ໂທດຂອງຢາອູດຍຸງ ທ່ານຄວນຮູ້

   ຢາອູດຍຸງຊື່ກໍ່ບົ່ງບອກຢ່າງຊັດເຈນແລ້ວວ່າໃຊ້ປະໂຫຍດສຳລັບອູດຍຸງ, ກັນຍຸງ ຊຶ່ງຢາອູດ ຍຸງເວລາໄຕ້ອູດແລ້ວຖ້າອູດໃນເຮືອນຍຸງຈະຕົກລົງມາພື້ນຕາຍໃຫ້ເຫັນກັບຕາຢ່າງງ່າຍດາຍ ແຕ່ຄຽງຄູ່ກັນນັ້ນຢາອູດຍຸງສ່ວນຫຼາຍພັດ ປະກອບດ້ວຍສານ d_Allethrin ຊຶ່ງສານເຄມີຊະນິດນີ້ສາມາດເຮັດ ໃຫ້ເກີດອັນຕະລາຍຕໍ່ຄົນໄດ້ ໂດຍ ສະເພາະແມ່ນລະບົບເຮັດວຽກ ຂອງຢາກັນຍຸງຈະເປັນການປະສົມສານອອກລິດລວມກັບຂີ້ເລື່ອຍຖ້າຈູດຢາກັນຍຸງກໍ່ຈະເກີດຄວາມ ຮ້ອນແລ້ວສົ່ງຜົນໃຫ້ສານອອກລິດ ກາຍເປັນຄວັນ ຫຼື ອາຍລະເຫີຍອອກມາເຮັດໜ້າທີ່ໃນການກຳຈັດຍຸງຊຶ່ງສານລະເຫີຍອອກມານັ້ນຈະມີຜົນເສຍຕໍ່ສຸຂະພາບຂອງຄົນເຊັ່ນກັນ.

   ຫຼາຍໆຄົນມັກຈູດຢາກັນຍຸງເພື່ອໄລ່ຍຸງໃນບໍລິເວນທີ່ມີຄົນຢູ່ຊຶ່ງເຮັດໃຫ້ເກີດການສູດດົມສານທີ່ລະເຫີຍຈາກຢາກັນຍຸງເຂົ້າໄປໃນຮ່າງກາຍເຮົາອາດຈະຮູ້ສຶກຫາຍໃຈຕິດໆຂັດໆຫາຍໃຈບໍ່ສະດວກເທົ່ານັ້ນແຕ່ຜົນຮ້າຍແຮງກວ່າ ນັ້ນຈະເກີດຂຶ້ນໃນອະນາຄົດເພາະມັນຈະເຂົ້າໄປສະສົມໃນຮ່າງກາຍຂອງເຮົາເລື້ອຍໆຊຶ່ງຄວາມຮ້າຍແຮງຂອສານລະເຫີຍຈາກຢາຈູດກັນຍຸງນີ້ທຽບເທົ່າກັບການສູດດົມຄວັນຈາກຢາສູບໂດຍອັດຕາຈາກສານລະເຫີຍຂອງຢາຈູດກັນຍຸງທີ່ຫຼາຍກວ່າພຽງແຕ່ຮູ້ສຶກຫາຍໃຈບໍ່ສະດວກຄືສານລະເຫີຍຈາກຢາອູດຍຸງຈະເຂົ້າໄປທຳລາຍເຍື່ອບຸເມືອກແລະທາງເດີນຫາຍໃຈສ່ວນເທິງຈະເຮັດໃຫ້ຫຼອດລົມແລະກ່ອງສຽງອັກເສບພ້ອມທັງຍັງເຂົ້າທຳ ລາຍປອດ, ທາງເດິນອາຫານ, ໝາກໄຂ່ຫຼັງທໍ່ໝາກໄຂ່ຫຼັງແລະພົກຍ່ຽວນອກຈາກນັ້ນຍັງເຮັດໃຫ້ເກີດອາການຫາຍໃຈຖີ່ໆຮູ້ສຶກວິນວຽນປວດຫົວປວດຮາກການສຳຜັດທາງຜິວໜັງເຮັດໃຫ້ເກີດການລະຄາຍເຄືອງຢ່າງແຮງສາມາດຊຶມຜ່ານຜິວໜັງເຂົ້າສູ່ຮ່າງກາຍໄດ້ງ່າຍຖ້າກິນເຂົ້າໄປເຮັດໃຫ້ເກີດອາການປວດຮາກແລະອາດຈະເປັນອັນຕະລາຍເຖິງຊີວິດໄດ້.

   ນອກຈາກນັ້ນແລ້ວຖ້າຫາກສານຈາກຢາອູດຍຸງເຂົ້າຕາຈະເຮັດໃຫ້ແສບຕາ, ຄັນຄາຍຕາເຮັດໃຫ້ຕາແດງແລະສານຈາກຢາອູດຍຸງນີ້ຍັງເປັນອັນຕະລາຍຕໍ່ລູກໃນທ້ອງຂອງແມ່ອີກດ້ວຍ.

• 27/12/2018