ນັກເຕະຍິງລາວ U15 ຄວ້າຮອງແຊ້ມບານເຕະຍິງ ຊິງແຊ້ມອາຊຽນ

ນັກເຕະທີມຊາດຍິງລາວຮຸ່ນອາຍຸ 15 ໂຊຜົນງານດີເກີນຄາດໝາຍທີ່ວາງໄວ້ທີ່ເຮັດ ໃຫ້ແຟນບານທົ່ວປະເທດປະທັບໃຈກັບຜົນງານແຕ່ນັດທຳອິດຈົນຮອດຊິງຊະ ນະເລີດພົບເຈົ້າພາບແຂ່ງຂັນຈົບເວລາ 80 ນາທີ ສະເໝີກັນໄປ 0-0 ປະຕູ ແຕ່ໜ້າເສຍດາຍເສຍ ຈຸດໂທດ 5-3 ປະຕູເຮັດໃຫ້ເຈົ້າພາບໄທຄ້ວາເເຊ້ມລາຍການແຂ່ງ ບານເຕະຍິງຊິງແຊ້ມອາຊຽນຮຸ່ນ ອາຍຸບໍ່ເກີນ 15 ປີ ຫຼື AFF U15 GIRLS’ CHAMPIONSHIP 2019 ຈັດຂຶ້ນຢູ່ແຂວງຊົນບູຣີ ປະທດໄທ ຊຶ່ງຈັດຂຶ້ນໃນລະຫວ່າງ ວັນທີ 7 – 21 ພຶດສະພາ 2019.

ຜ່ານການແຂ່ງຂັນສຳລັບທີມຊາດລາວແມ່ນລົງສະໜາມ 5 ນັດນັດທີ1ຊະນະມາເລເຊຍ 4-0 ປະ ຕູ, ນັດທີ 2 ຊະນະສິງກະໂປ 7-0 ປະຕູ, ນັດທີ3ຊະນະກຳປູເຈຍ 2-0 ແລະນັດທີ 4 ຊະນະເຈົ້າພາບໄທ 5-2 ປະຕູ ແລະຮອບຮອງຊະນະ ເລີດເອົາຊະນະຟິລິບປິນໄປ 3-1 ປະຕູ ແລະຮອບຊິງຊະນະເລີດ     ແມ່ນເສຍຈຸດໂທດໃຫ້ເຈົ້າພາບໄທແບບໜ້າເສຍດາຍ 5-3 ປະຕູ.

ນສພ ເສດຖະກິດ-ສັງຄົມ

แชร์