ຜົນປະກວດຮ້ອງເພງໂຄງການພີເອັສຊີ

ບໍລິສັດ ເບຍລາວຈຳກັດ ໄດ້ຈັດງານປະກວດຮ້ອງເພງຮອບ ຊິງຊະນະເລີດໃນໂຄງການ Pepsisinging Contest 8 (PSC)ປະຈຳປີ 2019 ຂຶ້ນທີ່ຫໍວັດທະນະທຳແຫ່ງຊາດໃນວັນທີ 17 ພຶດສະພາ ຜ່ານມາໂດຍໃຫ້ກຽດເຂົ້າ ຮ່ວມເປັນປະທານຂອງທ່ານນາງແສງມະນີ ໄຊຍະກອນຜູ້ຈັດການການຕະຫຼາດຜະລິດຕະພັນນໍ້າອັດລົມເປບຊີພ້ອມດ້ວຍບັນດາຄະນະກຳມະການຕັດສິນ, ຄູຝຶກ, ຜູ້ໃຫ້ ຄວາມຄິດເຫັນ, ບັນດາຜູ້ເຂົ້າປະກວດແລະກອງເຊຍເຂົ້າຮ່ວມຢ່າງຫຼວງຫຼາຍ.

ການເຂົ້າປະກວດແຂ່ງຂັນຮ້ອງ ເພງໃນຄັ້ງນີ້ປະກອບດ້ວຍ 2 ລາຍ ການຄື: ລາຍການຮ້ອງເພງຊ້າ ໂດຍຜູ້ປະກວດທັງໝົດ 12 ຄົນ ຕ້ອງໄດ້ມາແຂ່ງຂັນຮ້ອງເພງດ່ຽວ ແລະລາຍການຮ້ອງເພງໄວຂອງແຕ່ລະທີມ ໂດຍປະກອບມີທັງໝົດ 4 ທີມ ທີມລະ 3 ຄົນ ຕາມການ ຝຶກຝົນຂອງຄູຝຶກ ຊຶ່ງຜູ້ໃຫ້ຄວາມ ຄິດເຫັນແລະຄະນະກຳມະການຈະ ໃຫ້ຄະແນນຕາມນໍ້າສຽງຮ້ອງ ແລະສິລະປະການສະແດງ.ຜົນການປະກວດປາກົດວ່າຜູ້ຊະນະເລີດໄດ້ ແກ່ໝາຍເລກ P10 ນາງ ນຸດສະບາ ດາວະດິງ (ເຈນນີ່) ອາຍຸ 21ປີ ນັກສຶກສາ ປີ 3 ສາຂາວິຊາເສດຖະສາດພັດທະນາ ແລະການ ວາງແຜນຄະນະເສດຖະສາດແລະ ບໍລິຫານທຸລະກິດ ໄດ້ຮັບລາງວັນ 15 ລ້ານກີບ ພ້ອມດື່ມເປບຊີຟຣີໜຶ່ງປີ ແລະກຽມອອກຊຸດເພງເປັນຂອງ ຕົນເອງ.ສ່ວນຮອງຊະນະເລີດອັນ ດັບໜຶ່ງໄດ້ແກ່ໝາຍເລກ  P05  ນາງຈັນທະໜອມ ແກ້ວມໍລະກົດ ໄດ້ຮັບລາງວັນ 10 ລ້ານກີບ; ຮອງຊະນະ ເລີດອັນດັບ 2 ໄດ້ແກ່ທ້າວ ກິດຕິ ສັກ ບົວສະຫວັນ (ກັອດ) ໄດ້ຮັບລາງວັນ 8 ລ້ານກີບລາງວັນຂວັນ ໃຈມະຫາຊົນ (Popular Vote) ໄດ້ແກ່ໝາຍເລກ P02 ນາງ ມົນທິບ ດວງລາຕີ (ໄດ້ຮັບລາງວັນ)ໜ້ວຍ (5 ລ້ານກີບ ແລະທີມທີ່ຊະ ນະເລີດໃນການສະແດງ  ແລະຮ້ອງ ເພງໄວໄດ້ແກ່ທີມຂອງຄູຝຶກຕ໋ອກ (Coach Toh) ໄດ້ຮັບລາງວັນ 5 ລ້ານກີບ.

ນອກນັ້ນ, ຍັງມີລາງວັນຊົມເຊີຍ ໃຫ້ແກ່ຜູ້ເຂົ້າແຂ່ງຂັນໃນຮອບຊີງຊະນະເລີດທັງໝົດ 9 ລາງວັນ ລາງວັນລະ 4 ລ້ານກີບແລະມີລາງ ວັນພິເສດ Gift Voucher ຈາກ ທາງຮ້ານ Free Man Shop ຈຳ ນວນ 2 ລາງວັນ ລາງວັນລະ 1 ລ້ານກີບ ໃຫ້ແກ່ຜູ້ທີ່ມີນໍ້າສຽງຮ້ອງ ເພງດີທັງຍິງ ແລະຊາຍອີກດ້ວຍ.

ນສພ ເສດຖະກິດ-ສັງຄົມ

แชร์