ສື່ສັງຄົມອອນລາຍຮ່ວມປາບປາມຂ່າວປອມ

ສື່ສັງຄົມອອນລາຍຫຼາຍແຫ່ງອອກມາດຕະການຕໍ່ສູ້ກັບຂ່າວປອມທີ່ແຜ່ຫຼາຍໃນທຸກແພລດຟອມທີ່ມີຈຸດປະສົງໃນການນຳສະ ເໜີຂໍ້ມູນທີ່ບິດເບືອນເພື່ອຈຸດປະສົງ ກັບຜູ້ຣັບຂໍ້ມູນຂ່າວສານບາງກຸ່ມ.

ສື່ສັງຄົມອອນລາຍເຟຊບຸກເຄື່ອນໄຫວໃນການຈັດການກັບຂ່າວປອມດ້ວຍການໃຊ້ເຕັກໂນໂລຊີແລະທີມງານຫຼາຍພັນຄົນຊ່ວຍກັນສອດສ່ອງກວດຈັບຂ່າວປອມທີ່ມີເປົ້າໝາຍປະສົງນຳສະເໜີຂ່າວໄປຍັງບຸກຄົນສະເພາະກຸ່ມບົນເຟຊບຸກສ່ວນທະວິດເຕີເຂົ້າຈັດການບ໊ອທ ຫຼື ບັນຊີປອມທີ່ໃຊ້ນຳສະເໜີຂໍ້ມູນທີ່ບໍ່ຖືກຕ້ອງ ແລະYoutube ຂອງບໍລິສັດ Google ໄດ້ວາງລະບົບອັລກໍຣິທຶມສຳລັບກວດຈັບເນື້ອຫາວິດີໂອທີ່ເຂົ້າງ່າຍນອກຈາກນີ້ເຟຊບຸກຍັງຮ່ວມມືກັບ FactCheck.org ໃນການກວດສອບຂໍ້ມູນທີ່ບິດ ເບືອນໃນເຟຊບຸກແລະເວັບໄຊສື່ສັງຄົມອອນລາຍອື່ນໆໂດຍຈະມີນັກຂ່າວຈາກທາງໜ່ວຍງານເຂົ້າໄປກວດສອບກ່ອນຈະລາຍງານບົນ ເວັບໄຊ FactCheck.org ວ່າ ເນື້ອຫາເຫຼົ່ານັ້ນຖືກຕ້ອງ ຫຼື ບໍ່ລວມທັງນຳສະເໜີຂໍ້ມູນການກວດສອບດັ່ງກ່າວກັບທາງເຟຊບຸກອີກທາງໜຶ່ງເພື່ອໃຫ້ເຟຊບຸກໃຊ້ມາດຕະ ການກົດດັນກຸ່ມທີ່ນຳສະເໜີຂໍ້ມູນທີ່ບໍ່ເປັນຄວາມຈິງຕໍ່ໄປບໍລິສັດເຕັກໂນໂລຊີເຫຼົ່ານີ້ຕ່າງກໍໄດ້ຮັບແຮງ ກົດດັນໃຫ້ມີຄວາມຮັບຜິດຊອບດ້ານຈະລິຍະທຳກ່ຽວກັບການນຳສະເໜີທີ່ຊີ້ນຳໄປໃນທາງທີ່ຜິດດຍສະເພາະເນື້ອຫາທີ່ມີກຸ່ມເປົ້າໝາຍສະເພາະເຈາະຈົງແຕ່ກໍມີຜູ້ທີ່ບໍ່ເຫັນດີອອກມາກ່າວຫາບໍລິສັດເຫຼົ່ານີ້ວ່າທຸ່ມເທນ້ອຍທີ່ສຸດໃນການດູແລຈັດການເລື່ອງຂ່າວປອມແລະຮຽກຮ້ອງໃຫ້ບໍລິສັດເຫຼົ່ານີ້ມີຄວາມຮັບຜິດຊອບຕໍ່ເນື້ອຫາທີ່ໄດ້ຮັບການເຜີຍແຜ່ບົນສື່ສັງຄົມອອນລາຍຂອງ ແຕ່ລະບໍລິສັດ.

ຢ່າງໃດກໍຕາມແພລດຟອມອິນເຕີເນັດເຫຼົ່ານີ້ບໍ່ມີຄວາມຮັບຜິດ ຊອບຕາມກົດໝາຍສຳລັບເນື້ອຫາທີ່ເຜີຍແຜ່ບົນແພລດຟອມເນື່ອງຈາກບໍ່ໄດ້ເປັນຜູ້ເຜີຍແຜ່ຕາມກົດໝາຍລັດຖະບານກາງອາເມລິກາເມື່ອປີ 1996 ຊຶ່ງກົດໝາຍໄດ້ຮັບ ການຢືນຢັນໃນຖານະເປັນເຄື່ອງຊ່ວຍປົກປ້ອງເສລີພາບໃນການສະ ແດງຄວາມຄິດເຫັນຢ່າງເສລີບົນສື່ອອນລາຍ.

ນສພ ເສດຖະກິດ-ສັງຄົມ

แชร์