດ້ 66,09 ຕື້ກີບ ເທົ່າກັບ 87,86% ຂອງແຜນການ; ທະນາຄານການຄ້າຕ່າງປະເທດລາວສາມາດລະດົມເງິນຝາກໄດ້ 238,99 ຕື້ກີບ, ລື່ນແຜນການ 1,81% ແລະປ່ອຍເງິນກູ້ໄດ້ 36,79 ຕື້ກີບ ປະຕິບັດ ໄດ້56,17%; ທະນາຄານນະໂຍບາຍປ່ອຍສິນເຊື່ອໄດ້ 8,13 ຕື້ກີບ, ທຽບໃສ່ແຜນການປະຕິບັດໄດ້ 20,01%, ທຽບໃສ່ປີຜ່ານມາຫຼຸດລົງ 87,08%; (ເຫດຜົນຂອງ ການຫຼຸດລົງເຖິງຈະມີແຜນປ່ອຍ ກູ້ໃນປີ 2018 ກໍ່ຕາມ; ປະຊາຊົນ ບໍ່ສາມາດໄປກູ້ຢືມໄດ້ເນື່ອງຈາກການວາງເງື່ອນໄຂຂອງທະນາ ຄານໃນປີນີ້ ແມ່ນມີຄວາມເຂັ້ມ ງວດຫຼາຍກວ່າປີຜ່ານມາ ແລະອີກ ຢ່າງການປ່ອຍສິນເຊື່ອໃນ 1 ປີ ຜ່ານມາກໍ່ເປັນສ່ວນໜຶ່ງຂອງງົບ ປະມານປ່ອຍກູ້ທີ່ເກີນຈາກປີ 2017 ນັ້ນມາຈັດຕັ້ງປະຕິບັດປ່ອຍກູ້ໃນປີ 2018). ສ່ວນສະຖາບັນການເງິນຈຸລະພາກພັດທະນາລະດົມເງິນຝາກໄດ້ 29,17 ຕື້ກີບ ປະຕິບັດໄດ້ 70,60% ແລະປ່ອຍເງິນກູ້ໄດ້ 23,09 ຕື້ກີບ ເທົ່າກັບ 96,74% ຂອງແຜນການປີ. 

ພາບ ແລະຂ່າວໂດຍ: ໜັງສືພິມເສດຖະກິດ-ສັງຄົມ

แชร์