ວາງສະແດງຮູບແຕ້ມລາຍລາວ ຜົນງານຂອງ ບຸນໂປນ ໂພທິສານ

ວັນທີ 17 ພຶດສະພາ 2019 ທີ່ອິນເຕີອາດແກໂລລີ (Eastern art gallery and academy) ນະຄອນຫຼວງວຽງຈັນໄດ້ເປີດງານວາງສະແດງຮູບພາບໃນຄໍເລັກເຊິນ “ຮູບແຕ້ມລາຍລາວ” ໂດຍເນັ້ນຮູບ ພາບແມ່ຍິງລາວແລ້ວປະກອບໃສ່ ລາຍສິລະປະໃຫ້ເປັນເອກະລັກວັດທະນະທຳລາວແບບປະສົມປະສານກັນຊຶ່ງເປັນຜົນງານວາງສະແດງ ຂອງທ່ານ ບຸນໂປນ ໂພທິສານ.

ທ່ານບຸນໂປນ ໂພທິສານອາຈານແຕ້ມຮູບອິດສະຫຼະໄດ້ກ່າວ ວ່າ:ສຳລັບຜົນງານທີ່ແຕ້ມອອກມາ ໃນຄໍເລັກເຊິນຊຸດນີ້ແມ່ນໃຊ້ເວລາ ໃນການສ້າງວາດຮູບປະມານ 6ກວ່າເດືອນ ໃນນັ້ນລວມທັງໝົດມີຢູ່ປະມານ 40 ກວ່າພາບ ໂດຍ ເນັ້ນຮູບພາບແມ່ຍິງລາວແລ້ວປະກອບໃສ່ລາຍສີລະປະໃຫ້ເປັນເອກະ ລັກທີ່ໂດດເດັ່ນທາງດ້ານວັດທະນະ ທຳລາວແລ້ວປະສົມປະສານກັນ ໃຫ້ມີຄວາມງົດງາມ ໂດຍຈະວາງ ສະແດງແຕ່ວັນທີ 17-25 ພຶດສະພາ ອິນເຕີອາດແກໂລລີ ຊຶ່ງກ່ອນ ໜ້ານີ້ໄດ້ແຕ້ມຮູບພາບ ແລະມີຄົນ ຕ່າງປະເທດມາຈອງຊື່ໄປວາງສະ ແດງໃນຕ່າງປະເທດໄປແລ້ວຈຳ ນວນ 20 ຮູບ, ສຳລັບຜົນງານໃນ ຊຸດນີ້ແຕ້ມດ້ວຍສີອະຄີລິກ ໂດຍມີ ລາຄາເລີ່ມແຕ່ 500 ຫາ 4,5 ພັນ ໂດລາສະຫະລັດ.

ສຳລັບຜົນງານທີ່ຜ່ານມາກະ ແສຕອບຮັບຈາກສັງຄົມລາວແມ່ນດີຂຶ້ນເລື້ອຍໆພ້ອມທັງຮຽກຮ້ອງໃຫ້ ສັງຄົມໄດ້ຮຽນຮູ້ສິນລະປະຂຶ້ນຕື່ມເພື່ອເປັນການຖອດຖອນບົດຮຽນ ແລະເພີ່ມເຂົ້າໃຈເພາະວ່າວຽກງານ ສິລະປະສາມາດສ້າງຂຶ້ນໄດ້ກັທຸກຄົນແລະຈຸດປະສົງການສ້າງຜົນ ງານນຳມາວາງສະແດງຊຸດນີ້ກໍເພື່ອໃຫ້ຄົນຮຸ້ນໃໝ່ໄດ້ຮຽນຮູ້ໄດ້ເຫັນເຖິງ ຄວາມງົດງາມ ແລະເຂົ້າໃຈວັດທະ ນະທໍາຫຼາຍຂຶ້ນ.

ຮຽບຮຽງໂດຍ: ແພງຕາ

แชร์