ຄຳມ່ວນ ເປີດແຂ່ງຂັນບານເຕະມິດຕະພາບ

ໃນວັນທີ 21 ພຶດສະພາ 2019 ທີ່ເມືອງຍົມມະລາດແຂວງຄໍາມ່ວນໄດ້ຈັດງານແຂ່ງຂັນບານ ເຕະມິດຕະພາບ 5 ຕົວເມືອງຕາ ເວັນອອກ (ຂົງເຂດການນເງິນ)ທີ່ເມືອງຍົມມະລາດເປັນເຈົ້າພາບ ໃຫ້ກຽດເປັນປະທານ ໂດຍທ່ານແປງໃຈດວງພິໃສ ຮອງເຈົ້າ ເມືອງໆຍົມມະລາດຜູ້ຊີ້ນຳວຽກ ງານຂົງເຂດເສດຖະກິດ, ມີຄະນະ ນຳຂັ້ນເມືອງ 5 ຕົວເມືອງ, ຄະນະຫ້ອງການ-ການເງິນ 5 ຕົວເມືອງ ພ້ອມຂະບວນນັກກີລາທັງ 5 ຕົວ ເມືອງເຂົ້າຮ່ວມແຂ່ງຂັນ.

ງານແຂ່ງຂັນບານເຕະມິດຕະ ພາບ 5 ຕົວເມືອງຕາເວັນອອກ (ຂົງເຂດການນເງິນ) ໃນຄັ້ງນີ້ ເຊິ່ງເປັນຄັ້ງທີ IV ທີ່ເມືອງຍົມມະລາດເປັນເຈົ້າພາບໄດ້ດຳເນີນໄປ ເປັນເວລາ 1ວັນເຕັມທ່າມກາງບັນ ຍາກາດອັນຟົດຟື້ນມ່ວນຊື່ນມີ ຄວາມໝາຍຄວາມສຳຄັນ ແລະ ຮັກສາໄດ້ຄວາມສາມັກຄີພາຍໃນພະນັກງານຂົງເຂດການເງິນດ້ວຍກັນໄດ້ເປັນຢ່າງດີຕະຫຼອດໄລຍະ ຂອງການແຂ່ງຂັນບັນດາຄະນະ ນັກກີລາແຕ່ລະທີມທີ່ເຂົ້າຮ່ວມຕະຫຼອດຮອດຄະນະກຳມະການຕັດ ສິນ ແລະພາກສ່ວນທີ່ກ່ຽວຂ້ອງໄດ້ພ້ອມກັນເອົາໃຈໃສ່ປະຕິບັດ ກົດລະບຽບຂອງການແຂ່ງຂັນວາງອອກຢ່າງເຂັ້ມງວດຕັດສິນຢ່າງຍຸຕິທຳ ແລະໂປ່ງໃສດ້ວຍ ຄວາມຮັບຜິດຊອບສູງ.ການແຂ່ງຂັນກີລາມິດຕະພາບໃນຄັ້ງນີ້ມີທີມ ນັກກີລາເຂົ້າຮ່ວມທັງໝົດ 5 ທີມຈາກ5ຕົວເມືອງ ຊຶ່ງເປັນຕົວແທນ ໃຫ້ແກ່ຫ້ອງການ-ການເງິນແຕ່ລະເມືອງ. ຜ່ານການແຂ່ງຂັນຕົວຈິງ ສາມາດສະຫຼຸບຜົນການແຂ່ງຂັນ ໄດ້ທີມທີ່ໄດ້ອັນດັບທີ 1 ໄດ້ແກ່ທີມ ຈາກເມືອງຍົມມະລາດ, ອັນດັບທີ 2 ແມ່ນທີມເມືອງບົວລະພາ, ອັນ ດັບ 3 ແມ່ນເມືອງມະຫາໄຊ, ອັນ ດັບ 4 ແມ່ນເມືອງນາກາຍ ແລະ ອັນດັບ 5 ແມ່ນເມືອງໄຊບົວທອງ ໂອກາດດັ່ງກ່າວຄະນະນຳຂັ້ນເມືອງ ຍົມມະລາດໄດ້ສະແດງຄວາມຮູ້ບຸນຄຸນ ແລະຂອບໃຈຢ່າງສູງຕໍ່ບັນດານັກທຸລະກິດ,ບໍລິສັດ,ຫ້າງຮ້ານ ຕ່າງໆ ທີ່ໄດ້ປະກອບສ່ວນປັດໄຈ ແລະວັດຖຸສິ່ງຂອງເຂົ້າໃນງານ ການແຂ່ງຂັນກີລາມິດຕະພາບ 5 ຕົວເມືອງຕາເວັນອອກ (ຂົງເຂດ ການເງິນ) ໃນຄັ້ງນີ້ຈົນມີຜົນສຳ ເລັດຢ່າງຈົບງາມ.

 

ໂດຍ: ຄຳພູວາ

แชร์