ການນຳແຂວງອຸດົມໄຊ ພົບປະນັກສຶກສາ ທີ່ສຶກສາຢູ່ຮາຍຟ໋ອງ

ໃນໂອກາດທີ່ບັນດາການນໍາ ຂັ້ນສູງແຂວງອຸດົມໄຊຊຶ່ງນໍາໂດຍ ທ່ານຄໍາພັນເຜີຍຍະວົງ ເຈົ້າແຂວງອຸດົມໄຊ ໄດ້ເຄື່ອນໄຫວພົບປະ,ຢ້ຽມຢາມສັນທະວະໄມຕີກັບບັນດາແຂວງຂອງ ສສ ຫວຽດນາມ ໃນລະຫວ່າງວັນທີ 15-30 ພຶດສະພາ 2019 ກໍໄດ້ຖື ໂອກາດດັ່ງກ່າວ ເຂົ້າພົບປະຢ້ຽມຢາມ ແລະໂອ້ລົມ ກັບນັກສຶກສາຈາກແຂວງອຸດົມໄຊ ທີ່ມະຫາວິທະຍາໄລຮາຍຟ໋ອງແຫ່ງສສ ຫວຽດນາມ ໃນຕອນແລງວັນ ທີ 17 ພຶດສະພາ 2019.

ການພົບປະກັບບັນດານັກສຶກ ສາແຂວງອຸດົມໄຊ ຂອງການນໍາແຂວງອຸດົມໄຊ ໃນຄັ້ງນີ້ແມ່ນໄດ້ ຮັບການຕ້ອນຮັບຈາກນັກສຶກສາ ລວມທັງທ່ານ ນາງ ຫງວຽນທິ ຮຽນ  ອຳນວຍການມະຫາວິທະຍາ ໄລຮາຍຟ໋ອງພ້ອມດ້ວຍຄູ-ອາຈານຈາກມະຫາວິທະຍາໄລ ດັ່ງກ່າວເປັນຢ່າງດີ. ໃນນັ້ນບັນດາການ ນຳແຂວງອຸດົມໄຊ ໄດ້ຮັບຟັງການລາຍງານສະພາບລວມຂອງມະຫາວິທະຍາໄລນັບຕັ້ງແຕ່ໄດ້ຮັບການສ້າງຕັ້ງຈົນຮອດປະຈຸບັນ ຊຶ່ງໂຮງ ຮຽນດັ່ງກ່າວເລີ່ມຮັບນັກສຶກຈາກ  ສປປລາວນັບຕັ້ງແຕ່ສົກຮຽນປີ 2003–2004 ເປັນຕົ້ນມາ. ປະຈຸບັນມີນັກສຶກສາລາວກໍາລັງສຶກສາທັງໝົດ 100 ກວ່າຄົນ, ສະ ເພາະນັກສຶກສາຈາກແຂວງອຸດົມໄຊ ມີທັງໝົດ 56 ຄົນ, ຍິງ  22ຄົນ. ໃນນັ້ນເປັນທຶນຊ່ວຍເຫຼືອຂອງ ແຂວງຮາຍຟ໋ອງຈຳນວນ 24 ທຶນແລະ32 ທຶນ ແມ່ນທຶນສ່ວນຕົວ. ການພົບປະ, ຢ້ຽມຢາມໃນຄັ້ງນີ້ກໍ ເພື່ອຖາມຂ່າວ, ຄາວກ່ຽວກັບຊີວິດ ການເປັນຢູ່, ຂໍ້ສະດວກ, ຂໍ້ຫຍຸ້ງ ຍາກຕ່າງໆ, ການສຶກສາຮໍ່າຮຽນ ແລະອື່ນໆ.

ໂອກາດດັ່ງກ່າວທ່ານຄຳພັນເຜີຍຍະວົງ ເຈົ້າແຂວງອຸດົມໄຊ ໄດ້ມີຄຳເຫັນໂດຍເປັນການໂອ້ລົມຕໍ່ນັກສຶກສາໃນບາງບັນຫາເປັນຕົ້ນ ແມ່ນເອົາໃຈໃສ່ໃນການຄົ້ນຄວ້າ, ສຶກສາຮໍ່າຮຽນ, ເຂົ້າຮ່ວມຂະບວນການອັນລວມຂອງໂຮງຮຽນ, ປະ ຕິບັດລະບຽບ, ວິໄນຢ່າງເຂັ້ມງວດ, ຫຼີກລ້ຽງບັນຫາປະກົດການຫຍໍ້ທໍ້, ການຫຼິ້ນກິນຟຸມເຟື່ອຍ, ການອາລະ ວາດຕີກັນ, ການປະຕິບັດທີ່ຜິດຕໍ່ ວັດທະນະທຳ, ຮີດຄອງປະເພນີ ຂອງຊາວຫວຽດນາມ, ຕໍ່ລະບຽບ ຂອງໂຮງຮຽນແລະອື່ນໆ. ພ້ອມ ທັງເນັ້ນໜັກໃຫ້ນັກຮຽນທຸກຄົນນຳເອົາຄວາມຮູ້ທີ່ໄດ້ຈາກການສຶກ ສາຄັ້ງນີ້ໄປຈັດຕັ້ງປະຕິບັດ ແລະ ຜັນຂະຫຍາຍຢູ່ທ້ອງຖິ່ນຂອງຕົນໃຫ້ໄດ້ຮັບຜົນສຳເລັດ.

ໂດຍ: ຄານມະນີ

แชร์