ມາເບິ່ງຊຸດຊຸບຕາ ຍ່າງເທິງພົມແດງຄານ 2019

ເທດສະການຮູບເງົາເມືອງ ຄານຈັດຕໍ່ເນື່ອງມາຕັ້ງແຕ່ປີ1946ຊຶ່ງປີນີ້ກໍເປັນຄັ້ງທີ 72 ຂອງ Cannes Film Festival ແລ້ວຊຶ່ງນອກຈາກຮູບເງົາຄຸນນະພາບອີກ ໜຶ່ງສິ່ງສຳຄັນຂອງງານທີ່ທຸກຄົນລໍຖ້າຊົມກໍຄືການຍ່າງພົມແດງຂອງບັນດາຄົນດັງຈາກຫຼາກຫຼາຍວົງການທີ່ແຂ່ງຂັນກັນເສື້ອຜ້າໜ້າຜົມ ພົມແດງຄານ 2019 ນີ້ ຈະມີຜູ້ ໃດແດ່ທີ່ເປັ່ງປັ່ງອະລັງການມາເບິ່ງ ກັນເລີຍ.

ສຳລັບຄົນທຳອິດຕ້ອງຍົກໃຫ້ ແອລແຟນນິ່ງທີ່ງົດງາມມາຕັ້ງແຕ່ພົມແດງຄານປີທີ່ຜ່ານມາພົມແດງຄານປີນີ້ລາວມາໃນຊຸດຜ້າໄໝສີໄຂ່ຈາກ Gucciເພີ່ມຄວາມງາມ ອີກ, ຄົນທີ່ສອງຄືເຊເລນ່າໂກເມຊການເປີດໂຕເທື່ອທຳອິດໃນພົມແດງຄານຂອງລາວມາໃນເສື້ອຄຣອບສີຂາວຂອງ Louis Vuittonທີ່ເບິ່ງ ລຽບໆແຕ່ເສີມດ້ວຍສ້ອຍຄໍເພັດ ຂອງ Bulgariທີ່ປະດັບດ້ວຍເພັດ ຫຼາຍກວ່າ 88 ກະຣັດ, ມາຕໍ່ກັນທີ່ອະດີດນາງຟ້າວິກຕໍເຣີຍຄົນງາມ ອະເລກຊານດຣ້າແອມໂບຊິໂອ້ມາ ໃນຊຸດຂອງແບຣນRalph&Russo ທີ່ນອກຈາກດຶງດູດສາຍຕາ ຊ່າງພາບແລ້ວຍັງດຶງດູດສາຍຕາ ຜູ້ຊົມ, ອິຊາເບລໂກລາດພັນລະຍາ ຂອງນັກເຕະບານຄົນເຢຍລະມັນຄືເຄວິນທັບງານນີ້ມາໃນຊຸດສີມ່ວງທີ່ເຜີຍແຜ່ພະລັງສຸດເຊັກຊີຂອງ ແບຣນ Etro. ປິດທ້າຍທີ່ນາງແບບສາວຊາວດັດ ໂຣເມສະຕຣາຍອີກໜຶ່ງນາງຟ້າວິກຕໍເຣຍຊີເຄຣັດທີ່ມາໃນຊຸດດອກໄມ້ສີທອງຂອງແບນ Eto.

 ນສພ ເສດຖະກິດ-ສັງຄົມ

แชร์