ເມືອງຫົງສາ ຈັດງານບຸນບັ້ງໄຟ

ວັນທີ 18  ພຶດສະພາ2019 ຢູ່ທີ່ເດີ່ນຍົນຂອງເມືອງຫົງສາທາງອໍານາດການປົກຄອງບ້ານຈອມແຈ້ງແລະບ້ານສີມຸງຄຸນໄດ້ສົມທົບກັບອົງການປົກຄອງເມືອງຫົງສາຈັດງານແຂ່ງຂັນຈູດບັ້ງໄຟຫາງປະຈໍາປີ ພສ 2562 ໃຫ້ກຽດເຂົ້າຮວ່ມຮັບຊົມຂອງທ່ານ ຄໍາເພັດພົມມະ ລາດ ເລຂາພັກເມືອງເຈົ້າເມືອງໆ ຫົງສາ, ມີການນໍາຂອງເມືອງ, ແຂກຖືກເຊີນ, ອໍານາດການປົກຄອງບ້ານເທສະບານມວນຊົນເຂົ້າຮວ່ມຮັບຊົມຢ່າງຫຼວງຫຼາຍ.

ທ່ານ ຈັນ ສີສັງວອນ ນາຍ ບ້ານໆສີມຸງຄຸນກ່າວວ່າ: ງານ ແຂ່ງຂັນຈູດບັ້ງໄຟຫາງປະຈຳປີ ພສ2562 ເປັນງານບຸນປະເພນີເດືອນ6 ຂອງເມືອງຫົງສາ ຊຶ່ງໄດ້ເລີ່ມ ຕົ້ນມາແຕ່ປີ 2002 ໂດຍໃນປີນີ້ ແມ່ນເປັນຄັ້ງທີ 17  ທັງນີ້ເພື່ອເປັນການຜູກແໜ້ນຄວາມສາມັກຄີຂອງ ທຸກພາກສວ່ນພາຍໃນເມືອງ, ສ້າງ ໃຫ້ມີບັນຍາກາດເບີກບານມ່ວນຊື່ນ ເນື່ອງໃນວັນວິສາຂະບູຊາເດືອນ ຫົກເພັງ, ຂໍຟ້າ, ຂໍຝົນເຂົ້າສູ່ໄຮ່ນາ, ຕາກ້າ, ຕາມລະດູການ, ສ້າງຂະ ບວນຂໍ່ານັບຮັບຕ້ອນປີທ່ອງທຽ່ວ ລາວ-ຈີນ  2019,  ທັງເປັນຮີດຄອງ ປະເພນີການຈັດງານຕາມປະເພນີ ທີ່ເຄີຍປະຕິບັດກັນມາທຸກໆປີຕິດພັນກັບການສ້າງກິດຈະກໍາສົ່ງເສີມ ການທອ່ງທຽ່ວຢູ່ພາຍໃນເມືອງໃຫ້ ມີບັນຍາກາດຄຶກຄື້ນມ່ວນຊື່ນ.

ງານຈູດບັ້ງໄຟຫາງໃນຄັ້ງນີ້ມີ ບັ້ງໄຟເຂົ້າຮ່ວມແຂ່ງຂັນຊິງໄຊທັງ ໝົດ 112  ບັ້ງ, ໃນນີ້ມາຈາກບ້ານ ຈອມແຈ້ງ 23 ບັ້ງ, ບ້ານສີມຸງຄຸນ26 ບັ້ງ, ມາຈາກສໍານັກງານຫ້ອງ ການ 51 ບັ້ງ, ບ້ານອ້ອມຂ້າງ 12 ບັ້ງ, ມາຈາກຕ່າງເມືອງ 8 ບັ້ງ, ບໍ ລິສັດ 15 ບັ້ງ ແລະລັດວິສາຫະກິດ 8 ບັ້ງ,ຜ່ານການແຂ່ງຂັນຊະນະເລີດ ອັນດັບທີ 1 ແມ່ນບັ້ງໄຟຂອງໜວ່ຍ ທີ 21 ບ້ານສີມຸງຄຸນ ໄດ້ຮັບເງິນ  ສົດ 8 ແສນກີບ, ອັນດັບທີ 2 ແມ່ນ ຫ້ອງການຖະແຫຼງຂ່າວວັດທະນະ ແລະທອ່ງທຽ່ວເມືອງໄດ້ຮັບເງິນສົດ 6 ແສນກີບ ແລະອັນດັບທີ 3  ແມ່ນ ບັ້ງໄຟຂອງໜວ່ຍ 18 ບ້ານຈອມ ແຈ້ງ ໄດ້ຮັບເງິນສົດ 5 ແສນກີບ.ໃຫ້ກຽດມອບເງິນລາງວັນໃນຄັ້ງນີ້ ໂດຍແມ່ນທ່ານ ນາງ ດາວວິນລາດ ຊະກິດຄະນະປະຈໍາພັກເມືອງຮອງ ເຈົ້າເມືອງໆຫົງສາ ເປັນຜູ້ມອບ.

ນສພ ເສດຖະກິດ-ສັງຄົມ

แชร์