ໂຈວເຫວິນຟະ ຈະບໍລິຈາກເງິນທັງໝົດ ໃຫ້ການກຸສົນ

    ໂຈວເຫວິນຟະສຸດຍອດນັກສະແດງຄົນຮົງກົງ (ສປ ຈີນ) ອາຍຸ 63 ປີ ມີຜົນງານຮູບເງົາທີ່ໂດ່ງດັງລະດັບໂລກປະກາດຈະບໍລິຈາກຊັບສົມບັດຂອງຕົນເອງທີ່ມີຢູ່ທັງໝົດໃຫ້ກັບການກຸສົນຫຼັງຈາກທີ່ຕົນເອງເສຍຊີວິດແລ້ວ.

    ໂຈວເຫວິນຟະນັກສະແດງລຸ້ນໃຫຍ່ຜູ້ທີ່ຕິດອັນດັບນັກສະແດງທີ່ມີລາຍໄດ້ສູງທີ່ສຸດໃນໂລກຂອງວາລະສານຟອບສເປັນເທື່ອທຳອິດໃນປີ 2015 ໂດຍຢູ່ອັນດັບທີ 24 ຮ່ວມກັບຣັສເຊລໂຄຣ, ໂດຍໂຈວເຫວິນຟະກ່າວວ່າລາວຈະມອບຊັບສິນທີ່ມີຢູ່ທັງໝົດ 715 ລ້ານໂດລາສະຫະລັດໃຫ້ກັບການກຸສົນເພາະຕາຍໄປແລ້ວກໍ່ເອົາໄປບໍ່ໄດ້ ແລະພັນລະຍາຂອງລາວກໍສະໜັບສະໜູນໃນການບໍລິຈາກເງິນໃຫ້ການກຸສົນ, ໂຈວເຫວິນຟະເກີດຢູ່ໝູ່ບ້ານຊາວປະມົງ, ມີຄວາມສຸກໃນຊີວິດແລະກິນອາຫານງ່າຍໆພຽງແຕ່ມີອາຫານກິນໃຫ້ອີມກໍ່ມີຄວາມສຸກແລ້ວເພາະສະໄໝກ່ອນຄອບຄົວຂອງລາວທຸກຍາກຈະມີຄວາມສຸກຫຼາຍເມື່ອໄດ້ກິນມັນດ້າງກັບຜັກແລະຈະດີໃຈແຮງທີ່ໄດ້ກິນຊີ້ນໄກ່ແລະຊີ້ນສັດອື່ນໆໃນເທສະການປີໃໝ່.

แชร์