ລາວ-ຫວຽດນາມ ຮ່ວມມືໂຄສະນາສົ່ງເສີມທ່ອງທ່ຽວ

ລາວ-ຫວຽດນາມຈັດກອງປະຊຸມສຳມະນາສາກົນວ່າດ້ວຍບົດບາດສື່ມວນຊົນຕໍ່ວຽກງານ ການພັດທະນາການທ່ອງທ່ຽວຂຶ້ນເມື່ອວັນທີ 22 ພຶດສະພາ 2019 ທີ່ ສສ ຫວຽດນາມ ໂດຍມີທ່ານ ຮວ່າງ ຫວີງບ໊າວ ຮອງລັດຖະມົນ ຕີກະຊວງຖະແຫຼງຂ່າວ ແລະສື່ສານຫວຽດນາມ ທ່ານ ສະຫວັນ ຄອນ ຣາຊມຸນຕີ ຮອງລັດຖະມົນ ຕີກະຊວງຖະແຫຼງຂ່າວວັດທະນະທຳແລະທ່ອງທ່ຽວ ສປປ ລາວພ້ອມດ້ວຍພາກສ່ວນກ່ຽວຂ້ອງທັງ ສອງຝ່າຍເຂົ້າຮ່ວມ.

ທ່ານຮວ່າງ ຫວີງບ໊າວ ກ່າວວ່າ:ເພື່ອຊ່ວຍໃຫ້ນັກຂ່າວຫວຽດ ນາມແລະລາວພ້ອມກັນແບ່ງປັນ ບົດຮຽນກ່ຽວກັບສະພາບການຕົວຈິງໃນການເຄື່ອນໄຫວສື່ສານຕິດພັນກັບການພັດທະນາການທ່ອງ ທ່ຽວໃນປະຈຸບັນ ສປປລາວແມ່ນປະເທດມີນະໂຍບາຍເອົາໃຈໃສ່ເຖິງການທ່ອງທ່ຽວຍ້ອນວ່າການທ່ອງທ່ຽວຂອງລາວແມ່ນຂະແໜງເສດຖະກິດມີລະດັບການພັດທະນາ ໄວ.

ເມື່ອເວົ້າເຖິງບົດບາດຂອງສື່ ມວນຊົນກັບການພັດທະນາການ ທ່ອງທ່ຽວບໍ່ສາມາດຂາດການຮ່ວມເດີນທາງຂອງບັນດານັກຂ່າວ ຂຶ້ນກັບອົງການສື່ມວນຊົນລາວ ແລະຫວຽດນາມບັນດາສື່ຍາມໃດກໍຮ່ວມເດີນທາງຊ່ວຍການພັດທະ ນາການທ່ອງທ່ຽວເພື່ອໃຫ້ການພັດທະນານັ້ນສົມກັບທ່າແຮງບົ່ມຊ້ອນ ໃນປະຈຸບັນແຕ່ລະປະເທດ ກໍຄືຫວຽດນາມລ້ວນແຕ່ມີສະພາບ ຕົວຈິງນັ້ນແມ່ນແຫຼ່ງເງິນລົງທຶນໃຫ້ແກ່ວຽກງານໂຄສະນາການທ່ອງທ່ຽວ.

ທ່ານ  ສະຫວັນຄອນຣາຊມຸນຕີກ່າວວ່າ:ສື່ມວນຊົນສອງປະເທດລາວ-ຫວຽດນາມໄດ້ມີການພົວພັນການແລກປ່ຽນແລະການຊ່ວຍເຫຼືອກັນຢ່າງໃກ້ຊິດທາງດ້ານອຸປະກອນເຕັກໂນໂລຊີ ແລະການພັດທະນາບຸຄະລາກອນການພົວພັນຮ່ວມມືແລກປ່ຽນ ແລະຊ່ວຍເຫຼືອກັນຢ່າງໃກ້ຊິດແລະຮັບໃຊ້ໂຄສະນາໃຫ້ປະເທດຂອງກັນ ແລະກັນບົນຈິດໃຈສາຍພົວພັນມິດຕະພາບ ອັນຍິ່ງໃຫຍ່ຄວາມສາມັກຄີແບບ ພິເສດແລະການຮ່ວມມືຮອບດ້ານລະຫວ່າງສອງພັກລັດແລະປະຊາ ຊົນສອງຊາດເວົ້າລວມກໍຄືບົນພື້ນຖານຂໍ້ຕົກລົງວ່າດ້ວຍການ ຮ່ວມມືສະບັບຕ່າງໆທີ່ທົບທວນແລະເຊັນກັນໃນແຕ່ລະປີລະຫວ່າງກະຊວງສອງຂະແໜງການ ແລະ ອົງການສື່ມວນຊົນທຸກປະເພດດ້ວຍກັນເວົ້າສະເພາະລາວ-ຫວຽວນາມ.

ນອກນັ້ນໃນກອງປະຊຸມຍັງໄດ້ ພິຈາລະນາບັນດາມາດຕະການບັນດາຄວາມຫຍຸ້ງຍາກແລະຄວາມສະດວກໃນວຽກງານໂຄສະນາຕິດພັນກັບການທ່ອງທ່ຽວເພື່ອຍົກສູງ ບົດບາດຂອງສື່ມວນຊົນສື່ສານການໂຄສະນາປົກປັກຮັກສາມໍລະດົກແລະພັດທະນາມການທ່ອງທ່ຽວແບບຍືນຍົງເພີ່ມທະວີການພົວພັນແລກປ່ຽນວັດທະນະທຳ ຕື່ມອີກ.

ນສພ ເສດຖະກິດ-ສັງຄົມ

• 24/05/2019