ຜົ້ງສາລີ ຍົກລະດັບຄູຝຶກ ແລະກຳມະການຕັດສິນ

ການຍົກລະດັບຄູຝຶກກີລາເຕະບານລະດັບ D ລາຍເຊັນ ແລະ ກຳມະການຕັດສິນກີລາເຕະບານຂັ້ນພື້ນຖານຂອງແຂວງຜົ້ງສາລີໄດ້ມີຂຶ້ນເມື່ອວັນທີ 21 ພຶດສະພາ ຜ່ານມາທີ່ໂຮງຮຽນມັດທະຍົມສົມ ບູນບ້ານໃໝ່ເມືອງບຸນເໜືອ ໂດຍມີທ່ານພອນໄຊອ່ອນສາຫົວໜ້າພະແນກສຶກສາທິການ ແລະກີລາແຂວງຜົ້ງສາລີ, ທ່ານ ສົມສັກແກ້ວດາລາ ຮອງຫົວໜ້າພະແນກເຕັກນິກວິທະຍາສະຫະພັນບານເຕະແຫ່ງຊາດລາວ ຫຼື ສຕລ ແລະ ທ່ານ ສີປະເສີດ ສິນບັນດິດ ຫົວ ໜ້າພະແນກກຳມະການຕັດສິນ ສຕລ ທັງເປັນວິທະຍາກອນ, ມີສຳມະກອນຈາກ 7 ຕົວເມືອງ ແລະ10 ໂຮງຮຽນອ້ອມຂ້າງແຂວງ ເຂົ້າຮ່ວມ.

ການຝຶກອົບຮົມຄູຝຶກສອນກີລາ ເຕະບານຂັ້ນພື້ນຖານ (LFF ‘’D’’ Certificate Coaching Course 2019) ແລະກຳມະການຕັດສິນກີລາເຕະບານຂັ້ນພື້ນຖານ (Basic Referee Training2019) ຄັ້ງນີ້ເປັນການຮ່ວມມື ກັນລະຫວ່າງພະແນກສຶກສາທິ ການ ແລະກີລາແຂວງຜົ້ງສາລີ ແລະສະຫະພັນກີລາບານເຕະແຫ່ງ ຊາດລາວ ຊຶ່ງຈະດຳເນີນໄປເປັນ ເວລາ 4  ວັນລະຫວ່າງວັນທີ 21- 24 ພຶດສະພາ 2019 ໂດຍມີນັກ ສຳມະນາກອນຈຳນວນ 55 ທ່ານຈາກ 7 ຕົວເມືອງ ແລະ10 ໂຮງ ຮຽນອ້ອມຂ້າງແຂວງເຂົ້າຮ່ວມ.ທັງນີ້ກໍເພື່ອເສີມສ້າງພັດທະນາບຸ ຄະລາກອນຮຸ່ນສືບທອດກີລາເຕະ ບານໃຫ້ໄດ້ທົ່ວທຸກເຂດທີ່ຫ່າງໄກ ແລະເພື່ອນຳໃຊ້ຄວາມຮູ້ຄວາມສາ ມາດທີ່ໄດ້ຈາກການເຂົ້າຮ່ວມຝຶກອົບຮົມຄັ້ງນີ້ນຳໄປສືບຕໍ່ເຂົ້າຮ່ວມການອົບຮົມລະດັບອາຊີໃນອະນາ ຄົດ.

ໂດຍ: ເຂີຍບ້ານຫ້ອມ

แชร์